Li laaw, a’an xk’ulub’il li awa’b’ejil, malaj li wankilal k’eeb’il reheb’ li winq xb’aan li Dios re xk’amb’al xb’e, xb’eresinkil, ut xjolominkil lix tijonelil li Dios sa’ li ruchich’och’. Eb’ li neke’k’amok re li tijonelil, naq b’oqb’ileb’ choq’ awa’b’ej, neke’xk’ul li laaw rik’ineb’ li ani k’eeb’ileb’ xwankil sa’ xb’eeneb’. Eb’ laj k’amol re li tijonelil ka’ajwi’ neke’roksi li tijonelil b’ar eetalinb’il choq’ reheb’ xb’aaneb’ li ani neke’k’amok re lix laawil. Li Awa’b’ej re li Iglees a’an li jun ajwi’ chi winq sa’ li ruchich’och’ li nak’amok re chixjunil lix laawil li tijonelil ut li k’eeb’il xwankil chiroksinkil (Tz. ut S. 107:65–67, 91–92; 132:7).