Himaya Tan-awa usab Ang-ang sa Himaya, Mga; Kahayag, Kahayag ni Kristo; Kamatuoran Diha sa mga kasulatan, ang himaya sa kanunay nagpasabut nga kahayag sa Dios ug kamatuoran. Kini mahimo usab nga magpasabut og pagdayeg o pagtahud ug usa ka piho nga kahimtang sa kinabuhi nga dayon o ngadto sa himaya sa Dios. Mahimayaon ang Ginoo sa mga Panon: ang tibuok yuta napuno sa iyang himaya, Isa. 6:3 (2 Ne. 16:3). Kita mabalhin ngadto sa samang panagway gikan sa himaya ngadto sa himaya, 2 Cor. 3:18. Siya mobayaw kanako aron mouban pagpuyo kaniya diha sa himaya, Alma 36:28. Ang mga himaya nga madawat sa pagkabanhaw magkalain-lain sumala sa pagkamatarung, D&P 76:50–119. Ang himaya sa Dios mao ang salabutan, D&P 93:36. Ang himaya sa Dios, mao ang pagpahinabo sa pagka-imortal ug sa kinabuhi nga dayon sa tawo, Moises 1:39. Ako nakakita og duha ka mga Personahe, kansang kahayag ug himaya dili mahulagway, JS—K 1:17.