Bujen eo an Ebream

Ebream eaar bōk gospel eo im kar kapit e n̄an priesthood eo eutiejļo̧k (K&B 84:14; Ebr. 2:11), im e eaar deļo̧n̄ļo̧k ilo m̧are in selestial, eo ej bujen eo an mour āinwōt Anij (K&B 131:1–4; 132:19, 29). Ebream eaar bōk juon kallim̧ur bwe aolep kōjeraam̧m̧an ko an bujen kein renaaj kar erļo̧kļo̧k n̄an ro bwijjin ilo mour in (K&B 132:29–31; Ebr. 2:6–11). Ippān doon, bujen kein im kallim̧ur kein rej ņa etaer Bujen eo an Ebream. Jepļaaktok eo an bujen in ej kar Jepļaaktok eo an gospel in ilo raan kein āliktata, bwe kōn e aolep laļ ko ilo laļ in rej jeraam̧m̧an (Gal. 3:8–9, 29; K&B 110:12; 124:58; Ebr. 2:10–11).