Veivuke ni Vuli
Bete Levu


Bete Levu

E dua na itutu ena matabete. Na ivolanikalou e vosa me baleta na ā€œmatabeteā€ ena rua na vakasama: (1) e dua na itutu ena Matabete i Melikiseteki; kei na (2) ena lawa i Mosese, na itutu ni vakatulewa ena Matabete i Eroni.

Na imatai ni vakasama e baleti Jisu Karisito ni Bete Levu cecere. O Atama kei ira kece na peteriaki era bete levu talega. Nikua e tolu na bete levu eratou lewena na Mataveiliutaki ni Lotu ka vakatulewa vei ira kece sara na matabete kei ira na lewe ni Lotu. Era dau tabaki talega na tagane bula kilikili ki na bete levu me vaka na kena ivalavala dodonu ena Lotu raraba nikua. E rawa ni ra kacivi, tabaki ka vakatikori me ra bisopi na bete levu (V&V 68:19; 107:69ā€“71).

Ena ikarua ni vakasama, ena lawa i Mosese, sa dau vakatokai ko koya na vakaitutu ni vakatulewa ena Matabete i Eroni me bete levu. Na itutu oqo e ivotavota vakawa ka dau soli vei ira na ulumatua ena veimatavuvale i Eroni, ko Eroni na imatai ni bete levu ena ivakarau vaka-Eroni (L.Y 28ā€“29; Vuna. 8; V&V 84:18).