Veivuke ni Vuli
Kalou, Lewe Tolu Vakalou


Kalou, Lewe Tolu Vakalou

E tolu na tamata duidui ena Lewe Tolu Vakalou: Na Kalou na Tamada Tawamudu; na Luvena, ko Jisu Karisito; kei na Yalo Tabu. Eda vakabauti iRatou yadua (YĀ niĀ V 1:1). Ena ivakatakila ni gauna oqo eda kila kina ni tu na yagodrau vakalewe kei na sui na Tamana kei na Luvena eda rawa ni tara, ia na Yalo Tabu e tamata vakayalo, e sega na lewena kei na sui (V&V 130:22ā€“23). O iratou na lewe tolu oqo e taucoko na nodratou duavata ena inaki kei na ivunau (Joni 17:21ā€“23; 2Ā Nif. 31:21; 3Ā Nif. 11:27, 36).

Kalou na Tamana

Vakararaba oqo o koya na Tamana, se ko Iloimi, o Koya e dau kilai ena itutu ni Kalou. E dau vakatokai me Tamada baleta ni o Koya na tama ni yaloda (Tiko. 16:22; 27:16; Mala. 2:10; Maci. 6:9; Efe. 4:6; Ipe. 12:9). Na Kalou na Tamada sai koya na iliuliu levu ni veivuravura kecega. Ko koya sa kaukauwa sara (iVakate. 18:14; Alama 26:35; V&V 19:1ā€“3), sa kila na ka kecega (Maci. 6:8; 2Ā Nif. 2:24), ka sa tu ena veivanua kecega na Yalona (Same 139:7ā€“12; V&V 88:7ā€“13, 41). Sa tiko na isema ni veiwekani talei vua na kawatamata kei na Kalou ka sa duatani kina na tamata mai na veika buli kecega: na tagane kei na yalewa era sa luvena vakayalo na Kalou (Same 82:6; 1Ā Joni 3:1ā€“3; V&V 20:17ā€“18).

E vica na itukutuku volai me baleta na veigauna eso e rairai kina se veivosaki kei na tamata na Kalou. E tukuna na ivolanikalou ni a vosa vei Atama kei Ivi (Mosese 4:14ā€“31) ka vakamacalataki Jisu Karisito ena vica na gauna (Maci. 3:17; 17:5; Joni 12:28ā€“29; 3Ā Nif. 11:3ā€“7). A rairai vei Sitiveni (Cakacaka 7:55ā€“56) kei Josefa Simici (JSā€”AT 1:17). E muri a qai rairai ruarua vei rau ko Josefa Simici kei Sidini Rikitoni (V&V 76:20, 23). Vei ira era dau lomana na Kalou ka vakasavasavataki ira e Matana, sa dau solia vei ira ena so na gauna na Kalou na galala me ra raica ka kila vakataki ira ni sai Koya na Kalou (Maci. 5:8; 3Ā Nif. 12:8; V&V 76:116ā€“118; 93:1).

Kalou na Luvena

Na Kalou e kilai me ko Jiova sai koya na Luvena, ko Jisu Karisito (Ais. 12:2; 43:11; 49:26; 1Ā Kori. 10:1ā€“4; 1Ā Timo. 1:1; iVakata. 1:8; 2Ā Nif. 22:2). E cakacaka ko Jisu ena veidusimaki nei Tamana ka duavata sara vakavinaka kei Koya. Na kawatamata taucoko eda tacina ka ganena ni sai Koya na ulumatua vei ira kece na luvei Iloimi vakayalo. Eso na dusidusi vakaivolanikalou era vakayagataka na vosa na Kalou me baleti Koya. Me vakaoqo, e kaya na ivolanikalou ni ā€œsa bulia na lomalagi kei na vuravura na Kalouā€ (iVakate. 1:1), ia ko Jisu na Dauniveibuli ena nona veidusimaki na Kalou na Tamana (Joni 1:1ā€“3, 10, 14; Ipe. 1:1ā€“2).

Kalou na Yalo Tabu

E Kalou talega na Yalo Tabu ka vakatokai me Yalotabu, na Yalo, kei na Yalo ni Kalou, me ikuri ni so tale na yaca kei na itutu. Ena veivuke ni Yalo Tabu, sa rawa kina vua na tamata me kila na lomana na Kalou na Tamana ka kila ni ko Jisu na Karisito (1Ā Kori. 12:3).