(የግሪክ ቃል የሆነው) ክርስቶስ እና (የዕብራዊያን ቃል የሆነው) መሲህ “የተቀባ” የሚል ትርጉም አላቸው። ኢየሱስ ክርስቶስ የአብ በመንፈስ የበኩር ልጅ ነው (ዕብ. ፩፥፮፤ ት. እና ቃ. ፺፫፥፳፩)። እርሱም በስጋ የአብ አንድያ ልጅ ነው (ዮሐ. ፩፥፲፬፤ ፫፥፲፮)። እርሱም ያህዌህ ነው (ት. እና ቃ. ፻፲፥፫–፬) እናም ለታላቁ ጥሪው ምድር ከመፈጠሯ በፊት ቀድሞ የተመረጥ ነበር። በአብ አመራር ስር፣ ኢየሱስ ምድርን እና በላዩዋ ያሉትን ሁሉ ፈጠረ (ዮሐ. ፩፥፫፣ ፲፬፤ ሙሴ ፩፥፴፩–፴፫)። በቤተልሔም ከማርያም ተወለደ፣ ኃጢያት የሌለው ህይወት ኖረ፣ እናም ደሙን በማፍሰስ እና ህይወቱን በመስቀል ላይ አሳልፎ በመስጠት ለሰው ዘር ፍጹም የኃጢያት ክፍያን አደረገ (ማቴ. ፪፥፩፤ ፩ ኔፊ ፲፩፥፲፫–፴፫፤ ፫ ኔፊ ፳፯፥፲፫–፲፮፤ ት. እና ቃ. ፸፮፥፵–፵፪)። ከሞት ተነሳ፣ በዚህም የሰው ዘር ሁሉ ከሞት እንደሚነሳ አረጋገጠ። በኢየሱስ የኃጢያት ክፍያ እና ትንሳኤ፣ ለኃጢያታቸው ንስሀ የሚገቡት እና የእግዚአብሔርን ትእዛዛት የሚያከብሩ ከኢየሱስ እና ከአብ ጋር ለዘለአለም ለመኖር ይችላሉ (፪ ኔፊ ፱፥፲–፲፪፤ ፳፩–፳፪፤ ት. እና ቃ. ፸፮፥፶–፶፫፣ ፷፪)።
ኢየሱስ ክርስቶስ ከምድር ላይ ከተወለዱት ሁሉ በላይ ታላቅ ነው። ህይወቱም የሰው ዘር ሁሉ መኖር ያለበት ፍጹም ምሳሌ ነው። ሁሉም ጸሎቶች፣ በረከቶች፣ እና የክህነት ስነስርዓቶች በእርሱ ስም መከናወን ይገባቸዋል። እርሱም የጌቶች ጌታ፣ የንጉሶች ንጉስ፣ ፈጣሪ፣ አዳኝ፤ እና የምድር ሁሉ አምላክ ነው።
ኢየሱስ ክርስቶስ በሺህ አመት በሀይልና በክብር በምድር ላይ ለመንገስ እንደገና ይመጣል። በመጨረሻም ቀን፣ የሰው ዘርን ሁሉ ይፈርድባቸዋል (አልማ ፲፩፥፵–፵፩፤ ጆ.ስ.—ማቴ. ፩)።
የህይወቱ ማጠቃለያ (በድርጊቶች ተከታታይነት)
ስለኢየሱስ ክርስቶስ መወለድ እና ሞት ትንቢቶች