¶ 1 E KAIGA, kabau e moua ha tagata i ha kovi, kokimoutolu oku fakalaumalie, fakamoui ia i he loto agavaivai; mo ke tokaga‘i koe, telia naa fakatauvele‘i koe foki.

2 Mou fetoutou fefuaaki hoo mou kavega, bea fakamooni ai ki he fono a Kalaisi.

3 He kabau oku mahalo e ha taha ko ha mea ia, ka oku ikai, oku ne kākā‘i eia ia.

4 Kae tuku ke ahiahi e he tagata taki taha ene gaue aana, bea te ne toki ma‘u ai ae fiefia iate ia be, kae ikai i ha taha kehe.

5 Koeuhi e taki taha fua ene kavega aana.

6 Ko ia kuo akonekina i he folofola, ke ne foaki ae mea aoga kotoabe kiate ia oku akonaki.

7 Oua naa kākā‘i akimoutolu; oku ikai faa kākā‘i ae Otua: he koia oku tūtūi e he tagata, koia te ne utu foki.

8 He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

9 Bea ke oua naa tau fiu i he fai lelei: he te tau utu i hono faahita‘u totonu, o kabau e ikai te tau vaivai.

10 Koia, bea i he e tau ma‘u ha faiga-malie, ke tau fai lelei ki he kakai kotoabe, kae ajili be kiate kinautolu oku i he fale oe tui.

11 Oku mou mamata ki he tohi lahi kuou tohi atu kiate kimoutolu aki hoku nima ooku.

12 Ko kinautolu oku holi ke matamata lelei fakakakano be, oku nau fakaloto‘i akimoutolu ke mou kamu; telia naa fakataga‘i akinautolu koeuhi koe akau o Kalaisi.

13 He ko kinautolu kuo kamu, oku ikai te nau fai ki he fono; ka oku nau holi ke mou kamu, koeuhi ke nau bolebole ai i ho mou kakano.

14 Kae mamao mo au ae bolebole, ka i he akau be o ho tau Eiki ko Jisu Kalaisi, aia kuo tutuki ai ke mate a mamani kiate au, mo au ki mamani.

15 He oku ikai aoga jii ia Kalaisi Jisu ae kamu, be ae taekamu, ka koe faka-foou.

16 Bea ko kinautolu oku aeva o tāu moe mea fua ni, ke iate kinautolu ae monuia, moe aloofa, bea ki he Isileli oe Otua.

17 Ke gata mei heni, ke oua naa fakamamahi‘i au e ha taha: he oku ou fua i hoku jino ae gaahi fakailoga oe Eiki ko Jisu.

18 E kaiga, ke i ho mou laumalie ae ofa a ho tau Eiki ko Jisu Kalaisi. Emeni.