Na vosa e vakayagataki ena itukutuku taumada ena vosa Vakirisi e kena ibalebale me “tonidromu” se “tabadromuci.” Na papitaiso ena tabadromuci e wai mai vua e dua ka tu vua na kena dodonu sai koya na cakacaka tabu vakalotu taumada ni kosipeli ka yaga me rawa ni da yaco kina me da lewena na Lotu i Jisu Karisito ni Yalododonu Edaidai. E rau na liu mada na vakabauti Jisu Karisito kei na veivutuni. Sa dodonu me na tarava yani na ciqomi ni isolisoli ni Yalo Tabu me vakacavari kina (2 Nif. 31:13–14 ). Ena gadrevi na papitaiso ena wai kei na Yalo ni bera ni qai rawa vua e dua me curu ki na matanitu silesitieli. Na imatai ni tamata me papitaisotaki ko Atama (Mosese 6:64–65 ). A papitaiso talega ko Jisu me vakayacori kina na ivalavala dodonu kecega ka vakaraitaka na sala ki na kawatamata (Maci. 3:13–17 ; 2 Nif. 31:5–12 ).
Me vaka ni sega ni rawa vei ira na
Mo vosota mada edaidai, ni sa kilikili kei keda me da vakabauta vakaoqo na ivalavala dodonu kecega, Maci. 3:15 .
Sa lako mai ko Jisu ka papitaisotaki vei Joni, Mari. 1:9 .
Ko ira na Farisi kei ira na vu ni vunau, era sa cata na ka sa nakita na Kalou ena vukudra, a ra sa sega ni papitaisotaki vua, Luke 7:30 .
Kevaka sa sega ni sucu e dua ena wai kei na Yalo Tabu, ena sega ni curu rawa ki na matanitu ni Kalou, Joni 3:5 .
Dou veivutuni ka papitaiso koi kemudou yadua, Cakacaka 2:38 .
Sa vakaroti ira na tamata kecega me ra papitaisotaki ena yacana, 2 Nif. 9:23–24 .
Me muri Karisito, papitaisotaki, ciqoma na isolisoli ni Yalo Tabu, ka vosota me yacova na ivakataotioti na tamata me rawa kina ni vakabulai, 2 Nif. 31 .
Na ivakavuvuli i Karisito sai koya me vakabauta na tamata ka papitaisotaki me vakabulai kina, 3 Nif. 11:20–40 .
Ko ira sa sega ni vakabauta na nomudou vosa, ka sega ni papitaiso e wai ena yacaqu, era na cudruvi, V&V 84:74 .
Papitaiso ena tabadromuci
Ko Jisu ni sa papitaisotaki oti sa cabe sara mai na wai, Maci. 3:16 (Mari. 1:10 ).
Sa veipapitaisotaki kina ko Joni mai Inoni ni sa levu kina na wai, Joni 3:23 .
A rau sa lako ruarua ki wai ko Filipe kei na matanivanua, Cakacaka 8:38 .
O koya eda sa bulu vata kaya kina ni da sa papitaisotaki, Roma 6:4 (Kolo. 2:12 ).
Sa vakamacalataki na ivakarau dodonu ni veipapitaisotaki, V&V 20:72–74 .
Ka ra sa papitaiso me vaka na ivalavala ni nona bulu, ena nodra buluti ena wai ena yacana, V&V 76:50–51 .
Ka sa tabadromuci e wai, ka vakamatari cake mai wai ko Atama, Mosese 6:64 .
Na papitaiso ena tabadromuci e wai me bokoci kina na ivalavala ca, Y ni V 1:4 .
Papitaiso me baleta na vakabokoci ni ivalavala ca
Ni sa oti na papitaiso, ena qai yaco mai na vakabokoci ni ivalavala ca ena bukawaqa kei na Yalo Tabu, 2 Nif. 31:17 .
Mo ni lako mai ka papitaiso ki na veivutuni, mo ni savasava kina mai na nomuni ivalavala ca, Alama 7:14 .
Sa kalougata ko ira sa vakabauta ka papitaisotaki ni ra na rawata na vakabokoci ni nodra ivalavala ca, 3 Nif. 12:1–2 .
Mo dou qai lako ka vakalotutaki ira na lewe ni veivanua kecega, ka papitaisotaki ira ena yaca ni Tamamudou, kei na Luvena, kei na Yalo Tabu, Maci. 28:19 (V&V 68:8 ).
Ko Limiai na tui kei na vuqa na nona tamata era sa vinakata me ra papitaiso, ia sa sega e dua mai kea sa tu vua na kaukauwa mai vua na Kalou me veipapitaisotaki, Mosa. 21:33 .
Au sa solia vei iko na kaukauwa mo veipapitaisotaki kina, 3 Nif. 11:19–21 .
Na Matabete i Eroni sa koto kina na idola ni papitaiso ena tabadromuci me bokoci kina na ivalavala ca, V&V 13 .
Ko ira era sa tabaki mai vei au me ra veipapitaisotaki ena yacaqu, V&V 18:29 .
Veika e gadrevi me rawa kina na papitaiso
Dou veivutuni ka papitaiso ena yaca ni Luvequ Lomani, 2 Nif. 31:11 .
Mo ni veivutuni, ka sucu tale, Alama 7:14 .
Dou kakua ni papitaisotaki ni dou sega tu ni kilikili kaya, Moma. 9:29 .
Mo vakatavulici ira na itubutubu ni sa dodonu me ra veivutuni ka papitaiso, ka vakayalomalumalumutaki ira, Moro. 8:10 .
Sa soli kina na veika e gadrevi vei ira me ra papitaiso, V&V 20:37 .
Era na papitaiso na gonelalai me baleta na bokoci ni nodra ivalavala ca ni ra sa yabaki walu, V&V 68:25, 27 .
Veiyalayalati ena gauna ni papitaiso
Ni dou sa ia oqo na veiyalayalati kei koya, mo dou na qaravi Koya ka muria na nona ivunau, Mosa. 18:8–10, 13 .
Ko ira era sa veivutuni ka taura na yacai Karisito, ka sa lomadra me ra qaravi koya, me ra sa papitaiso, V&V 20:37 .
Papitaiso me baleti ira na mate
Na papitaiso e sega ni baleti ira na gonelalai
Me ra na papitaiso na luvedra ena gauna era sa yabaki walu kina, V&V 68:27 .
Ni ra sa vakabulai ena matanitu silesitieli mai lomalagi ko ira na gonelalai era sa mate, ni ra sa bera ni yacova na yabaki ni saumi taro vakaira, V&V 137:10 .