Mennin Letok in Kile Lale barāinwōt Mennin Letok ko an Jetōb N̄an meļeļe ak jeļā juon men kōn kajoor eo an Jetōb. Mennin letok in kile ej juon ian mennin letok ko an Jetōb. Ekitbuuj kile lukkuun m̧ūtōn armej im unjān im meļeļein kaalikkar ko ilo jetōb. Armej ej kalimjek tulik, a Irooj ej kalimjek ļo̧k bōro, 1 Sam. 16:7. Wo n̄an ro rej ba nana em̧m̧an, Ais. 5:20 (2 Ni. 15:20). Men ko an Anij rej kili wōt kōn jetōb, 1 Kor. 2:14. N̄an jet armej em̧ōj leļo̧k mennin letok eo n̄an kile jetōb ko, 1 Kor. 12:10. Ammōn ekar maron̄ kile ļōmņak ko an, Alma 18:18. Ainikien eo edik ekar wākar er bwe ren maron̄ ron̄, 3 Ni. 11:3. Bwe kom̧in maron̄ jab po ilo kapo, kom̧in kappukot mennin letok ko rem̧m̧antata, K&B 46:8, 23. Ritōl ro an kabun̄ em̧ōj leļo̧k n̄an er kajoor eo n̄an kile mennin letok ko an Jetōb, K&B 46:27. Ānbwin eo im eobrak kōn meram ejeļā aolep men otemjeļo̧k, K&B 88:67. Moses eaar lo laļ in, im kile jān Jitōbōn Anij, Moses 1:27.