እግዚአብሔር፣ አምላክ

ይህም በአጠቃላይ በእግዚአብሔር ርዕስ የሚጠቀስ አብ፣ ወይም ኤሎኸም ነው። አብ ተብሎ የተጠራበት ምክንያት የመንፈሳችን አባት ስለሆነ ነው (ዘኁል. ፲፮፥፳፪፤ ፳፯፥፲፮፤ ሚል. ፪፥፲፤ ማቴ. ፮፥፱፤ ኤፌ. ፬፥፮፤ ዕብ. ፲፪፥፱)። እግዚአብሔር አብ የሁለንተና ታላቅ መሪ ነው። እርሱም ሀያል (ዘፍጥ. ፲፰፥፲፬፤ አልማ ፳፮፥፴፭፤ ት. እና ቃ. ፲፱፥፩–፫)፣ ሁሉን የሚያውቅ፣ (ማቴ. ፮፥፰፤ ፪ ኔፊ ፪፥፳፬) እናም በመንፈሱም በሁሉም ቦታ የሚገኝ ነው (መዝ. ፻፴፱፥፯–፲፪፤ ት. እና ቃ. ፹፰፥፯–፲፫፣ ፵፩)። ሰውን ከተፈጠሩት ሌሎች ነገሮች ሁሉ የሚለየው ልዩ አይነት ግንኙነት በሰው ዘርና በእግዚአብሔር መካከል አለ፥ ወንዶች እና ሴቶች የእግዚአብሔር የመንፈስ ልጆች ናቸው (መዝ. ፹፪፥፮፤ ፩ ዮሐ. ፫፥፩–፫፤ ት. እና ቃ. ፳፥፲፯–፲፰)።

አብ እግዚአብሔር ወደ ሰው መጥቶ የታየበት ወይም የተናገረበት የተመዘገቡ ጥቂት ጊዜዎች አሉ። ቅዱሣት መጻህፍት ከአዳም እና ከሔዋን ጋር ተነጋገረ (ሙሴ ፬፥፲፬–፴፩) እናም ኢየሱስን በተለያዩ ሁኔታዎች አስተዋወቀ ይላሉ (ማቴ. ፫፥፲፯፤ ፲፯፥፭፤ ዮሐ. ፲፪፥፳፰–፳፱፤ ፫ ኔፊ ፲፩፥፫–፯)። በእስጢፋኖስ (የሐዋ. ፯፥፶፭–፶፮) እና በጆሴፍ ስሚዝ (ጆ.ስ.—ታ. ፩፥፲፯) ታየ። በኋላም ለጆሴፍ ስሚዝ እና ለስድኒ ሪግደን ታየ (ት. እና ቃ. ፸፮፥፳፣ ፳፫)። እግዚአብሔርን ለሚወዱና እራሳቸውን ለሚያጸዱ፣ እግዚአብሔር አንዳንዴ የማየትና ለእራሳቸው እግዚአብሔር እንደሆነ የማወቅ እድል ይሰጣል (ማቴ. ፭፥፰፤ ፫ ኔፊ ፲፪፥፰፤ ት. እና ቃ. ፸፮፥፻፲፮–፻፲፰፤ ፺፫፥፩)።

ያህዌህ ተብሎ የሚታወቀው አምላክ ወልድ፣ ኢየሱስ ክርስቶስ ነው (ኢሳ. ፲፪፥፪፤ ፵፫፥፲፩፤ ፵፱፥፳፮፤ ፩ ቆሮ. ፲፥፩–፬፤ ፩ ጢሞ. ፩፥፩፤ ራዕ. ፩፥፰፤ ፪ ኔፊ ፳፪፥፪)። ኢየሱስ በአብ አመራር ስር ይሰራል እናም ከእርሱም ጋር በፍጹም ስምምነት ላይ ነው። የሰው ዘር በሙሉ የእርሱ ወንድሞችና እህቶች ናቸው፣ ምክንያቱም እርሱ ለኤሎኸም መንፈስ ልጆች ታላቅ ነውና። አንዳንድ ቅዱሣት መጻህፍት እርሱን እግዚአብሔር ብለው ይጠሩታል። ለምሳሌ፣ ቅዱሣት መጻህፍት “በመጀመሪያ እግዚአብሔር ሰማይንና ምድርን ፈጠረ” (ዘፍጥ. ፩፥፩) ይላል፣ ነገር ግን ፈጣሪው በእግዚአብሔር አብ አመራር ስር ኢየሱስ ነበር (ዮሐ. ፩፥፩–፫፣ ፲፣ ፲፬፤ ዕብ. ፩፥፩–፪)።

መንፈስ ቅዱስም እግዚአብሔር ነው እናም ከሌሎች ስሞችና ርዕሶች መካከል፣ መንፈስ ቅዱስ፣ መንፈስ፣ እና የእግዚአብሔር መንፈስ ተብሎ ይጠራል። በመንፈስ ቅዱስ እርዳታ፣ ሰው የእግዚአብሔር አብን ፍላጎት ለማወቅ እና ኢየሱስ እርሱ ክርስቶስ እንደሆነ ለማወቅ ይችላል (፩ ቆሮ. ፲፪፥፫)።