Maikeel Lale barāinwōt Adam; Arkenjeļ Āt eo me kar jeļā Adam kake ilo mour eo m̧okta. E kar ņa etan Arkenjeļ. Ilo kajin Hibru āt in meļeļein “Wōn ej āinwōt Anij.” Maikeel, juon ian bwidak ro reļļap, eaar itok n̄an jipan̄e Daniel, Dan. 10:13, 21 (K&B 78:16). Ilo raan ko āliktata Maikeel enaaj jutak, bwidak eo eļap, Dan. 12:1. Maikeel arkenjeļ eo eaar aitwerōk ippān devil, Jud 1:9. Maikeel im enjeļ ro an raar tariņae ņae tūraikōn eo, Rev. 12:7 (Dan. 7). Maikeel ej Adam, K&B 27:11 (K&B 107:53–57; 128:21). Maikeel, arkenjeļ eo an Irooj, enaaj kōjan̄ jilel eo an, K&B 29:26. Maikeel enaaj aini jarin tariņae ko an im ire ippān Setan, K&B 88:112–115. Ainikien Maikeel kar ron̄jake ej kile devil, K&B 128:20.