Anëtari i tretë i Kokës së Perëndisë (1 Gjo. 5:7 ; DeB 20:28 ). Ai është një personazh i Shpirtit që nuk ka trup prej mishi e kockash (DeB 130:22 ). Fryma e Shenjtë shpesh quhet si Shpirti ose Shpirti i Perëndisë.
Fryma e Shenjtë luan disa role jetësore në planin e shpëtimit. (1) Ai jep dëshmi për Atin dhe Birin (1 Kor. 12:3 ; 3 Ne. 28:11 ; Eth. 12:41 ). (2) Ai zbulon të vërtetën e të gjitha gjërave (Gjo. 14:26 ; 16:13 ; Moro. 10:5 ; DeB 39:6 ). (3) Ai shenjtëron ata që janë penduar dhe pagëzohen (Gjo. 3:5 ; 3 Ne. 27:20 ; Mois. 6:64–68 ). (4) Ai është Shpirti i Shenjtë i Premtimit (DeB 76:50–53 ; 132:7, 18–19, 26 ).
Fuqia e Frymës së Shenjtë mund të vijë mbi një njeri përpara pagëzimit dhe të dëshmojë se ungjilli është i vërtetë. Por e drejta për të pasur shoqërinë e vazhdueshme të Frymës së Shenjtë, kurdo që dikush është i denjë, është një dhuratë që mund të merret vetëm me anë të vënies së duarve nga një mbajtës i Priftërisë Melkizedeke pas pagëzimit të autorizuar në Kishën e vërtetë të Jezu Krishtit.
Jezusi na mësoi se të gjitha mëkatet mund të falen përveç blasfemisë kundër Frymës së Shenjtë (Mt. 12:31–32 ; Mr. 3:28–29 ; Llu. 12:10 ; Heb. 6:4–8 ; DeB 76:34–35 ).
Apostujt u porositën të pagëzojnë në emër të Atit, të Birit dhe të Frymës së Shenjtë, Mt. 28:19 .
Fryma e Shenjtë do t’ju mësojë çdo gjë, Gjo. 14:26 .
Njerëzit e shenjtë folën si të shtyrë nga Fryma e Shenjtë, 2 Pj. 1:21 .
Nefi u udhëhoq nga Shpirti, 1 Ne. 4:6 .
Misteret e Perëndisë do t’u shpalosen nëpërmjet fuqisë së Frymës së Shenjtë, 1 Ne. 10:17–19 .
Fryma e Shenjtë ju tregon të gjitha gjërat që duhet të bëni, 2 Ne. 32:5 .
Nëpërmjet fuqisë së Frymës së Shenjtë, ju mund të dini të vërtetën e të gjitha gjërave, Moro. 10:5 .
Fryma e Shenjtë do të të thotë në mendjen tënde dhe në zemrën tënde, DeB 8:2 .
Shpirti të drejton për të bërë mirë, DeB 11:12 .
Fryma e Shenjtë i di të gjitha gjërat, DeB 35:19 .
Fryma e Shenjtë na mëson gjërat paqësore të mbretërisë, DeB 36:2 (DeB 39:6 ).
Nëse nuk e merrni Shpirtin, ju s’duhet të jepni mësim, DeB 42:14 .
Fryma e Shenjtë jep dëshmi për Atin dhe Birin, DeB 42:17 (1 Kor. 12:3 ; 3 Ne. 11:32, 35–36 ).
Disave u jepet me anë të Frymës së Shenjtë të dinë se Jezu Krishti është Biri i Perëndisë, DeB 46:13 .
Çfarëdo që ata do të flasin kur nxiten nga Fryma e Shenjtë, do të jetë shkrim i shenjtë, DeB 68:4 .
Fryma e Shenjtë do të derdhet për të dhënë dëshmi për të gjitha gjërat që ju do të thoni, DeB 100:8 .
Fryma e Shenjtë do të jetë shoqëruesi yt i vazhdueshëm, DeB 121:45–46 .