Kabubut-on Tan-awa usab Gawasnon, Kagawasan; May Tulubagon, Pagkamay-tulubagon, Panubag Ang kahanas ug kahigayunan nga gihatag sa Dios ngadto sa mga katawhan sa pagpili ug sa pagbuhat alang sa ilang mga kaugalingon. Sa matag kahoy kamo gawasnon nga mokaon, Gen. 2:16. Ang tawo dili makalihok alang sa iyang kaugalingon gawas kini siya pagadanihon, 2 Ne. 2:15–16. Ang mga tawo gawasnon sa pagpili sa kalingkawasan ug kinabuhi nga dayon o sa pagkabihag ug kamatayon, 2 Ne. 2:27. Kamo gawasnon; kamo gitugutan sa pagbuhat alang sa inyong mga kaugalingon, Hel. 14:30. Ikatulo nga bahin sa mga panon sa langit siya misalikway tungod sa ilang kabubut-on, D&P 29:36. Kini kinahanglan gayud nga ang yawa motintal sa mga tawo, o sila dili mahimo nga mga tinugyanan, D&P 29:39. Himoa ang matag tawo nga mopili alang sa iyang kaugalingon, D&P 37:4. Matag tawo mahimo nga mobuhat sumala sa matarung nga kabubut-on diin Ako mihatag ngadto kaniya, D&P 101:78. Si Satanas nagtinguha sa paglaglag sa kabubut-on sa tawo, Moises 4:3. Ang Ginoo mihatag ngadto sa tawo sa iyang kabubut-on, Moises 7:32.