Vosa ni Vuku

E dua na lawa ni tiko bulabula sa vakatakila mai na Turaga me yaga vakayago ka vakayalo talega vei ira na Yalododonu (V&V 89). Sa dau kilai levu tu me Vosa ni Vuku. Sa dau vakavulici ira na Nona tisaipeli na Turaga ena ivakavuvuli ni tiko bulabula. Sa vakatakila na Turaga vei Josefa Simici na mataqali kakana me ra dau kania kei na kena me ra dau levea, vata kei na yalayala ni veivakalougatataki vakayago ka vakayalo talega me baleta na kena muri na Vosa ni Vuku.

Raica ko koya sa vakatabuya na kana lewe ni manumanu, me kakua ni kania na tamata, sa sega ni lesi mai vua na Kalou, V&V 49:18–21.
Na veika kece ka solia na vuravura oqo e dodonu me vakayagataki vakavuku, me kakua ni vakasabusabutaki, V&V 59:20.
Sa vakasalataki ira na Yalododonu na Turaga me ra kakua ni vakayagataka na waini, na gunu kaukauwa, na tavako, kei na gunu katakata, V&V 89:1–9.
Na draunikau, na vuanikau, na lewe ni manumanu, kei na sorenikau sa lewai mai me vakayagataka na tamata kei na manumanu, V&V 89:10–17.
Na talairawarawa ki na Vosa ni Vuku ena kauta mai na veivakalougatataki vakayago ka vakayalo talega, V&V 89:18–21.