Lagilagi Vakasilesitieli Raica talega na Bula Tawamudu; Bula Vakacerecerei; iVakatagedegede ni Lagilagi O koya e cecere duadua vei iratou na tolu na ivakatagedegede ka rawa ni rawata e dua na tamata ni oti na bula oqo. E keri era na tiko kina na buladodonu ena nona iserau na Kalou na Tamana kei na Luvena ko Jisu Karisito. Sa duatani na iukuuku ni yago vakalomalagi, 1 Kori. 15:40 (V&V 76:96). Ni sa kau cake mada ko Paula ki na ikatolu ni lomalagi, 2 Kori. 12:2. A vakaraitaki ena raivotu na lagilagi vakasilesitieli, V&V 76:50–70. Kevaka dou sa gadreva meu solia e dua na tikina vei kemudou ena vuravura vakasilesitieli, sa kilikili mo dou vakarautaki kemudou, V&V 78:7. Ko koya sa sega ni rawa ni muria na lawa ni matanitu silesitieli, ena sega ni tiko rawa ena lagilagi vakasilesitieli, V&V 88:15–22. Raica sa tolu na lomalagi se na ivakatagedegede ena lagilagi vakasilesitieli, V&V 131:1–2. Au sa raica talega ni ra sa vakabulai ena matanitu silesitieli mai lomalagi ko ira na gonelalai era sa mate, ni ra se bera ni yacova na yabaki ni saumi taro vakaira, V&V 137:10.