Jekjōn 85
Revelesōn letok kōn Josep Smith Rikanaan eo, ilo Kirtland, Ohio, Nobōm̧ba 27, 1832. Jekjōn in ej juon m̧ōttan bōke jān juon lōta an Rikanaan eo n̄an William W. Phelps, eo eaar jokwe ilo Independence, Missouri. Ej uwaak kajjitōk ko kōn Ro Rekwōjarjar rekar emakitļo̧k n̄an Zaion ak rekar jab lori kien ko n̄an wūjlepļo̧k men ko m̧weier im kōn men in rekar jab bōk jolet eo aer ekkar n̄an koņ eo kar kajutake ilo Kabun̄ in.
1–5, Jolōt ko ilo Zaion rej aikuj bōki kōn wūjlepļo̧k; 6–12, Juon ekajoor im maron̄ enaaj leļo̧k n̄an Ro Rekwōjarjar jolōt eo aer ilo Zaion.
1 E ej jerbal an clerk eo an Irooj, eo Eaar jitōn̄e, n̄an kōjparok juon bwebwenato, im juon aļo̧o̧k an aolepān kabun̄ kōn aolep men ko rej bōk jikier ilo Zaion, im kōn aolep ro rej bwūjlepļo̧k men ko m̧weiier, im bōk jolōt ko ekkar n̄an kakien jān bisop eo;
2 Im barāinwōt jekjekin mour ko aer, tōmak ko aer, im jerbal ko aer; im barāinwōt an rijālbōro ro rej eļļo̧k ālikin bōki jolōt ko aer.
3 E ej āinjuon n̄an ankilaan im kien an Anij bwe ro rej jab bōk jolōt ko aer jān awūjlepļo̧k, ilo errā n̄an kien eo An, eo Eaar leļo̧k, bwe En maron̄ bm̧ōttan jon̄ouli armej ro An, n̄an kōpooj er ņae raan in cidenoņe im bwil, etaer ren ļo̧o̧ki ippān armej ro an Anij.
4 Barāinwōt en jab kōjparok menmenbwij eo aer, ak en jab wōr ijo maron̄ in loe ioon jabdewōt ļo̧o̧k ko ak bwebwenato an kabun̄ in.
5 Āt ko etaer naaj ban loi, im jab āt ko etan ro jemāer, im jab āt ko etan ro nejier jeje ilo abok in kien an Anij, Irooj in Inelep eo ej ba.
6 Aaet, āindein aainikien elur im mera ej ba, eo ej unoojdikdik im bdeblo̧ke im wākar men ko otemjeļo̧k, im ekkā an kōm̧m̧an bwe di ko diiū ren wūdiddid ilo an kwaļo̧k e make, im ba:
7 Im enaaj waļo̧k bwe N̄a, Irooj Anij, Inaaj jilkinļo̧k juon ekajoor im maron̄, eo ej jibwe jokoņ in kajoor ilo pein, kanuknuk kōn meram n̄an libobo, eo lo̧n̄iin enaaj kōnono naan ko, naan ko ejjeļo̧k jem̧ļo̧kier; im lo̧jeen enaaj juon kōtrāāk in m̧ool, n̄an likūt ilo koņ m̧weo im̧ōn Anij, im n̄an karōke kōn wāto jolōt ko an ro rekwōjarjar ro etaer kar loi, im āt ko etan ro jemāer, im etan ro nejier, kar ļo̧o̧ki ilo bok in kien an Anij.
8 Ke ļeo, eo kar kūr jān Anij im jitōn̄e, eo ej lem̧aanļo̧k pein n̄an kajim̧we awa eo waan Anij, enaaj wōtlo̧k jān m̧ade in mej, āinwōt juon wōjke eo den̄ļo̧ke jān jurōn jarom eo ekanooj in toojlo̧k.
9 Im aolep ro rej jab lo er jeje ilo abok in keememej naaj lo ejjeļo̧k jolōt ilo raan en, ak renaaj m̧wijm̧wij ijeņ im ijeņ, im kōj ko aer naaj jitōn̄i ilubwiljin ro rej jab tōmak, ijo rej blim̧ō im n̄i ļaļļaļ ie.
10 Men kein Ij ba jaab kake Eō make; kōn menin, āinwōt Irooj ej kōnono, E naaj barāinwōt kakūrm̧ool.
11 Im er ro rej an Priesthood eo Eutiej, ro etaer rej jab jeje ilo abok in kien eo, ak ro kar lo er em̧ōj aer erom brijālbōro, ak kar cbukweļo̧k er jān kabun̄ in, im barāinwōt priesthood eo edikļo̧k, ak ro uwaan, ilo raan en renaaj ban lo juon jolōt ilubwiljin ro rekwōjarjar an eo Eutiej Tata;
12 Kōn menin, enaaj kōm̧m̧an n̄an er āinwōt n̄an ro nejin pris eo, āinwōt naaj lo an kar ļo̧o̧ke ilo jebta kein karuo im eoon ko jiljinon̄ouljuon im ruo in Ezra.