Na vakaduavatataki ni yago vakayalo kei na yago vakalewe kei na sui ni oti na mate. Ni sa oti na tucake tale mai na mate, erau na sega tale ni veitawasei vakadua na yago kei na yalo, sa na sega kina ni mate rawa na tamata. Na tamata kece era sa mai bula ena vuravura oqo era na vakaturi cake tale mai na mate me vaka ni sa vakadruka na mate ko Jisu Karisito (1Ā Kori. 15:20ā22).
Ko Jisu Karisito na imatai ni tamata e vuravura oqo me vakaturi cake tale mai na mate (Cakacaka 26:23; Kolo. 1:18; iVakata. 1:5). Sa vakaraitaki tu ena Veiyalayalati Vou na ivakadinadina ni a tucake tale mai ko Jisu vata kei na Yagona vakayago: sa lala na Nona ibulubulu, a kana ika kei na oni, a dua na yagona vakalewe kei na sui, era a tarai Koya na tamata, ka ra kaya na agilosi ni sa tucake tale ko Koya (Mari. 16:1ā6; Luke 24:1ā12, 36ā43; Joni 20:1ā18). E vakadeitaka na ivakatakila ni gauna oqo na dina ni Tucake tale mai na mate nei Karisito kei na kawatamata kecega (Alama 11:40ā45; 40; 3Ā Nif. 11:1ā17; V&V 76; Mosese 7:62).
Ena sega ni tautauvata na lagilagi era na vakaturi cake kina na tamata kecega (1Ā Kori. 15:39ā42; V&V 76:89ā98), eda na sega talega ni vakaturi cake vata ena dua ga na gauna (1Ā Kori. 15:22ā23; Alama 40:8; V&V 76:64ā65, 85; 88:96ā102). E vuqa na yalododonu era na vakaturi ni oti na nona Vakaturi cake na Karisito (Maci. 27:52). O ira na buladodonu era na vakaturi cake ni bera ni ra vakaturi cake na tamata ca ka ra tucake mai ena iMatai ni Tucake tale (1Ā Cesa. 4:16); ko ira era sega ni veivutunitaka na nodra ivalavala ca era na qai tucake mai ena iotioti ni tucake tale (iVakata. 20:5ā13; V&V 76:85).