iVolanikalou
Vunau kei na Veiyalayalati 93


Wase 93

Na ivakatakila sa soli yani mai vei Josefa Simici na Parofita mai Katiladi e Oaio, ena 6 ni Me 1833.

1–5, Era na raica na Turaga ko ira kecega sa yalodina; 6–18, Sa vakadinadinataka ko Joni ni sa tubucake tikoga na Luve ni Kalou mai na iloloma soli wale ki na iloloma soli wale, me yacova ni sa rawata na taucoko ni lagilagi nei Tamana; 19–20, Era na rawata talega na taucoko ni Nona lagilagi ko ira na tamata yalodina ka ra tubu mai na iloloma soli wale ki na iloloma soli wale; 21–22, Era sa lewe ni nona Lotu na Ulumatua ko ira sa sucu vou ena vukui Karisito; 23–28, Sa rawata ko Karisito na taucoko ni ka dina, ka na vakakina na tamata ena talairawarawa; 29–32, Sa tiko vata na tamata kei na Kalou mai na ivakatekivu; 33–35, Sa tawamudu na veika e dau yaco, ia sa rawa ni vuabale na marau ni tamata ena Tucake Tale; 36–37, Na lagilagi ni Kalou na vuku; 38–40, Era sa savasava na gonelalai ena mata ni Kalou ena vuku ni nona veivueti na Karisito; 41–53, Era sa vakaroti na qase ni lotu me ra vakavulici ira vinaka na lewe ni nodra matavuvale.

1 Sa kaya vakaidina vakaoqo na Turaga: Ena qai yaco, ni ko ira na yalo kecega era na abiuta laivi na nodra ivalavala ca ka lako mai vei au, ka bmasuta na yacaqu, ka ctalairawarawa ki na domoqu, ka muria na noqu ivakaro, ena draica na emataqu ka kila ni sai au;

2 Ka ni sai Au na ararama dina sa vakararamataka na tamata kecega sa lako mai ki vuravura;

3 Ni’u sa atu vei Tamaqu, ka sa tu vei au ko Tamaqu; ia ko Tamaqu kei Au, keirau sa duabau—

4 Na Tamada abaleta ni a bsolia vei au na taucoko ni nona lagilagi, ia na Luvena baleta ni’u a tiko e vuravura ka cakava me noqu vale na cyago, ka tiko voli ena kedra maliwa na luve ni tamata.

5 Au a tiko e vuravura ka ciqoma na veika eso mai vei Tamaqu, ka sa vakaraitaki kina vakamatata na nona acakacaka.

6 Ka sa raica ka vola ko aJoni na itukutuku ni kena taucoko ni noqu blagilagi, ena qai vakatakilai malua yani na taucoko ni nona itukutuku ko cJoni.

7 A sa vola vakaoqo ko koya, ka kaya: Au sa raica na nona lagilagi, ni a sa tu mai na aivakatekivu, ni sa bera ni buli ko vuravura;

8 Ia, ena ivakatekivu sa bula ko koya na aVosa, ni sai koya ga na Vosa, io ko koya na italai sa kauta mai na veivakabulai—

9 Na ararama kei na bDauveivueti kei vuravura; io na Yalo ni ka dina, ko koya sa lako mai ki vuravura, baleta ni a bulia na vuravura, ia sa tu vua na bula ni tamata kei na rarama ni tamata.

10 A sa abulia na vuravura kecega ko koya; io sa buli ira tale ga na tamata; raica sa bulia na ka kecega ko koya, io era sa buli ena vukuna, ka sa buli ira ko koya.

11 Ia koi au ko Joni, au sa vakadinadinataka ni’u a raica na nona lagilagi ni sa vaka na lagilagi ni Le Duabau ga nei Tamana; a sa sinai ena loloma soli wale kei na dina; io na Yalo ni ka dina, sa lako sobu mai ka mai bula vakayago, ka tiko vata kei keda.

12 Ia koi au ko Joni, au a raica ni sa sega ni rawata na kena ataucoko ena imatai ga ni gauna, ia sa rawata mai na biloloma soli wale ki na iloloma soli wale.

13 Ia sa sega ni rawata ga na kena taucoko ena imatai ni gauna, ia sa tubucake tikoga mai na ailoloma soli wale ki na iloloma soli wale, me yacova ni sa rawata ena kena taucoko;

14 Sai koya oqo sa vakatokai kina me aLuve ni Kalou, baleta ni a sega ni rawata na kena taucoko ena imatai ga ni gauna.

15 Ia koi au ko aJoni, au sa vakadinadinataka, ka raica ni sa tadola ko lomalagi, ka lako sobu mai na bYalo Tabu me vaka na cruve ka mai dabe vua, a sa rogo mai lomalagi e dua na domo ka vaka: Oqo na dLuvequ Lomani.

16 Ia koi au ko Joni, au sa vakadinadinataka ni sa rawata na taucoko ni lagilagi nei Tamana;

17 A sa soli vua na akaukauwa bkecega mai lomalagi kei vuravura, ka sa tiko vua na lagilagi nei cTamana, ni sa tiko vata kei koya.

18 Ka na qai yaco, kevaka ko sa yalodina tiko ko na rawata na taucoko ni lagilagi ni itukutuku nei Joni.

19 Au sa tukuna vei kemudou na veika oqo mo dou kila kina na ivakarau mo dou aqaravi koya kina, ka kilai koya dou sa qarava, mo dou lako yani kina vei Tamaqu ena yacaqu, ka rawata na nona veivakataucokotaki ena kena gauna.

20 Ia kevaka dou sa muria na noqu aivakaro dou na bveivakataucokotaki, ka cvakalagilagi ena vukuqu me vaka ni’u sa vakalagilagi ena vukui Tamaqu; o koya, au sa kaya vei kemudou, dou na rawata kina mai na diloloma soli wale ki na iloloma soli wale.

21 Ia oqo, au sa kaya vakaidina vei kemudou, Au a tiko vata kei Tamaqu mai na aivakatekivu, ka ni sai au na bUlumatua;

22 Ia ko ira kecega sa sucu vou ena vukuqu era na avakaivotavota ena blagilagi vata oqo, ka ra sa lewe ni nona lotu na Ulumatua.

23 Raica dou a bula avata tale ga kei na Tamada mai na ivakatekivu; sai koya na Yalo, io na Yalo ni ka dina;

24 Ia na adina sai koya na kena kilai na bveika ena kedra ituvaki ena gauna oqo, kei na kedra ituvaki ena veigauna sa oti, kei na kedra ituvaki ena veigauna e se bera mai;

25 Ia na ka ga e alevu cake se lailai sobu mai na kena oqo sa yaloi koya na daucaka ca ko ya ko koya na dau blasulasu mai na ivakatekivu.

26 Na Yalo ni ka adina sa mai vua na Kalou. Sai Au na Yalo ni ka dina, ka sa vakadinadinataki au ko Joni, ka vaka: Sa rawata ko Koya na taucoko ni ka dina, io, na ka dina taucoko ga;

27 Ia sa sega na tamata sa rawata na kena ataucoko vakavo kevaka sa muria na nona ivunau.

28 Ko koya sa amuria na nona ivakaro sa rawata na ka dina kei na brarama, me yacova ni sa vakalagilagi ena ka dina ka ckila na ka kecega.

29 Ena aivakatekivu erau sa tiko vata talega na tamata kei na Kalou. Ia na bvuku se na rarama ni ka dina, a sega ni qai tauyavutaki ga se buli, e sega ni rawa vakaidina me vakakina.

30 Na dina taucoko era sa tu vakataki ira ga ena vanua sa biuti ira kina na Kalou, me alewai koya ga, sa vakakina na vuku kece sara; kevaka e sega ena sega na bula.

31 Raica, sai koya oqo na agalala ni digidigi ni tamata, ka sai koya talega oqo na cudruvi ni tamata; baleta ni veika kece sara mai na ivakatekivu sa vakaraitaki oti bvakamatata vei ira, ia era a sega ni ciqoma na rarama.

32 Ia na tamata kecega a sega ni ciqoma na yalona na ararama ena cudruvi.

33 Ni ayalo na tamata. Ia sa tawamudu na vei bvu ni ka, ia na yalo kei na vei vu ni ka erau semati ka sega ni rawa ni rau veitawasei, erau na rawata na marau sa vuabale;

34 Ia ni rau sa aveitawasei, sa na sega ni rawata na bmarau sa vuabale na tamata.

35 Raica sa vale ni Kalou na vei avu ni ka; io, sa vale ni Kalou na tamata, io sa nona bvaletabu; ia na valetabu sa vakadukadukalitaki, ena vakarusa na Kalou.

36 Raica sa alagilagi ni Kalou na bvuku, se, ena dua tale na kena itukutukuni, na crarama kei na dina.

37 Na rarama kei na dina sa biuta laivi na atevoro.

38 Sa asavasava na yalo ni tamata kecega mai na ivakatekivu; ia ni sa bvueta na tamata na Kalou mai na nona clutu tani, sa yaco tale kina na tamata, me vaka na kena ituvaki ena nona se gonelailai, me dsavasava ena mata ni Kalou.

39 A sa lako mai na ca ka akovea tani na rarama kei na dina mai vei ira na luve ni tamata, ena vuku ni talaidredre kei na nodra bivakarau na nodra qase.

40 Ia au sa vakaroti kemudou mo dou vakavulici ira na aluvemudou ena rarama kei na dina.

41 Ia au sa kaya vakaidina vei iko Veretariki G. Viliame na noqu tamata, ni ko sa ia tiko ga ena ivalavala ca oqo;

42 Ko sa sega ni avakavulici ira na luvemu ena rarama kei na dina, me vaka na ivakaro; ka sa rawai iko kina na tevoro, sai koya oqori na vu ni nomu vakararawataki.

43 Ia oqo au sa solia vei iko e dua na ivakaro—kevaka ko vinakata mo sereki mo avakavulici ira vinaka na lewe ni nomu matavuvale, ni vuqa na ka e sega tiko ni dodonu ena nomu vuvale.

44 Au sa kaya vakaidina vei Sidini Rikitoni na noqu tamata, ni sega ni muria tiko na ivakaro ena so na ka me baleti ira na luvena; o koya, sa dodonu me vakavulici ira mada e liu na lewe ni nona vale.

45 Au sa kaya vakaidina vei Josefa Simici Lailai, na noqu tamata, se ena dua tale na kena itukutukuni, au na vakatokai kemudou mo dou awekaqu ni dou sa wekaqu, ni na tiko na nomudou ivotavota vakawa vata kei au—

46 Au sa vakatokai kemudou mo dou noqu atamata ena vukudra na kai vuravura, ia dou sa nodra tamata na kai vuravura ena vukuqu—

47 Ia oqo, au sa kaya vakaidina vei Josefa Simici Lailai, na noqu tamata—Ko sa sega ni muria na ivakaro, ka sa dodonu kina mo avunauci ena mata ni Turaga;

48 Sa dodonu me ra aveivutuni na nomu matavuvale ka biuta laivi eso na ka, ka me ra vakarorogo vakavinaka ki na nomu vosa, ia kevaka e sega era na kaliraki tani ena nodra itutu.

49 Raica na ka au sa vakarota vua e dua sa baleta na tamata kecega; dou adaumasu tiko ga me kakua ni rawai kemudou na tevoro, ka kaliraki kemudou tani mai na nomudou itutu.

50 Na noqu tamata talega ko Niueli K. Witini, e dua na bisopi ni noqu lotu, sa dodonu me vunauci, ka vakavulici ira na lewe ni nona vuvale, ka raica me ra dau gugumatua ka cakacaka vakaukauwa mai vale, ka dau masu tikoga, ia kevaka e sega era na kaliraki tani mai na nodra aitutu.

51 Oqo, au sa kaya vei kemudou, na wekaqu, me lako kusarawa ena nona ilakolako ko Sidini Rikitoni na noqu tamata, io me vunautaka na yabaki avinaka ni Turaga, kei na kosipeli ni veivakabulai, ni’u na solia ki vua na ka me tukuna; kevaka dou sa duavata ena nomudou masu ni vakabauta.

52 Ka me rau ia kusarawa tale ga ko Josefa Simici Lailai, kei Veretariki G. Viliame na noqu tamata, ia au na vakaukauwataki rau tale ga ena nomudou masu ni vakabauta; ia kevaka dou sa muria tiko ga na noqu vosa ena sega na ka mo dou madua kina ena vuravura oqo, se ena vuravura sa bera mai.

53 Ia, au sa kaya vakaidina vei kemudou, niu gadreva mo dou ia kusarawa ka avakadewataka na noqu ivolanikalou, ka mo dou bvulica na itukutuku makawa, na ka e baleta na veivanua, kei na veimatanitu, na lawa ni Kalou kei na tamata, io mo dou kila na veika kecega oqo me vakabulai kina ko Saioni. Emeni.