iTuvatuva ni Veivueti

Na taucoko ni kosipeli i Jisu Karisito, e caka me rawa kina vua na tamata na tawamate rawa kei na bula tawamudu. E okati kina na Veibuli, na Lutu, kei na Veisorovaki, vata kei na lawa, na cakacaka tabu vakalotu, kei na ivunau kecega sa solia na Kalou. Na ituvatuva oqo sa rawa kina ki na tamata kecega me ra vakacerecerei ka bula me sega ni mudu vata kei na Kalou (2 Nif. 2; 9). E dau cavuti ena ivolanikalou na ituvatuva oqo me ituvatuva ni veivakabulai, na ituvatuva ni marau, kei na ituvatuva ni loloma cecere.

Ni sa sega sara e dua tale na yaca e rukui lomalagi sa soli ki vei ira na tamata, me da bula rawa kina, Cakacaka 4:12.
Ni sa qai mate kecega ena vukui Atama, ena vakabulai kece talega ena vukui Karisito, 1 Kori. 15:22.
Ni sa loloma soli wale ga dou sa vakabulai kina ena vuku ni vakabauta, Efe. 2:8 (2 Nif. 25:23).
Na bula tawamudu sa yalataka e liu na Kalou, sa qai tekivu e muri na vuravura, Taito 1:2.
Sa yaco ko Jisu me vu ni bula tawamudu, Ipe. 5:8–9.
Sa soli talega vei ira era sa mate na ituvatuva ni veisereki, 1 Pita 3:18–20; 4:6 (V&V 138).

Ni sa na yaco na mate, me vakayacori kina na inaki loloma i koya na Dauniveibuli cecere, 2 Nif. 9:6.
A ka levu vakaidina na nona inaki na noda Kalou, 2 Nif. 9:13.
Na ituvatuva ni veisereki, e yaco kina na tucake tale kei na vakabokoci ni ivalavala ca, Alama 12:25–34.
Sa vakavuvulitaka ko Eroni na ituvatuva ni veisereki vei tamai Lamonai, Alama 22:12–14.
Vakamacalataka ko Amuleki na ituvatuva ni veivakabulai, Alama 34:8–16.
Vakamacalataka ko Alama na ituvatuva ni veivakabulai, Alama 42:5–26, 31.