Vakarokoroko Raica talega na Rere; Rokova Na kena dokai vakabibi na veika tabu. Sa vakaroti Mosese na Turaga me luvata tani na ivava mai na yavana, ni sa qele tabu na tikina ka sa tu kina, L.Y 3:4–5. Me rerevaki na Kalou ka rokovi, Same 89:7. Eda sa qarava vinaka kina na Kalou ena yalomatua kei na rere, Ipe. 12:28. A sa cuva ki na qele, ka masuta vakaukauwa na nona Kalou ko Moronai, Alama 46:13. Era sa cuva vakatoboicu ki na qele na lewevuqa ka vakarokoroko vei Karisito, 3 Nif. 11:12–19. Dou cuva sobu vei au, V&V 5:24. Ia na veika kecega era sa cuva ka vakarokoroko ena yalomalumalumu vua na Kalou ena nona itikotiko vakaturaga, V&V 76:93. Ka sa dau vakabutobutotaki na nomudou vakanananu, ena nomudou dau vakawalena na veika dou sa ciqoma, V&V 84:54–57. Ena tekiduru na duru vakayadua, ka vakatusa na yame kece ga, V&V 88:104. Ia ena vuku ni kena vakarokorokotaki na yaca i Koya sa Cecere Sara, era sa mani vakatoka kina na Lotu na matabete vei Melikiseteki, V&V 107:4. Na veivakalougatataki ena sovaraki vei koya sa vakarokorokotaka na Turaga ena nona vale, V&V 109:21.