Jeje Ko Rekwojarjar
Katak im Bujen Ko 97


Jekjōn 97

Revelesōn letok kōn Josep Smith Rikanaan eo, ilo Kirtland, Ohio, O̧kwōj 2, 1833. Revelesōn in ekkōnono kōn men ko rejelōt Ro Rekwōjarjar ilo Zaion, Jackson Kounty, Missouri, ilo uwaake kajjitōk eo an Rikanaan eo jān Irooj kōn meļeļe ko. Ro uwaan Kabun̄ in ilo Missouri rekar kanooj pād ium̧win eļap matōrtōr im, ilo Juļae 23, 1833, kar kipel er n̄an jaini juon koņ n̄an diwōjļo̧k jān Jackson Kounty.

1–2, Elōn̄ ian Ro Rekwōjarjar ilo Zaion (Jackson Kounty, Missouri) kar kōjeraam̧m̧an er kōn aer tiljek; 3–5, Parley P. Pratt kar nebar e kōn jerbal ko an ilo jikuuļ eo ilo Zaion; 6–9, Ro rej kōjparok bujen ko aer Irooj ej bōk er; 10–17, Juon em̧ ej itōn ekkal ilo Zaion eo ilo e ro erreo burueer renaaj lo Anij; 18–21, Zaion ej ro erreo burueer; 22–28, Zaion enaaj jo̧o̧r jān kaje an Irooj eļan̄n̄e ej tiljek.

1 Em̧ool Ij ba n̄an kom̧ ro jera, Ij kōnono n̄an kom̧ kōn ainikiō, em̧ool ainikien Jetōb eo Aō, bwe In maron̄ kwaļo̧k n̄an kom̧ ankilaō kōn ro jeiūm̧i im jātimi ilo āneen aZaion, ro im elōn̄ iaer rekar lukkuun ettā im rej niknik kappukot n̄an jeļā mālōtlōt im n̄an pukot m̧ool.

2 Em̧ool, em̧ool Ij ba n̄an kom̧, em̧ōņōņō ro eier wōt rein, bwe renaaj bōk; bwe N̄a, Irooj, Ij kwaļo̧k tūriam̧o n̄an aolep ro arettā, im ioon aolep jabdewōt I kōņaan, bwe In maron̄ jim̧we n̄e Inaaj bōktok er n̄an ekajet.

3 Lo, Ij ba n̄an kom̧, kōn ajikuuļ eo ilo Zaion, N̄a, Irooj, ebun̄-buruō bwe eaikuj wōr juon jikuuļ ilo Zaion, im barāinwōt ippān karejera bParley P. Pratt, bwe e ej pād wōt ilo N̄a.

4 Im toun wōt an wōnm̧aanļo̧k n̄an pād wōt ilo N̄a enaaj wōnm̧aanļo̧k n̄an tōl ioon jikuuļ eo ilo āneen Zaion m̧ae Aō naaj leļo̧k n̄an e bar jet kien ko.

5 Im Inaaj kōjeraam̧m̧an e kōn wōrļo̧k in kōjeraam̧m̧an ko, ilo tepiiake aolep jeje ko rekwōjarjar im mennin ittino n̄an kōketak eo an jikuuļ eo, im an kabun̄ eo ilo Zaion.

6 Im n̄an ro bwe in jikuuļ eo, N̄a, Irooj, I m̧ōņōņō in kwaļo̧k tūriam̧o; mekarta, ewōr ro rej aikuj bōk akauwe, im jerbal ko aer naaj kōjedmatmati.

7 aŪlūl eo em̧ōj likūt iturin okar ko okran wōjke ko; im wōjke otemjej ej jab jebar bleen ko rem̧m̧an naaj juokwe im joļo̧k ilo kijeek eo. N̄a, Irooj, Iaar ba men in.

8 Em̧ool Ij ba n̄an kom̧, aolep ro ilubwiljin ro rejeļā aburueer brem̧ool, im rekar rup, im jetōb ko aer rettā, im crem̧ōņōņō in kōjparok bujen ko aer jān dkatok—aaet, katok otemjej me N̄a, Irooj, Inaaj jiron̄ er—rej ekam̧ōņōņōik Eō.

9 Bwe N̄a, Irooj, Inaaj kōm̧m̧an bwe ren jebarļo̧k āinwōt juon wōjke eo ekimuur eo me kar kalbwini ilo bwidej eo em̧m̧an, iturin wea erreo, eo ej kwaļo̧k eļap leen eaorōk.

10 Em̧ool Ij ba n̄an kom̧, bwe ej ankilaō bwe juon aem̧ en ekkal n̄an Eō ilo āneen Zaion, āinwōt bjon̄ok eo me Iaar lewōj n̄an kom̧.

11 Aaet, en m̧ōkaj im ekkal, jān juon-m̧ōttan-jon̄oul an armej ro Aō.

12 Lo, en̄in ej ajuon-m̧ōttan-jon̄oul eo im katok eo me N̄a, Irooj, Ij aikuji jān peier, bwe en maron̄ wōr juon bem̧ kalōke n̄an Eō kōn lo̧mo̧o̧r eo an Zaion—

13 N̄an juon jikin akam̧m̧oolol n̄an aolep ro rekwōjarjar, im n̄an juon jikin leļo̧k naan in tōl n̄an aolep ro kūr er n̄an kōm̧m̧ane jerbal in ilo aolep kūr im opij ko aer rellōn̄;

14 Bwe ren maron̄ weeppān ilo ameļeļe kōn jerbal in aer, ilo ļamļamin, ilo pedped eo an, im ilo katak, ilo aolep men ko rej ekkejelļo̧k n̄an baelōn̄ in Anij ioon laļ, cki ko me rej an aelōn̄ eo likūti ioomi.

15 Im toun wōt an armej ro Aō kalōk juon em̧ n̄an Eō ilo etan Irooj, im jab kōtļo̧k jabdewōt men aettoon n̄an itok n̄an e, bwe en jab ettoonon, Aō baiboojoj enaaj pād ioon;

16 Aaet, im aInaaj pād ijo, bwe Inaaj itok n̄an e, im aolep ro berreo burueer renaaj itok n̄an e naaj lo Anij.

17 A eļan̄n̄e ej ettoonon I ban itok n̄an e, im Aō aiboojoj ejamin pād ijo; bwe Ij jamin itok ilo tampeļ ko rejjab kwōjarjar.

18 Im, kiiō, lo, eļan̄n̄e Zaion ej kōm̧m̧ani men kein enaaj ajeraam̧m̧an, im ererakļo̧k im kanooj aiboojoj, kanooj ļap, im kanooj kaammijak.

19 Im alaļ ko in laļ renaaj kautiej e, im naaj ba: Lukkuun m̧ool bZaion ej jikin kwelo̧k eo an ad Anij, im lukkuun m̧ool Zaion ej jamin wōtlo̧k, im jamin em̧m̧akūt jān ijo jikin, bwe Anij ej pād ijeņ, im pein Irooj ej pād ijeņ;

20 Im Eaar kanejnej jān kajoor in An maron̄ n̄an an lo̧mo̧o̧r im an aim̧ōn bar eutiej.

21 Kōn menin, em̧ool, āindein Irooj ej ba, Zaion en m̧ōņōņō, bwe en̄in ej aZaionro erreo burueer; kōn menin, Zaion en m̧ōņōņō, a aolep ro renana renaaj būrom̧ōj.

22 Bwe lo, im lo, aidenoņe em̧ōkaj an itok ioon ro renana āinwōt aire; im wōn enaaj jo̧o̧r jān e?

23 aKaen̄tanaan an Irooj enaaj eļļāļo̧k ilo bon̄ im ilo raan, im ennaan eo kake enaaj kakūtōtōik armej otemjej; aaet, e jamin naaj bōjrak m̧ae Irooj ej itok;

24 Bwe libabne eo an Irooj ej urur ņae mennin jōjō ko aer im aolep jerbal ko renana aer.

25 Mekarta, Zaion enaaj ajo̧o̧r eļan̄n̄e ej kōjparok n̄an kōm̧m̧ani aolep men ko jabdewōt Iaar jiron̄ e.

26 A eļan̄n̄e ej jab kōjparok n̄an kōm̧m̧ani jabdewōt men ko Iaar jiron̄ e, Inaaj aloļo̧k e ekkar n̄an jerbal ko otemjej an, kōn kaen̄tanaan ekōmetak, kōn bnan̄inmej, kōn ko̧kkure, kōn jāje, kōn cidenoņe, kōn dkijeek in ko̧kkure.

27 Mekarta, en kōnono kake alen in wōt n̄an lo̧jiln̄in, bwe N̄a, Irooj, Iaar bōk joortak eo an; im eļan̄n̄e ej jamin bar jero̧wiwi aejjeļo̧k ian men kein renaaj itok ioon;

28 Im Inaaj akōjeraam̧m̧an e kōn kōjeraam̧m̧an ko, im wōrļo̧k in koorļo̧k in kōjeraam̧m̧an ko ioon, im ioon epepen ko an indeeo im indeeo, Irooj ami Anij ej ba. Amen.