Duiwel

Satan. Die duiwel is die vyand van regverdigheid en van diegene wat poog om die wil van God te doen. Hy is letterlik ’n geestesseun van God en was eens ’n engel met gesag in die teenwoordigheid van God (Jes. 14:12; 2 Ne. 2:17). Nietemin, hy het gerebelleer in die vooraardse lewe en het ’n derde gedeelte van die geesteskinders van die Vader oorreed om saam met hom te rebelleer (L&V 29:36; Moses 4:1–4; Abr. 3:27–28). Hulle is uit die hemel gewerp, is die geleentheid ontsê om sterflike liggame te ontvang en om die sterflike lewe te ervaar, en sal ewiglik verdoem wees. Vanaf die tyd wat die duiwel uit die hemel gewerp is, het hy aanhoudend gepoog om alle mans en vroue te verlei en om hulle weg te lei van die werk van God ten einde die hele mensdom so ellendig te maak soos hy is (Openb. 12:9; 2 Ne. 2:27; 9:8–9).

Die bose sal afgebring word na die slawerny van die duiwel, 1 Ne. 14:7.
Die duiwel is die vader van alle leuens, 2 Ne. 2:18 (Moses 4:4).
Die duiwel soek dat alle mense ellendig moet wees soos hyself, 2 Ne. 2:27.
As ons vlees nie meer sou opstaan nie, moet ons geeste onderworpe word aan die duiwel, 2 Ne. 9:8–9.
Die duiwel sal woed, sus en vlei, 2 Ne. 28:20–23.
Dit wat boos is kom van die duiwel, Omni 1:25 (Alma 5:40; Moro. 7:12, 17).
Pas op dat daar geen twiste onder julle ontstaan nie, en julle gehoorsaam die bose gees, Mosia 2:32.
As julle nie die skape van die goeie herder is nie, is die duiwel julle herder, Alma 5:38–39.
Die duiwel sal nie sy kinders steun nie, Alma 30:60.
Bid gedurig dat julle nie mag weggelei word deur die versoekinge van die duiwel nie, Alma 34:39 (3 Ne. 18:15, 18).
Bou julle fondament op die Verlosser sodat die duiwel se magtige storm geen mag oor julle sal hê nie, Hel. 5:12.
Die duiwel is die oorsprong van alle sonde, Hel. 6:26–31.

Die duiwel het gesoek om ’n sluwe plan te maak, L&V 10:12.
Dit moet so wees dat die duiwel die kinders van mense versoek, anders kon hulle nie handelingsmag hê nie, L&V 29:39.
Adam het onderworpe geword aan die wil van die duiwel omdat hy toegegee het aan versoeking, L&V 29:40.
Die seuns van die verderf sal met die duiwel en sy engele in ewigheid ly, L&V 76:32–33, 44.
Die duiwel sal gebind word vir ’n duisend jaar, L&V 88:110 (Openb. 20:2).
Die goddelose een neem lig en waarheid weg, L&V 93:39.

Die kerk van die duiwel

Elke bose en wêreldse organisasie op aarde wat die suiwere en volmaakte evangelie verdraai en teen die Lam van God veg.