Adam ej jemān im petriak eo an armej otemjeļo̧k ioon laļ. Bōd eo an ilo Jikin Kallib Iden (Jen. 3; K&B 29:40–42; Moses 4) eaar kōm̧m̧an bwe en “wōtlo̧k” im erom kanniōk, juon bun̄tōn eo aikuj bwe armej ren maron̄ wōnm̧aanļo̧k ioon laļ in (2 Ni. 2:14–29; Alma 12:21–26). Adam im Iv jeaikuj kōn menin kautiej er kōn ijo kuņaer ilo kōm̧m̧an bwe eddekļo̧k eo ad indeeo en maron̄ bōk jikin. Adam ej Raan Ko Jem̧aan im ej barāinwōt jeļā ke e ej Maikeel (Dan. 7; K&B 27:11; 107:53–54; 116; 138:38). E ej arkenjeļ eo (K&B 107:54) im enaaj bar itok n̄an laļ āinwōt petriak eo an an aolep armej (K&B 116).