1 Voorwaar, so sê die Here: Dit sal gebeur dat elke siel wat sy sondes ^aversaak en na My kom, en my Naam ^baanroep, en my stem ^cgehoorsaam, en my gebooie onderhou, my ^daangesig sal ^esien en weet dat Ek is;

2 En dat Ek die ware ^alig is wat elke mens wat die wêreld binnekom, verlig;

3 En dat Ek ^ain die Vader is, en die Vader in My, en die Vader en Ek is een—

4 Die Vader ^aomdat hy my van sy volheid ^bgegee het, en die Seun omdat Ek in die wêreld was en ^cvlees my tabernakel gemaak het, en onder die seuns van mense gewoon het.

5 Ek was in die wêreld en het ontvang van my Vader, en sy ^awerke is duidelik geopenbaar.

6 En ^aJohannes het gesien en getuienis gelewer van die volheid van my ^bheerlikheid, en die volheid van ^cJohannes se verslag moet hierna geopenbaar word.

7 En hy het getuienis gelewer, en gesê: Ek het sy heerlikheid gesien, dat Hy in die ^abegin was, voor die wêreld was;

8 Daarom, in die begin was die ^aWoord, want Hy was die Woord, naamlik die boodskapper van heil—

9 Die ^alig en die ^bVerlosser van die wêreld; die Gees van waarheid, wat in die wêreld gekom het, omdat die wêreld deur hom gemaak is, en in Hom was die lewe en die lig van die mens.

10 Die wêrelde is deur Hom ^agemaak; die mense is deur hom gemaak; alle dinge is deur Hom gemaak, en deur Hom, en van Hom.

11 En ek, Johannes, lewer getuienis dat Ek sy heerlikheid aanskou het, soos die heerlikheid van die Eniggeborene van die Vader, vol genade en waarheid, naamlik die Gees van waarheid, wat gekom en in die vlees gewoon het, en onder ons gewoon het.

12 En ek, Johannes, het gesien dat Hy aanvanklik nie van die ^avolheid ontvang het nie, maar ^bgenade op genade ontvang het;

13 En Hy het aanvanklik nie die volheid ontvang nie, maar het volgehou van ^agenade tot genade, totdat Hy ’n volheid ontvang het;

14 En daarom is Hy die ^aSeun van God genoem, omdat Hy aanvanklik nie van die volheid ontvang het nie.

15 En ek, ^aJohannes, lewer getuienis, en sien, die hemele is geopen, en die ^bHeilige Gees het op Hom neergedaal in die vorm van ’n ^cduif, en op Hom gaan sit, en daar het ’n stem uit die hemel gekom wat sê: Dit is my ^dgeliefde Seun.

16 En ek, Johannes, lewer getuienis dat Hy ’n volheid van die heerlikheid ontvang het van die Vader;

17 En hy het ^aalle ^bmag ontvang, beide in die hemel en op die aarde, en die heerlikheid van die ^cVader was met Hom, want Hy het in Hom gewoon.

18 En dit sal gebeur, dat indien julle getrou is, sal julle die volheid van die verslag van Johannes ontvang.

19 Ek gee aan julle hierdie woorde sodat julle mag begryp en weet hoe om te ^aaanbid, en weet wat julle aanbid, sodat julle tot die Vader mag kom in my Naam, en op die bepaalde tyd van sy volheid ontvang.

20 Want indien julle my ^agebooie onderhou, sal julle van sy ^bvolheid ontvang, en ^cverheerlik word in My soos Ek is in die Vader; daarom, Ek sê vir julle, julle sal ^dgenade op genade ontvang.

21 En nou, voorwaar Ek sê vir julle, Ek was in die ^abegin met die Vader, en is die ^bEersgeborene;

22 En al diegene wat deur My gebore word, is ^adeelgenote van die ^bheerlikheid van dieselfde, en is die kerk van die Eersgeborene.

23 Julle was ook in die begin ^amet die Vader; dit wat Gees is, naamlik die Gees van waarheid;

24 En ^awaarheid is ^bkennis van dinge soos hulle is, en soos hulle was, en soos hulle sal wees;

25 En wat ook al ^ameer of minder is as dit, is die gees van daardie bose een wat ’n ^bleuenaar was vanaf die begin.

26 Die Gees van ^awaarheid is van God. Ek is die Gees van waarheid, en Johannes het getuienis gelewer van My, en gesê: Hy het ’n volheid ontvang van waarheid, ja, naamlik van alle waarheid;

27 En geen mens ontvang ’n ^avolheid tensy hy sy gebooie onderhou nie.

28 Hy wat sy gebooie ^aonderhou, ontvang waarheid en ^blig, totdat hy verheerlik is in waarheid en alle dinge ^cweet.

29 Die mens was ook in die ^abegin met God. ^bIntelligensie, of die lig van waarheid, is nie geskape of gemaak nie, nóg kan dit inderdaad.

30 Alle waarheid is onafhanklik in daardie sfeer waarin God dit geplaas het, om selfstandig op te ^atree, so ook alle intelligensie; anders is daar geen bestaan nie.

31 Kyk, hierin is die ^ahandelingsmag van die mens, en hierin is die veroordeling van die mens; omdat dit wat vanaf die begin was, ^bduidelik geopenbaar is aan hulle, en hulle ontvang nie die lig nie.

32 En elkeen wie se gees nie die ^alig ontvang nie is onder veroordeling.

33 Want die mens is ^agees. Die ^belemente is ewig, en gees en element, onafskeidbaar verbonde, ontvang ’n volheid van vreugde;

34 En wanneer ^ageskei, kan die mens nie ’n volheid van ^bvreugde ontvang nie.

35 Die ^aelemente is die tabernakel van God; ja die mens is die tabernakel van God, naamlik ^btempels; en welke tempel ook al verontreinig word, sal God daardie tempel vernietig.

36 Die ^aheerlikheid van God is ^bintelligensie, of, met ander woorde, ^clig en waarheid.

37 Lig en waarheid versaak daardie ^abose een.

38 Elke gees van die mens was ^aonskuldig in die begin; en omdat God die mens ^bgered het van die ^cval, het die mens weer, in hul kinderlike toestand, ^donskuldig voor God geword.

39 En daardie bose een kom en ^aneem die lig en waarheid weg, deur ongehoorsaamheid, van die kinders van mense, en vanweë die ^boorlewerings van hulle vaders.

40 Maar Ek het julle gebied om julle ^akinders groot te maak in lig en waarheid.

41 Maar voorwaar Ek sê vir jou, my dienskneg Frederick G. Williams, jy het voortgegaan onder hierdie veroordeling;

42 Jy het nie jou kinders lig en waarheid ^ageleer, volgens die gebooie nie; en daardie bose een het mag oor jou, soos tans, en dit is die oorsaak van jou ellende.

43 En nou, ’n gebod gee Ek aan jou—indien jy verlos wil wees, sal jy jou eie huis in ^aorde bring, want daar is vele dinge wat nie reg is in jou huis nie.

44 Voorwaar, Ek sê vir my dienskneg Sidney Rigdon, dat in sommige dinge het hy nie die gebooie onderhou aangaande sy kinders nie; daarom, bring eers jou huis in orde.

45 Voorwaar, Ek sê vir my dienskneg Joseph Smith, Jr., of met ander woorde, Ek sal julle ^avriende noem, want julle is my vriende, en julle sal ’n erfenis met My hê—

46 Ek het julle ^adiensknegte genoem vir die wêreld se ontwil, en julle is hulle diensknegte om My ontwil—

47 En nou, voorwaar, Ek sê vir Joseph Smith, Jr.,—Jy het nie die gebooie onderhou nie, en moet noodwendig ^abestraf word voor die Here;

48 Jou ^afamilie moet noodwendig bekeer en sommige dinge versaak, en meer getrou gehoor gee aan jou woorde, of uit hulle plek verwyder word.

49 Wat Ek aan een sê, sê Ek aan almal; ^abid altyd sodat daardie bose een nie mag het in jou nie, en jou uit jou plek verwyder nie.

50 My dienskneg Newel K. Whitney, ’n biskop van my kerk, het ook nodig om getugtig te word, en sy familie in orde te bring, en toe te sien dat hulle meer ywerig en betrokke tuis is, en altyddeur bid, of hulle sal verwyder word uit hulle ^aplek.

51 Nou, sê Ek vir julle my vriende, laat my dienskneg Sidney Rigdon sy reis onderneem, en hom haas, en ook die ^aaanvaarbare jaar van die Here verkondig, en die evangelie van heil, soos Ek hom sal gee om te spreek; en vanweë julle gebed van geloof in eensgesindheid, sal Ek hom ondersteun.

52 En laat my diensknegte Joseph Smith, Jr., en Frederick G. Williams hulle ook haas, en dit sal aan hulle gegee word, en wel deur die gebed van geloof; en in soverre julle my woorde onderhou, sal julle nie vernietig word in hierdie wêreld nie, nóg in die komende wêreld.

53 En voorwaar, Ek sê vir julle, dat dit my wil is dat julle jul moet haas om my skrifture te ^avertaal, en om ’n ^bkennis te ^cverkry van geskiedenis, en van lande, en van koninkryke, van wette van God en die mens, en dit alles vir die heil van Sion. Amen.