Eo kein kajilu uwaan Doulul in Anij (1 Jon 5:7 ; K&B 20:28 ). E ej ānbwinnin Jetōb, ejjeļo̧k juon ānbwinnin kanniōk im di (K&B 130:22 ). Jetōb Kwōjarjar ekkā kōnono kake ke ej Jetōb, ak Jetōb eo an Anij.
Jetōb Kwōjarjar ej kōm̧m̧ane elōn̄ jerbal ko reaorōk ilo karōk in lo̧mo̧o̧r. (1) E ej kam̧ool kōn Jemān in Nejin (1 Kor. 12:3 ; 3 Ni. 28:11 ; Ether 12:41 ). (2) E ej kwaļo̧k m̧ool eo kōn aolep men (Jon 14:26 ; 16:13 ; Moro. 10:5 ; K&B 39:6 ). (3) E ej kokwōjarjar ro em̧ōj aer ukeļo̧k im peptaij (Jon 3:5 ; 3 Ni. 27:20 ; Moses 6:64–68 ). (4) E ej Jetōb Kwōjarjar in Kallim̧ur (K&B 76:50–53 ; 132:7, 18–19, 26 ).
Kajoor eo an Jetōb Kwōjarjar emaron̄ itok ioon juon armej m̧okta jān an peptaij im kam̧ool bwe gospel eo em̧ool. A jim̧we eo n̄an bōke Jetōb Kwōjarjar āinwōt juon m̧ōttad iien otemjej, jabdewōt iien eo juon ej tōllo̧ke, ej juon mennin letok eo maron̄ in bōke jān wōt likūt pā ko ioon jān juon eo ej kabwijer Melkizedek Priesthood eo ālikin peptaij eo kar kōmālimi tok ilo Kabun̄ eo em̧ool an Jisōs Kraist.
Jisōs ar katakin bwe aolep jero̧wiwi remaron̄ jeorļo̧k ijello̧kun wōt blaspim ņae Jetōb Kwōjarjar (Matu 12:31–32 ; Mark 3:28–29 ; Luk 12:10 ; Hib. 6:4–8 ; K&B 76:34–35 ).
Rijjilōk Ro em̧ōj kar kōmaron̄ er n̄an peptaij ilo etan Jemān, Nejin, im Jetōb Kwōjarjar, Matu 28:19 .
Jetōb Kwōjarjar enaaj katakin kom̧ aolep men ko otemjeļo̧k, Jon 14:26 .
Em̧m̧aan ro rekwōjarjar raar ekkōnono āinwōt kar kōm̧akūt er jān Jetōb Kwōjarjar, 2 Pit. 1:21 .
Nipai kar tōl e jān Jetōb eo, 1 Ni. 4:6 .
Mennin ittino ko an Anij naaj erļo̧ki n̄an er jān kajoor eo an Jetōb Kwōjarjar, 1 Ni. 10:17–19 .
Jetōb Kwōjarjar ej kwaļo̧k aolep men ko otemjeļo̧k kom̧ij aikuj kōm̧m̧ani, 2 Ni. 32:5 .
Jān kajoor eo an Jetōb Kwōjarjar kwo maron̄ jeļā m̧ool eo an aolep men ko otemjeļo̧k, Moro. 10:5 .
Jetōb Kwōjarjar enaaj ba n̄an eok ilo ļōmņak eo am im ilo būruōm̧, K&B 8:2 .
Jetōb eo ej tōlļo̧k n̄an kōm̧m̧an em̧m̧an, K&B 11:12 .
Jetōb Kwōjarjar ejeļā aolep men otemjeļo̧k, K&B 35:19 .
Jetōb Kwōjarjar ej katakin mennin aenōm̧m̧an ko an aelōn̄ eo, K&B 36:2 (K&B 39:6 ).
Eļan̄n̄e kom̧ij jab bōk Jetōb eo, kom̧ jamin katakin, K&B 42:14 .
Jetōb Kwōjarjar ej kam̧ool kōn Jemān im Nejin, K&B 42:17 (1 Kor. 12:3 ; 3 Ni. 11:32, 35–36 ).
N̄an jet em̧ōj leļo̧k jān Jetōb Kwōjarjar n̄an jeļā bwe Jisōs Kraist ej Nejin Anij, K&B 46:13 .
Jabdewōt kom̧ naaj ekkōnono n̄e kōm̧akūt kom̧ jān Jetōb Kwōjarjar enaaj jeje ekwōjarjar, K&B 68:4 .
Jetōb Kwōjarjar naaj ererakļo̧k ilo kam̧ool kōn aolep men ko otemjej kom̧ ro naaj ba, K&B 100:8 .
Jetōb Kwōjarjar enaaj m̧ōttam iien otemjej, K&B 121:45–46 .