Vunau Raica talega na Cakacaka ni Kaulotu; Kosipeli Me tukuni e dua na itukutuku ka na vakavurea na kena kilai vakavinaka e dua na ivakavuvuli ni kosipeli se ivunau. Sa lumuti au ko Jiova meu vunautaka na rogorogo vinaka vei ira sa yalomalaumalumu, Ais. 61:1 (Luke 4:16–21). Mo cavu tu mo lako ki Ninive, ka vunau kina, Jona 3:2–10. Mai na gauna ko ya sa vakatekivu kina ko Jisu me dauvunau, Maci. 4:17. Dou lako yani ki vuravura taucoko, ka vunautaka na itukutuku vinaka vei ira na tamata kecega, Mari. 16:15. Keitou sa vunautaki Karisito ni sa lauvako ena kauveilatai, 1 Kori. 1:22–24. Ka lako talega kina ko koya ka vunau vei ira na yalo sa tiko e valeniveivesu, 1 Pita 3:19. Sa sega tale ni dua na ka, ia na vunau ga kei na nodra vakayavalati e vakavuna me ra na rerevaka na Turaga, Inosi 1:23. Io, sa vakaroti ira me ra kakua ni vunautaka e dua tale na ka, na veivutuni ga kei na vakabauta na Turaga, Mosa. 18:20. Na vunautaki ni vosa e dau vakaukauwataki ira na tamata mera vakayacora na ka e dodonu, Alama 31:5. Mo kakua ni nanuma ni ko sa kacivi mo vunau me yacova ni ko sa kacivi vakaidina, V&V 11:15. Ni na sega ni vakatarai vua e dua me la’ki vunautaka na noqu kosipeli, vei koya ga sa tabaki, V&V 42:11. Ena vunautaki yani na kosipeli oqo ki na veimatanitu, V&V 133:37. Ka sa tekivu me vunautaki na Kosipeli, mai na ivakatekivu, Mosese 5:58.