Jekjōn 72
Revelesōn letok kōn Josep Smith Rikanaan eo, ilo Kirtland, Ohio, Tijem̧ba 4, 1831. Elōn̄ elder im uwaan kabun̄ in rekar kobaļo̧k n̄an ekkatak eddo ko aer im n̄an bōk eļapļo̧k kōketak ilo katak ko an Kabun̄ in. Jekjōn in ej koba in jilu revelesōn ko kar bōki ilo ejja raan wōt. Eoon kein 1 n̄an 8 rej kwaļo̧k kūr eo an Newel K. Whitney āinwōt juon bisop. E kar kūr im kapit e, im ālikin eoon kein 9 n̄an 23 kar bōki, ko rekar letok eļapļo̧k meļeļe kōn eddo ko an juon bisop. Ālkinwōt, eoon 24 ļo̧k n̄an 26 kar litoki, na mellan naan in tōl ko kōn kukļo̧k eo n̄an Zaion.
1–8, Elder ro ren leļo̧k juon ellaajrak in tōprak in eddo ko aer n̄an bisop eo; 9–15, Bisop eo ej kōjparok im̧ōn ko̧koņ eo im lale ro rijeram̧ōl im riaikuj; 16–26, Bisop ro ren kam̧ool tōllo̧ke eo an elder ro.
1 Eo̧ron̄, im ron̄jake ainikien Irooj, O kom̧ ro rekar kobatok ippān doon, ro rej apris utiej ro an kabun̄ eo Aō, ro n̄an er baelōn̄ eo im kajoor em̧ōj liļo̧k.
2 Bwe em̧ool āindein Irooj ej ba, e mennin aikuj ilo N̄a bwe juon abisop en ijjitōn̄ n̄an kom̧, ak jān kom̧, n̄an kabun̄ in ilo m̧ōttan jab in ilo jikin kallib an Irooj.
3 Im em̧ool ilo men in kom̧ ar kōm̧m̧ane ilo mālōtlōt, bwe men in Irooj eaikuji, jān pein aribōk eddo otemjej, n̄an leļo̧k juon bellaajrak in tōprak in ceddo eo an, jim̧or ilo iien in im ilo indeeo.
4 Bwe eo ej tiljek im amālōtlōt ilo iien naaj watōke bwe e etōllo̧ke jolōt bim̧ōn irooj ko kōpooj n̄an e jān Jema.
5 Em̧ool Ij ba n̄an kom̧, elder ro an kabun̄ in ilo m̧ōttan in ilo ajikin kallib in Aō renaaj leļo̧k juon ellaajrak in tōprak in eddo ko aer n̄an bisop eo, eo naaj jitōn̄e jān Eō ilo m̧ōttan jab in ilo jikin kallib in Aō.
6 Men kein renaaj jeje ilo ļo̧o̧k, n̄an liļo̧ki n̄an bisop eo ilo Zaion.
7 Im eddo eo an abisop eo naaj kaalikkare jān kien ko me kar lewōji, im ainikien kwelo̧k eo.
8 Im kiiō, em̧ool Ij ba n̄an kom̧, rikarejera aNewel K. Whitney ej ļeo naaj jitōn̄e im kapiti n̄an kajoor in. En̄in ej ankilaan Irooj ami Anij, ami Ripinmuur. Em̧ool āindein. Amen.
9 Naan eo an Irooj, kobaļo̧k n̄an kien eo me kar lewōje, im kaalikkar eddo eo an bisop eo em̧ōj kapiti n̄an kabun̄ in ilo m̧ōttan jab in ilo jikin kallib in, eo ej lukkuun en̄in—
10 N̄an kōjparoke aim̧ōn ko̧koņ eo an Irooj; n̄an bōki jāān ko an kabun̄ in ilo m̧ōttan jab in ilo jikin kallib eo;
11 N̄an bōk juon ellaajrak an elder ro āinwōt m̧oktaļo̧k kar kōmlet; im n̄an aņa wāween kōņaan ko aer, ro renaaj kōļļā kōn men ko me rej bōki, jon̄an wōt aer maron̄ in kōļļā;
12 Bwe men in barāinwōt en maron̄ kōjenolo̧k n̄an em̧m̧an eo an kabun̄ in, n̄an ro rijeram̧ōl im riaikuj.
13 Im eo ej jab amaron̄ in kōļļā, juon ellaajrak naaj leļo̧k n̄an bisop eo an Zaion, eo enaaj kōļļāik m̧uri eo jān men eo Irooj enaaj likūt ilo pā ko pein.
14 Im jerbal ko an ro retiljek im rej jerbal ilo men ko an jetōb, ilo kōm̧akūtkūt gospel eo im men ko an aelōn̄ eo n̄an kabun̄ in, im n̄an laļ in, renaaj uwaake m̧uri eo n̄an bisop eo ilo Zaion;
15 Āindein ej diwōjtok jān kabun̄ eo, bwe ekkar n̄an akien eo armej otemjej ej wanlōn̄tak n̄an Zaion eaikuj likūt men otemjeļo̧k im̧aan bisop eo ilo Zaion.
16 Im kiiō, em̧ool Ij ba n̄an kom̧, bwe āinwōt ke elder otemjej ilo m̧ōttan jab in ilo jikin kallib in eaikuj leļo̧k juon ellaajrak in eddo eo an n̄an bisop eo ilo m̧ōttan jab in ilo jikin kallib in—
17 Juon apeba in kam̧ool jān riekajet eo ak bisop eo ilo m̧ōttan jab in ilo jikin kallib in, n̄an bisop eo ilo Zaion, ej kōm̧m̧an bwe armej otemjej erreo, im ej uwaak men otemjej, kōn juon jolōt, im n̄an bōk e āinwōt juon bribōk eddo emālōtlōt im āinwōt juon rijerbal etiljek;
18 Eļan̄n̄e jaab bisop eo an Zaion e jamin bōk e.
19 Im kiiō, em̧ool Ij ba n̄an kom̧, kōtļo̧k bwe elder otemjej eo e naaj leļo̧k juon ellaajrak n̄an bisop eo an kabun̄ in ilo m̧ōttan jab in ilo jikin kallib in ren jakem̧aantak jān jarlepju in rijar eo ak jarlepju in rijar ko, ko ej jerbal ie, bwe en maron̄ watōk emake im ellaajrak ko an rem̧m̧an ilo aolep men ko otemjeļo̧k.
20 Im bar juon alen, kōtļo̧k bwe ro rikarejera im jitōn̄ er āinwōt ribōk eddo ro ioon an̄irbōktak ko ikijjien jeje an kabun̄ eo Aō en wōr aer ilo jipan̄ eo jān bisop eo ak bisop ro ilo aolep men ko otemjeļo̧k—
21 Bwe arevelesōn ko ren maron̄ likūti ilo bok, im ilo̧k n̄an jem̧ļo̧k ko an laļ; bwe ren maron̄ barāinwōt bōk jāān ko me renaaj kōjeraam̧m̧an kabun̄ in ilo aolep men otemjeļo̧k;
22 Bwe ren barāinwōt maron̄ watōk er remālim ilo aolep men ko otemjeļo̧k, im ellaajrak āinwōt rijerbal ro remālōtlōt.
23 Im kiiō, lo, en̄in naaj juon jon̄ok n̄an aolep branch ko otemjej an kabun̄ eo Aō, ilo jabdewōt āne naaj kajutak er ie. Im kiiō Ij kōm̧m̧ane jem̧ļo̧k in ennaan kein Aō. Amen.
24 Jet wōt naan n̄an kobaikļo̧k n̄an kien ko an aelōn̄ eo, ikijjien ro uwaan kabun̄ in—er ro kar ajitōn̄ er jān Jetōb Kwōjarjar n̄an wanlōn̄ļo̧k n̄an Zaion, im er ro ej aer utiej n̄an wanlōn̄ļo̧k n̄an Zaion—
25 Kōtļo̧k bwe ren bōk lōn̄ļo̧k ippāer n̄an bisop eo juon peba in kam̧ool jān jilu elder ro an kabun̄ in, ak juon peba in kam̧ool jān bisop eo;
26 Eļan̄n̄e jaab eo enaaj wanlōn̄ļo̧k n̄an āneen Zaion jamin naaj watōk e juon ribōk eddo emālōtlōt. En̄in ej barāinwōt juon waanjon̄ok. Amen.