Vakatovolei, Veivakatovolei Raica talega na Galala ni Digidigi; Tevoro; Vosota Na vakatovolei ni nona rawata e dua na tamata me digia na vinaka mai na ca; na veibacani me ia na ivalavala ca ka muri ko Setani ka sega na Kalou. Mo ni kakua ni kauti keimami ki na vere, ka mo ni vakabulai keimami mai na ca, Maci. 6:13 (3 Nif. 13:12). Sa sega na vere tani sa yaco vei kemudou, o koya ga sa vorata rawa na tamata, 1 Kori. 10:13. Sa veretaki talega ko Karisito me vakataki keda, Ipe. 4:14–15. Sa kalougata na tamata sa vosota ni sa vakatovolei, Jeme. 1:12–14. Na veitemaki ni meca ena sega ni rawa ni rawai ira era vakarorogo ki na vosa ni Kalou, 1 Nif. 15:24 (Ila. 5:12). Ia, sa sega ni rawa ni lewa ga na ka me kitaka na tamata ka vakavo kevaka me na bacani mai vua e dua se mai vei koya ka dua, 2 Nif. 2:11–16. Vakatawa ka masu tiko ga, mo ni kakua kina ni temaki mai na veika ko ni na sega ni vorata rawa, Alama 13:28. Vakavulici ira me ra vorata na veitemaki kece ga ni tevoro ka vakabauta na Turaga ko Jisu Karisito, Alama 37:33. Dou dau vakatawa ka masu tikoga, me kakua ni temaki kemudou na tevoro, 3 Nif. 18:15, 18 (V&V 20:33; 31:12; 61:39). Ia mo qarauna na qaciqacia, mo kakua kina ni rawai ena veitemaki, V&V 23:1. Ka sa lewai koya na tevoro, ni sa rawai ena nona veitemaki, V&V 29:39–40. Au sa biu tu me’u sota kaya na veivakatovolei kecega, JS—AT 1:28.