Visōn eo M̧oktata

Waļo̧kļo̧k eo an Anij Jemān im Nejin Jisōs Kraist n̄an Rikanaan Josep Smith ilo bukwin wōjke ko.

Ilo jinoin rak ilo 1820, Josep Smith Jr. ekar jon̄oulemān wōt iiō dettan. Eaar jokwe ippān baam̧le eo an ilo Palmyra, New York. Ejjab ettoļo̧k iturilikin ijo jikin baam̧le in ekar wōr juon bukwin wōjke ko reļļap. Josep ar etal n̄an ijo n̄an jar n̄an Anij n̄an jeļā kabun̄ ōt ekar jim̧we. E ekar kanuij ketak ke eaar ekkōnono jān Baibōļ eo ke eaikuj kappukot uwaak eo jān Anij (Jemes 1:5–6). Ilo uwaake jar eo an, Jemān im Nejin raar waļo̧kļo̧k n̄an e im ba n̄an e bwe en jab kobaļo̧k ippān juon ian kabun̄ kein ioon laļ ilo tōrre eo, bwe aolepeer rekar bōd (JS—B 1:15–20). Jekjek in ekwōjarjar eaar iioone ar jino juon lelkan men ko reļļap renaaj kar bōktok Jepļaaktok eo an gospel eo im Kabun̄ eo em̧ool an Kraist.