Messaia

Juon naan ejaake jān juon ian kajin Semite ko (Aramaic) im kajin Hibru meļeļein “eo kar kapiti.” Ilo Kallim̧ur Ekāāl Jisōs kar ān̄inn̄ini Kraist eo, eo ilo kajin Grik ej āinwōt Messaia. Meļeļein ej Rikanaan, Pris, Kiin̄, im Rilo̧mo̧o̧ren em̧ōj kapiti eo ej itok riJu ro rekar kanooj jan̄nuwaade.

Elōn̄ riJu ro rekar reim̧aanļo̧k wōt n̄an juon rilo̧mo̧o̧ren jān kajoor eo an riRom im n̄an juon jeban an aelōn̄ eo aer; kōn menin, ke Messaia eaar itok, ritōl ro im elōn̄ ro jet rekar jab bōk E. Ro wōt rettā im tōmak rekar maron̄ in lo ilo Jisōs in Nazeret lukkuun Kraist eo (Ais. 53; Matu 16:16; Jon 4:25–26).