Aiboojoj eo an Selestial Lale barāinwōt Mour Āinwōt Anij; Mour Indeeo; Tiikri in Aiboojoj ko Eutiejtata ilo tiikri ko in aiboojoj im juon armej emaron̄ bōke ālikin mour in. Ijin ro rewānōk renaaj jokwe ilo im̧aan mejān Anij Jemān im Nejin Jisōs Kraist. Aiboojoj eo an selestial ej juon, 1 Kor. 15:40 (K&B 76:96). Paul kar kotaklōn̄ļo̧k n̄an lan̄ eo kein kajilu, 2 Kor. 12:2. Aiboojoj in selestial kar kwaļo̧ke ilo visōn, K&B 76:50–70. Eļan̄n̄e Ro Rekwōjarjar rekōņaan juon jikin ilo laļ selestial, reaikuj pojak, K&B 78:7. Eo ej jab maron̄ delm̧ae kien aelōn̄ in selestial eban maron̄ delm̧ae aiboojoj in selestial, K&B 88:15–22. Ilo aiboojoj in selestial ewōr jilu lan̄ ko; jekjek ko rej ellaajrak n̄an tōpare eo eutiejtata, K&B 131:1–2. Ajri ro rej mej m̧okta jān dettan in bōk eddo rej mour ilo aelōn̄ in selestial, K&B 137:10.