Na taucoko ni kosipeli i Jisu Karisito (V&V 66:2). E vou ena veigauna kece e vakatakilai tale kina ni oti na gauna ni vukitani. E tawamudu ena vakasama ni oqo na nona veiyalayalati na Kalou ka sa dau marautaki ena veitabagauna kece sara vakosipeli, ni ra tu vakarau na tamata me ra ciqoma. Na veiyalayalati vou ka tawavakaiyalayala a vakatakilai tale ki na tamata e vuravura mai vei Jisu Karisito ena veiqaravi ni Parofita o Josefa Simici. E lewena na veicakacaka vakalotu tabu ka qaravi ena dodonu ni matabete—me vaka na papitaiso kei na vakamau ena valetabu—ka vakarautaki kina na nodra vakabulai na tamata, na bula tawamate rawa, kei na bula tawamudu. Ni ra sa ciqoma na kosipeli na tamata ka ra yalataka me ra talairawarawa ki na ivakaro ni Kalou, sa yalataka tu na Kalou me na vakalougatataki ira ena Nona veiyalayalati vou ka tawamudu.