Jeje ko, Jeje ko Rekwōjarjar

Naan ko, jim̧or em̧ōj jeje im ekkōnono, jān em̧m̧aan ekwōjarjar ro an Anij n̄e Jetōb Kwōjarjar ej kōm̧akūt er. Jeje ko Rekwōjarjar kili an Kabun̄ in rainin rekitbuuj Baibōļ eo, Bok in Mormon, Katak im Bujen Ko, im Bōōr eo Eļap Wōņāān. Jisōs im rijeje ro an Kallim̧ur Ekāāl raar watōki bok ko ilo Kallim̧ur Em̧or āinwōt jeje ko rekwōjarjar (Matu 22:29; Jon 5:39; 2 Tim. 3:15; 2 Pit. 1:20–21). Lale barāinwōt Laajrak in Men ko rej Waļo̧k ekkar n̄an Tōre ko aer ilo appendix eo.

Armej rej bōd ilo likarōk ippān jeje ko rekwōjarjar im jab meļeļe er, K&B 10:63.
Naan kein rej jab jān armej raņ ak kōn armej, a kōn Eō, K&B 18:34–36.
Wōnm̧aantak eo an Bok in Mormon ej kam̧ool n̄an laļ bwe jeje ko rekwōjarjar rem̧ool, K&B 20:2, 8–12.
Kōtļo̧k bwe am̧ iien en maatļo̧k n̄an ekkatak jeje ko rekwōjarjar, K&B 26:1.
Jeje ko rekwōjarjar em̧ōj litok n̄an tōl Ro Rekwōjarjar, K&B 33:16.
Jeje ko rekwōjarjar em̧ōj litok n̄an lo̧mo̧o̧r eo an ro rikāālet, K&B 35:20.
Katakin pedped ko an gospel eo Aō, ko rej ilo Baibōļ eo im Bok in Mormon, K&B 42:12.
Kien ko Aō kōn men kein em̧ōj liwōji ilo jeje ko rekwōjarjar Aō, K&B 42:28.
Jabdewōt men ekkōnono ium̧win jelōt an Jetōb Kwōjarjar ej jeje ekwōjarjar, K&B 68:4.

Jeje ko Rekwōjarjar rejako

Ekanooj lōn̄ jeje ekwōjarjar ko ba kaki ilo jeje ko rekwōjarjar im rej jab pād ipped rainin, ilubwiljier rej bok kein im rijeje rein: bujen eo (Ex. 24:7), tariņae ko an Irooj (Bōn. 21:14), Jashar (Josh. 10:13; 2 Sam. 1:18), jerbal ko an Solomon (1 Kiin̄ 11:41), Samuel rilolo eo (1 Kron. 29:29), Netan rikanaan eo (2 Kron. 9:29), Shemaia rikanaan eo (2 Kron. 12:15), Iddo rikanaan eo (2 Kron. 13:22), Jihu (2 Kron. 20:34), ennaan ko an rilolo ro (2 Kron. 33:19), Inok (Jud 1:14), im naan ko an Zenōk, Neum, im Zinōs (1 Ni. 19:10), Zinōs (Jekab 5:1), Zenōk im Ezias (Hil. 8:20), im juon bok in keememej (Moses 6:5); im lōta ko n̄an riKorint (1 Kor. 5:9), n̄an riEpesōs (Epe. 3:3), jān Leodisia (Kol. 4:16), im jān Jud (Jud 1:3).

Jeje ko rekwōjarjar reaikuj in pād ilo kōjparok

Aorōk eo an jeje ko rekwōjarjar

Iaar jejon̄itok aolep jeje ko rekwōjarjar n̄an kōm, bwe en maron̄ n̄an am em̧m̧anļo̧k im jeļā, 1 Ni. 19:23.
Aō ej lan̄lōn̄ ilo jeje ko rekwōjarjar, 2 Ni. 4:15–16.
Kōm ar niknik jerbal n̄an jeje, n̄an karreel būruōn ro nejim, im barāinwōt ro jeiūm̧ im jatim, n̄an tōmak ilo Kraist, 2 Ni. 25:23.
Raar etale jeje ko rekwōjarjar, im jab bar eo̧ron̄ naan ko an armej in enana, Jekab 7:23 (Alma 14:1).
Eļan̄n̄e jab kōn pileij kein, kōm aikuj kar en̄taan ilo jajeļo̧kjeņ, Mosa. 1:2–7.
Raar etale jeje ko ilo laļn̄ijn̄ij, bwe ren maron̄ jeļā naan eo an Anij, Alma 17:2–3.
Jeje ko rekwōjarjar em̧ōj kōjparoki n̄an bōktok armej n̄an lo̧mo̧o̧r, Alma 37:1–19 (2 Ni. 3:15).
Naan eo an Anij enaaj tōlļo̧k armej eo an Kraist, Hil. 3:29.