Moisi

Një profet i Dhjatës së Vjetër i cili i udhëhoqi izraelitët për të dalë nga robëria egjiptiane dhe iu dha atyre një grup ligjesh fetare, shoqërore dhe ushqimore, siç u zbuluan nga Perëndia.

Shërbesa e Moisiut u shtri përtej kufijve të jetës së tij të vdekshme. Joseph Smith-i na mësoi se së bashku me Elijan, ai erdhi në malin e Shpërfytyrimit dhe i dha çelësat e priftërisë Pjetrit, Jakobit dhe Gjonit (Mt. 17:3–4; Mr. 9:4–9; Llu. 9:30; DeB 63:21).

Moisiu iu shfaq Joseph Smith-it dhe Oliver Cowdery-t më 3 prill 1836 në tempullin e Kirtland-it në Ohio dhe iu dha atyre çelësat e mbledhjes së Izraelit (DeB 110:11).

Zbulesat e ditëve të mëvonshme flasin shumë rreth Moisiut. Ai përmendet shpesh në Librin e Mormonit dhe nga Doktrina e Besëlidhje ne mësojmë rreth shërbesës së tij (DeB 84:20–26) dhe se ai e mori priftërinë nga vjehrri i tij Jethro (DeB 84:6).

Zbulesa e ditëve të mëvonshme gjithashtu pohon rrëfimin biblik të shërbesës së tij mes fëmijëve të Izraelit dhe ripohon se ai ishte autori i pesë librave që fillojnë Dhjatën e Vjetër (1 Ne. 5:11; Mois. 1:40–41).

U shpëtua nga e bija e Faraonit, Eks. 2:1–10.
Iku për në Madian, Eks. 2:11–22.
Engjëlli i Zotit iu shfaq atij në një ferrishte që flakëron, Eks. 3:1–15.
Shpalli plagët që do t’u vinin egjiptianëve, Eks. 7–11.
Zoti fillon Pashkën judease, Eks. 12:1–30.
Udhëhoqi fëmijët e Izraelit përmes Detit të Kuq, Eks. 14:5–31.
Zoti dërgoi mana në shkretëtirë, Eks. 16.
Goditi shkëmbin në Horeb dhe vërshoi ujë, Eks. 17:1–7.
Aaroni dhe Uri i ngritën lart duart e tij, kështu që Jozueu fitoi kundër Amulekut, Eks. 17:8–16.
Jethro e këshilloi atë, Eks. 18:13–26.
Përgatiti popullin për shfaqjen e Zotit në malin Sinai, Eks. 19.
Zoti i zbuloi atij Dhjetë Urdhërimet, Eks. 20:1–17.
Ai dhe shtatëdhjetë pleq panë Perëndinë, Eks. 24:9–11.
Theu pllakat e dëshmisë dhe shkatërroi viçin e artë, Eks. 32:19–20.
Foli me Perëndinë ballë për ballë, Eks. 33:9–11.

Libri i Moisiut

Është një libër në Perla me Vlerë të Madhe që përmban përkthimin e frymëzuar të Joseph Smith-it të shtatë kapitujve të parë të Zanafillës.

Kapitulli 1 shënon një vegim në të cilin Moisiu pa Perëndinë, i cili i zbuloi atij tërë planin e shpëtimit. Kapitujt 2–5 janë një rrëfim i Krijimit dhe rënies së njeriut. Kapitujt 6–7 përmbajnë një vegim rreth Enokut dhe shërbesës së tij në tokë. Kapitulli 8 përmban një vegim rreth Noeut dhe përmbytjes së madhe.

Pesë librat e Moisiut

Pesë librat e parë të Dhjatës së Vjetër njihen si librat e Moisiut. Fletët e tunxhit që Nefi i mori prej Labanit, përmbanin librat e Moisiut (1 Ne. 5:11).