Vukitani Raica talega na Talaidredre, Vakaduiduile, Veisaqasaqa; Vakalesui Mai ni Kosipeli Na nodra vukitani mai na dina na tamata yadua, na Lotu, se na matanitu taucoko. Na vukitani raraba Me ra qarauna sara na Isireli na yalodra me kakua ni gole tani mai vua na Turaga, iVaka. 29:18. Ni sa sega na ivakavuvuli era sa rusa na tamata, Na Vosa. 29:18. Era sa vakacataka na veiyalayalati tawamudu, Ais. 24:5. Sa liwa na cagi ka tabaka na vale ko ya, ka bale, Maci. 7:27. Au sa kurabui ni dou sa vuki tani vakatotolo vakaoqo ki na dua tani na itukutuku vinaka, Kala. 1:6. Era sa tekivu muria na sala, ia ena vuku ni kabukabu butobuto era sa lako sese kina ka yali yani, 1 Nif. 8:23 (1 Nif. 12:17). Ni ra sa tovolea oti na vuanikau, era sa lutu tani ki na veisala vakatabui, 1 Nif. 8:28. Na nodra vukitani na Nifai sa vakavuna e dua na itatarabe vei ira na tawavakabauta, Alama 4:6–12. Era sa vakalevulevui ira eso na lewe ni Lotu, ka yaco kina me ra vakacacani ira na wekadra, Ila. 3:33–34 (Ila. 4:11–13; 5:2–3). Ni sa vakalougatataki ira na nona tamata na Turaga, ena so na gauna, era dau vakaukauwataka na lomadra ka ra guilecavi koya, Ila. 12:2; 13:38. Era sa vakaukauwataka na yalodra na Nifai ka sa rawai kina ko Setani, 3 Nif. 2:1–3. Sa parofisaitaka ko Moronai na vukitani ena yaco ena veisiga e muri, Moma. 8:28, 31–41. Ena yaco mada na vukitani ni se bera na iKarua ni Lako Mai, V&V 1:13–16. Nodra vukitani na veimatalotu taumada Vakarisito Ni ra sa toro voleka vei au ko ira na tamata oqo ena gusudra, Ais. 29:10, 13. Na butobuto ena ubi vuravura, Ais. 60:2. Ena tala mai na Turaga na dausiga ena vosa ni Turaga, Emosi 8:11. Ni na tubu mai na Karisito kei na Parofita vakailasu eso, Maci. 24:24. Ena qai curu mai vei kemudou eso na wolifa ca sara, Cakacaka 20:29. Au sa kurabui ena totolo ni nomudou sa biuti koya, Kala. 1:6. Ni na yaco mada e liu na vuki tani qai muri na iKarua ni Lako Mai, 2 Cesa. 2:3. Eso na tamata era sa lako sese mai na ivakavuvuli dina, 2 Timo. 2:18. Eso na tamata sa tu vei ira na bula vakalou ia era qai cakitaka ga na kena kaukauwa, 2 Timo. 3:2–5. Ni na yaco na gauna era na sega ni vosota kina na ivakavuvuli dodonu, 2 Timo. 4:3–4. Era na tu na parofita kei na ivakavuvuli vakailasu ena kedra maliwa na tamata, 2 Pita 2:1. Ni ra sa curu lo mai na tamata eso, ka cakitaki koya na Turaga na Kalou, Juta 1:4. Era sa kaya eso na tamata era sa iApositolo, a ra sa segai, iVakata. 2:2. Sa raica ko Nifai na kena tauyavu e dua na lotu vakaitamera ka vakasisila, 1 Nif. 13:26. Era sa tarabe na kai Matanitu Tani ka tara cake e vuqa na lotu, 2 Nif. 26:20. Era sa lako tani mai na noqu cakacaka vakalotu, ka voroka na noqu veiyalayalati tawavakaiyalayala, V&V 1:15. Sa ubi vuravura na butobuto, ia na butobuto loaloa ena nodra vakanananu na tamata, V&V 112:23. A tukuni vei Josefa ni sega ni dua vei ira na lotu e dina; ni sa yawa sara na yalodra mai vua na Kalou, JS—AT 1:19.