Ineem̧m̧an, Jab Kijooror, Kijenmej, Kōmmaanwa Lale barāinwōt Ineem̧m̧an, Rittā Bōro; Niknik Kijenmej eaetok; maron̄ eo n̄an kijenmej en̄taan, kōnana, ak metak ilo ejjeļo̧k ņota ak idenoņe. Kakkije ilo Irooj, im kōttare E im jab kijooror, Sam Ko 37:7–8. E eo ej rum̧wij n̄an libabne ej jān eļap meļeļe, Jabōn 14:29. Ilo ami kijenmej kom̧in bōk jetōb ko ami, Luk 21:19. Ewōr am kōjatdikdik kōn kijenmej im aenōm̧m̧an eo ilo jeje ko rekwōjarjar, Rom 15:4. Kom̧in rikaļoor an ro im kōn tōmak im kijenmej rej jolōt kallim̧ur ko, Hib. 6:12–15. Kijenmej en wōr an jerbal eweeppān, bwe kom̧in maron̄ weeppān im dipiio, Jemes 1:2–4. Kom̧ ar ron̄ kōn kijenmej eo an Job, Jemes 5:11. Rekar ajeļo̧k er ilo m̧ōņōņō im kōn ineem̧m̧an n̄an aolep ankilaan Irooj, Mosa. 24:15. Kwaar ineek aolep men kein kōn kōmmaanwa kōnke Irooj ekar pād ippam̧, Alma 38:4–5. Wōnm̧aanļo̧k ilo kijenmej m̧ae ami weeppān, K&B 67:13.