1 Āindein Irooj ej ba, em̧ool, em̧ool Ij ba n̄an eok nejū m̧aan, jero̧wiwi ko am ^arejako jān eok, ekkar n̄an akweļap eo am, bwe jar ko am im jar ko an ro jeiūm̧ im jatūm rekar wanlōn̄tak ilo lo̧jiln̄ū.

2 Kōn menin, kwo jeraam̧m̧an jān kiiō m̧aanļo̧k eo ej ineeki ^aki ko an aelōn̄ eo liwōj n̄an eok; ^baelōn̄ eo me ej waļo̧ktok ilo alen eo āliktata.

3 Em̧ool Ij ba n̄an eok, ki ko an aelōn̄ in naaj jamin bōki jān eok, ilo iien in kwōj pād ilo laļ in, barāinwōt jab ilo laļ eo ej itok;

4 Mekarta, kōn kwe naaj aolep ^arevelesōn ko liļo̧k n̄an bar juon, aaet, em̧ool n̄an kabun̄ in.

5 Im aolep er ro rej bōk revelesōn ko an Anij, ren ^aekkōl kōn wāween aer watōki n̄e raab likūt er āinwōt juon men eļam waan, im rej bōktok er ium̧win liaakeļo̧k kake, im tipjek im wōtlo̧k n̄e lan̄ ko rej bun̄ļo̧k, im kōto ko rej letōn̄, im ^bwōt ko rej bun̄ļo̧k, im im̧m̧ūņm̧ūņ ioon m̧ōko im̧weer.

6 Im bar juon alen, em̧ool Ij ba n̄an ro jeiūm̧ im jatūm, Sidney Rigdon im Frederick G. Williams, bwe jero̧wiwi ko aer em̧ōj jeoriļo̧k jān er barāinwōt, im er jon̄aer wōt kwe ilo kabwijer ki ko an aelōn̄ in kiin̄ in āliktata;

7 Āinwōt barāinwōt kōn am kōm̧akūtkūt ki ko an ^ajikuuļ eo an rikanaan ro, eo me Iaar jiron̄ eok n̄an kajutake;

8 Bwe jān e ren maron̄ in weeppānļo̧k ilo jerbal eo aer n̄an lo̧mo̧o̧r eo an Zaion, im an laļ ko an Israel, im an ro riAelōn̄ ko, jon̄an wōt an lōn̄ ro renaaj tōmak;

9 Bwe kōn am kōm̧akūtkūt ren maron̄ bōk naan eo, im kōn aer kōm̧akūtkūt naan eo en maron̄ ilo̧k n̄an jem̧ļo̧k ko in laļ, n̄an ro ^ariAelōn̄ ko ^bm̧okta, innām, lo, im lo, renaaj oktakļo̧k n̄an riJu ro.

10 Innām ej itok raan eo n̄e pein Irooj naaj ^akwaļo̧ke ilo kajoor ilo karreel laļ ko, laļ ko an ripegan, m̧weo im̧ōn ^bJosep, kōn gospel eo an lo̧mo̧o̧r eo aer.

11 Bwe naaj waļo̧k ilo raan en, bwe kajjojo armej enaaj ^aron̄ tarlep in gospel eo ilo lo eo an make, im ilo kajin eo an make, kōn ro ^bkapit er n̄an ^ckajoor in, jān kōm̧akūtkūt in ^dRikaenōm̧m̧an eo, jilkinļo̧k ioer n̄an revelesōn eo kōn Jisōs Kraist.

12 Im kiiō, em̧ool Ij ba n̄an kom̧, Ij lewōj n̄an kom̧ juon kien bwe kom̧in wōnm̧aanļo̧k ilo ^ajerbal in im presidency in.

13 Im n̄e em̧ōj ami kadedeļo̧k ukok eo an rikanaan ro, kom̧ naaj jān iien en m̧aanļo̧k ^alale jerbal ko an kabun̄ in im an ^bjikuuļ eo;

14 Im jān iien n̄an iien, āinwōt naaj kaalikkar jān Rikaenōm̧m̧an eo, bōk ^arevelesōn ko n̄an erļo̧ki mennin ^bittino ko an aelōn̄ eo;

15 Im ko̧koņ jarlepju in rijar ko, im ^aekkatak im ^bjeļā, im kanooj jeļā kōn aolep bok ko rem̧m̧an, im kōn ^ckajin ko, lo ko, im armej.

16 Im men in enaaj ami jerbal im mijen ilo aolepān mour ko ami, n̄an tōl ilo ko̧o̧njeļ, im ko̧koņ aolep jerbal ko an kabun̄ im aelōn̄ in kiin̄ in.

17 Kom̧in jab ^ajook, barāinwōt jab pok; ak bōk kauwe ilo aolep kabbwil im ^bjuwa eo ami, bwe ej bōktok aujiid ioon jetōb ko ami.

18 Ko̧koņ m̧ōko im̧ōmi; kōttoļo̧k ^ajowan im ^bettoonon jān kom̧.

19 Kiiō, em̧ool Ij ba n̄an eok, en wōr juon jikin eo kōpooje, ilo wōt iien eo em̧ōkajtata, n̄an baam̧le eo an rikōkapilōklōk im rijeje eo am, em̧ool Frederick G. Williams.

20 Im rikarejera ebwijwoļā, ^aJosep Smith, Sen., en wōnm̧aanļo̧k wōt ippān baam̧le eo an ioon jikin eo ej jokwe ie kiiō; im en jab wia kake m̧ae lo̧n̄iin Irooj enaaj ba.

21 Im rikōkapilōklōk eo Aō, em̧ool ^aSidney Rigdon, en pād wōt ijo ej kiiō jokwe ie m̧ae lo̧n̄iin Irooj enaaj ba.

22 Im bisop eo en niknik kappukot n̄an bōk juon ^ariņa ainikien, im e en juon em̧m̧aan eo ewōr ^bm̧weiie ko an ilo jikin ko̧koņ—juon armej in Anij, im in tōmak ekajoor—

23 Bwe jān jekjek in en maron̄ kōļļāik m̧uri otemjej; bwe im̧ōn ko̧koņ eo an Irooj en jab itok ilo āt eo enana im̧aan mejān armej raņ.

24 ^aNiknik kappukot, ^bjar iien otemjej, im lōke, im ^caolep men ko naaj jerbal ippān doon n̄an em̧m̧an eo ami, eļan̄n̄e kom̧ij etetal jim̧we im keememej ^dbujen eo me kom̧ ar kōm̧m̧ane juon ippān eo bar juon.

25 ^aBaam̧le ko ami ren iddik, eļaptata eo an rikarejera ebwijwoļā Josep Smith, Sen., āinwōt ikijjien ro rej jab jān baam̧le ko ami;

26 Bwe men ko bōkitok n̄an kom̧, n̄an kōtōprake jerbal eo Aō, ren jab bōki jān kom̧ im liļo̧k n̄an ro rej jab tōllo̧ke—

27 Im jān jekjek in kom̧ naaj kar apan̄ ilo kōtōpraki men ko me Iaar jiron̄ kom̧.

28 Im bar juon alen, em̧ool Ij ba n̄an kom̧ijel, e ej Ankilaō bwe rikarejera kōrā Vienna Jaques en bōk m̧ani n̄an ineek ākōjpenses ko an, im wanlōn̄ļo̧k n̄an āneen Zaion;

29 Im bwe in m̧ani eo emaron̄ wūjleptok n̄an Eō, im liin naaj ņa wōņāān ilo iien eo Aō make.

30 Em̧ool Ij ba n̄an kom̧ijel, bwe ej men ekkar ilo Meja bwe liin en wanlōn̄ļo̧k n̄an āneen Zaion, im bōk juon jolōt jān pein bisop eo;

31 Bwe liin en maron̄ jokwe ilo aenōm̧m̧an toun wōt an liin tiljek, im jab pād waan ilo raan ko an jān iien in m̧aanļo̧k.

32 Im lo, em̧ool Ij ba n̄an kom̧ijel, bwe kom̧ijel naaj je kien in, im ba n̄an ro jeiūm̧i im jatūmi ilo Zaion, ilo iakiakwe, bwe Iaar kūr kom̧ijel barāinwōt n̄an ^atōl ioon Zaion ilo iien eo Aō make.

33 Kōn menin, ren jab kaabņōņōik Eō kōn menin.

34 Lo, Ij ba n̄an kom̧ijel bwe ro jeiūm̧i im jatūmi ilo Zaion rej jino n̄an ukeļo̧k, im enjeļ ro rej m̧ōņōņō ioer.

35 Mekarta, Ij jab m̧ōņōņō kōn elōn̄ men ko; im Ij jab m̧ōņōņō ippān rikarejera ^aWilliam E. McLellin, barāinwōt jab ippān rikarejera Sidney Gilbert; im bisop eo barāinwōt, im ro jet elōn̄ men ko ewōr ippāer n̄an ukeļo̧k jāni.

36 Ak em̧ool Ij ba n̄an kom̧ijel, bwe N̄a, Irooj, Inaaj akwāālel ņae ^aZaion, im ^bakweļap ippān ro rekajoor an, im kauweik e m̧ae ej anjo̧ im ej ^cerreo Im̧aō.

37 Bwe ej jamin em̧m̧akūt jān ijo jikin. N̄a, Irooj, Iaar kōnono men in. Amen.