Jeje Ko Rekwojarjar
Katak im Bujen Ko 63


Jekjōn 63

Revelesōn letok kōn Josep Smith Rikanaan eo, ilo Kirtland, Ohio, O̧kwōj 30, 1831. Rikanaan eo, Sidney Rigdon, im Oliver Cowdery rekar tōprakļo̧k ilo Kirtland ilo O̧kwōj 27 jān loļo̧k eo aer n̄an Missouri. Bwebwenato an Josep Smith ej kōmmeļeļeiki revelesōn in: “Ilo raan in nin̄nin̄ kein an Kabun̄ in, eaar wōr juon kijooror eļap n̄an bōk naan eo an Irooj ilo mennin ekkōnono otemjej ilo jabdewōt iaļ kōn lo̧mo̧o̧r eo ad; im āinwōt ke āneen Zaion ar kiiō mennin kōttōpar eo an mour in mejeke, iaar kajjitōk jān Irooj kōn eļapļo̧k meļeļe kōn aintok eo an Ro Rekwōjarjar, im wia eo an āneo, im bar jet men.”

1–6, Raan in illu eo enaaj itok ioon ro rinana; 7–12, Kakōļļe ko rej itok jān tōmak; 13–19, Eo e ļōn̄ ilo bōro enaaj kaarmejjete tōmak eo im naaj joļo̧k ilo lom̧aļo in kijeek eo; 20, Ro retiljek renaaj bōk aer jolōt ioon laļ eo ekāāl; 21, Tarlep in men ko reļļap rekar waļo̧k ioon Toļ in Kōjakkōlkōl ej jan̄in kar kwaļo̧k e; 22–23, Ro ripokake rej bōk mennin ittino ko an aelōn̄ eo; 24–31, Jolōt ko ilo Zaion rej itōn wiaiki; 32–35, Irooj ej kean̄ kōn tariņae ko, im rinana rej m̧an rinana; 36–48, Ro Rekwōjarjar rej itōn kukļo̧k ilo Zaion im ņa wāween m̧ani ko n̄an kalōkeļo̧k; 49–54, Kōjeraam̧m̧an ko em̧ōj lukkuun kallim̧uri n̄an ro retiljek ilo Itok eo Kein Karuo, ilo Jerkakpeje eo, im ilo tōrean Meļļenium eo; 55–58, Rainin ej juon raan in kakkōl; 59–66, Etan Irooj bōke ilo pata jān ro rej kōjerbal e ilo ejjeļo̧k maron̄.

1 Eo̧ron̄, O kom̧ armej raņ, im kōpeļļo̧k būruōmi im letok lo̧jiln̄ōmi jān ettoļo̧k; im ron̄jake, kom̧ ro rej kūr er make armej ro an Irooj, im ron̄ naan eo an Irooj im Ankilaan kōn kom̧.

2 Aaet, em̧ool, Ij ba, ron̄ naan eo an Eo illu eo An ej urur ņae ro rinana im arijum̧ae;

3 Eo ankilaan em̧ool ej n̄an ro Enaaj abōk er, im oņaake ilo mour er ro Enaaj oņaake;

4 Eo ej kalōkļo̧k āinwōt Ankilaan im An kōņaan; im kajeepepļo̧k n̄e Em̧ōņōņō, im ej maron̄ joļo̧k am laļļo̧k ilo hell.

5 Lo, N̄a, Irooj, Ij kwaļo̧k ainikiō, im naaj pokake e.

6 Kōn menin, em̧ool Ij ba, rinana ren kanooj ekkōl, im ro rijum̧ae ren mijak im wūdiddid; im ro rej jab lōke ren dāpij tieer, bwe araan in illu eo enaaj itok ioer āinwōt juon ban̄juwiwi, im aolep kanniōk naaj cjeļā bwe N̄aij Anij.

7 Im eo ej kappukot kakōļļe ko enaaj lo akakōļļe ko, ak jab n̄an lo̧mo̧o̧r.

8 Em̧ool, Ij ba n̄an kom̧, ewōr ro ilubwiljimi rej kappukot kakōļļe ko, im eaar wōr armej rot in em̧ool jān jinoin;

9 Ak, lo, tōmak ej itok jab jān kakōļļe ko, ak kakōļļe ko rej ļoor ro rej lōke.

10 Aaet, kakōļļe ko rej itok jān atōmak, jab jān ankilaan armej, im jab āinwōt aer kōņaan, ak jān ankilaan Anij.

11 Aaet, kakōļļe ko rej itok jān tōmak, n̄an jerbal ko rekajoor, bwe n̄e ejjeļo̧k atōmak ejjeļo̧k armej ej kabun̄ būruōn Anij; im eo Anij ej illu ippān E ej jab bun̄ Būruōn kake; kōn menin, n̄an in Ej kwaļo̧k ejjeļo̧k kakōļļe ko, ijello̧kun ilo billu n̄an cliaakeļo̧k eo aer.

12 Kōn menin, N̄a, Irooj, Ij jab m̧ōņōņō ippān ro ilubwiljimi im rekar kappukot kakōļļe ko im kabwilōn̄lōn̄ ko n̄an tōmak, im jab n̄an em̧m̧an eo an armej n̄an Aō aiboojoj.

13 Mekarta, Ij liļo̧k kien ko, im elōn̄ rekar oktakļo̧k jān kien ko Aō im rekar jab kōjparoki.

14 Ekar wōr ilubwiljimi em̧m̧aan aļōn̄ ro im kōrā ļōn̄ ro; ro jet iaer raar oktakļo̧k jān kom̧, im ro jet rej pād wōt ippemi ro tokālik naaj kwaļo̧k er.

15 Rein ren ekkōl im ukeļo̧k m̧ōkaj, n̄e ekajet eab naaj itok ioer āinwōt juon aujiid, im bwebwe eo aer enaaj alikkar, im jerbal ko aer renaaj ļoor er ilo mejān armej raņ.

16 Im em̧ool Ij ba n̄an kom̧, āinwōt Iaar ba m̧okta, eo ej akalimjek juon kōrā im bmejkaiie ilo̧kan, ak eļan̄n̄e jabdewōt enaaj cļōn̄ ilo burueer, ej jamin bōk Jetōb eo, ak enaaj kaarmejjete tōmak eo im enaaj mijak.

17 Kōn menin, N̄a, Irooj, Iaar ba bwe ro rej amijak, im ro rej jab lōke, im bririab otemjej, im jabdewōt eo ej iakwe im ckōm̧m̧ane juon riab, im ro rijuwaļōn̄ļōn̄, im rim̧adm̧ōd eo, enaaj wōr ijo aer ilo dlom̧aļo eo ej tile kōn kijeek im brimstone, eo ej emej eo kein karuo.

18 Em̧ool Ij ba, bwe enaaj ejjeļo̧k aer ilo ajerkakpeje eo kein kajuon.

19 Im kiiō lo, N̄a, Irooj, Ij ba n̄an kom̧ bwe kom̧ij jab ajim̧we, kōnke men kein rej pād ilubwiljimi.

20 Mekarta, eo ej aniknik ilo tōmak im kōm̧m̧ane Ankilaō, ejja in wōt enaaj anjo̧, im enaaj bōk juon bjolōt ioon laļ n̄e raan in oktak ilo būkkinkwōle ilo rom enaaj itok;

21 N̄e alaļ enaaj boktak ilo būkkinkwōle ilo rom, em̧ool ekkar n̄an jon̄ok eo me kar kwaļo̧k n̄an rijjilōk ro Aō ioon ctoļ eo; eo bwebwenato eo kake ilo tarlep in kom̧ij jan̄in bōke.

22 Im kiiō, em̧ool Ij ba n̄an kom̧, bwe āinwōt Iaar ba bwe Inaaj kar kwaļo̧k Ankilaō n̄an kom̧, lo Inaaj kwaļo̧k e n̄an kom̧, jaab jān iaļan kien, bwe ekanooj lōn̄ ro rej jab lale n̄an kōjparok kien ko Aō.

23 Ak n̄an eo ej kōjparok kien ko Aō Inaaj leļo̧k mennin aittino ko an aelōn̄ eo Aō, im ejja in wōt enaaj pād ilo e juon unjān bdān in mour, eo ej ej cjebarļo̧k n̄an mour ejjeļo̧k jem̧ļo̧kin.

24 Im kiiō, lo, en̄in ej ankilaan Irooj ami Anij kōn ro rekwōjarjar An, bwe ren kukļo̧k ippān doon n̄an āneen Zaion, jab ilo kaiur, n̄e eab wōr pok, eo ej bōktok mennin kabņōņō.

25 Lo, āneen aZaion—N̄a, Irooj, Ij dāpiji e ilo pā ko Peiū make;

26 Mekarta, N̄a, Irooj, Ij leļo̧kn̄an aSizar men ko an me rej an Sizar.

27 Kōn menin, N̄a Irooj I kōņaan bwe kom̧in wiaik bwidej ko, bwe kom̧ en maron̄ em̧m̧anļo̧k tam̧m̧wemi jān laļ in, bwe kom̧ en maron̄ wōr ami ilo laļ in, bwe ren maron̄ jab kalim̧otak kom̧ n̄an illu.

28 Bwe aSetan ej likūti ilo burueer n̄an illu ņae kom̧, im n̄an kōto̧o̧rļo̧k in bōtōktōk.

29 Kōn menin, āneen Zaion naaj jamin bōk e ak jān wōt wia ak jān bōtōktōk, eļan̄n̄e jaab ejjeļo̧k jolōt n̄an kom̧.

30 Im eļan̄n̄e jān wia, lo kom̧ jeraam̧m̧an;

31 Im eļan̄n̄e jān bōtōktōk, āinwōt kom̧ emo̧ ami kōto̧o̧rļo̧k bōtōktōk, lo, rikōjdat ro ami rej pād ioomi, im renaaj kaen̄taan kom̧ jān jikin kwelo̧k n̄an jikin kwelo̧k, im jān im̧ōn jar n̄an im̧ōn jar, im jet wōt renaaj jutak n̄an bōk jolōt eo.

32 N̄a, Irooj, Ij libabne ippān ro rinana; N̄aij dāpij Jetōb eo Aō jān ro rej pād ioon laļ.

33 Iaar kanejnej ilo Aō libabne, im kean̄ kōn atariņae ko ioon mejān laļ in, im ro rinana renaaj m̧ane ro rinana, im mijak enaaj itok ioon aolep armej otemjeļo̧k;

34 Im ro arekwōjarjar barāinwōt jidik aer maron̄ jo̧o̧r; mekarta, N̄a, Irooj, Ij pād ippāer, im naaj bwanlaļtak jān ilubwiljin lan̄ jān im̧aan mejān Jema im oran̄ļo̧k ro crinana kōn dkijeek ejaje kun.

35 Im lo, men in ej jab kiiō, ak ej jab ettoļo̧k.

36 Kōn menin, kōnke N̄a, Irooj, Iaar kean̄ kōn aolep men kein otemjeļo̧k ioon mejān laļ, I kōņaan bwe ro rekwōjarjar Aō ren ainļo̧k doon ioon āneen Zaion;

37 Im bwe armej otemjej ren bōk awānōk ilo pā ko pein im tiljek ioon ipin, im kotak juon bainikien kakkōl n̄an ro rej pād ioon laļ; im kabun̄bun̄ļo̧k jim̧or jān naan im ilo m̧akūtkūt bwe clo̧urō enaaj itok ioon ro rinana.

38 Kōn menin, kōtļo̧k ro rikaļoora ilo Kirtland bwe ren karōk mennin inepata ko aer ilo kanniōk, ro rej jokwe ioon jikin kallib in.

39 Kōtļo̧k rikarejera Taitōs Billings, eo ej kōjparok e, bwe en wiakake bwidej eo, bwe en maron̄ pojak ilo jinoin rak in ej itok n̄an bōk ito-itak eo an lōn̄ļo̧k n̄an āneen Zaion, ippān ro rej jokwe ioon mejān ijin, ijello̧kun wōt ro Inaaj jabwikier n̄an Eō make, ro rej jamin etal m̧ae Aō naaj jiron̄ er.

40 Im kōtļo̧k m̧ani ko me remaron̄ jab aikuji, ej jab aorōk n̄an Eō n̄e edik ak eļap, en jilkinlōn̄ļo̧k n̄an āneen Zaion, n̄an ro Iaar jitōn̄ er n̄an bōke.

41 Lo, N̄a, Irooj, Inaaj leļo̧k n̄an rikarejera Josep Smith, Jun., kajoor bwe en kab maron̄ akile jān Jetōb ro im renaaj wanlōn̄ļo̧k n̄an āneen Zaion, im ro ian ro rikaļoora renaaj pād ijin.

42 Kōtļo̧k rikarejera Newel K. Whitney bwe en bōk wōt im̧ōn wia eo an, ak ilo bar jet naan, im̧ōn wia eo, n̄an jidik wōt tōrean.

43 Mekarta, kōtļo̧k bwe e en liļo̧k aolep m̧ani ko emaron̄ liļo̧k, n̄an jilkinlōn̄ļo̧k n̄an āneen Zaion.

44 Lo, men kein rej pād ilo pein make, kōtļo̧k bwe e en kōm̧m̧an ekkar n̄an mālōtlōt.

45 Em̧ool Ij ba, kōtļo̧k bwe e en ekkapit āinwōt juon ripinej jenkwan rikaļoor ro renaaj pād wōt ijin, im kōtļo̧k bwe e en ekkapit n̄an kajoor in;

46 Im kiiō m̧ōkaj im loļo̧k jarlepju in rijar ko, tipdiki men kein n̄an er, ippān rikarejera Oliver Cowdery. Lo, en̄in ej Ankilaō, bōki m̧ani ko em̧ool āinwōt Iaar tōl.

47 E eo ej atiljek im niknik enaaj anjo̧ ioon laļ.

48 E eo ej jilkinlōn̄ļo̧k mennin aorōk ko n̄an āneen Zaion enaaj bōk juon ajolōt ilo laļ in, im jerbal ko an renaaj ļoore e, im barāinwōt juon jinōkjej ilo laļ eo ej itok.

49 Aaet, im em̧ōņōņō ro rimej im aremej ilo Irooj, jān iien in m̧aanļo̧k, n̄e Irooj enaaj itok, im men ko rem̧or renaaj bjako, im aolep men otemjej rej erom kāāl, renaaj cjerkak jān ro remej im naaj djamin mej ālikin, im naaj bōk juon jolōt im̧aan Irooj ilo jikin kwelo̧k ekwōjarjar.

50 Im e eo emour n̄e Irooj ej itok, im eaar dāpij tōmak eo, e aem̧ōņōņō; mekarta, em̧ōj jitōn̄ n̄an e bwe en bmej ilo dettan ko an armej.

51 Kōn menin, ajri arenaaj brūttoļo̧k m̧ae aer erom bwijwoļā; armej ro rebwijwoļā renaaj mej; ak rej jamin kiki ilo būn̄al, ak renaaj coktak ilo būkkinkwōle ilo rom.

52 Kōn menin, kōn un in kar kwaļo̧k naan jān rijjilōk ro n̄an laļ in kōn jerkakpeje an ro remej.

53 Men kein rej men ko kom̧ij aikuj pukpukoti; im, ilo ekkōnono āinwōt wāween ekkōnono an Irooj, rej kiiō aepaak tok, im ilo juon iien ej itok, em̧ool ilo raan in itok eo an Nejin Armej.

54 Im m̧ae awa en enaaj wōr avirgin ro rebwebwe ilubwiljin ro remālōtlōt; im ilo awa en ej itok likieo in ajej eo an ro rewānōk im ro renana; im ilo raan en Inaaj jilkintok enjeļ ro Aō n̄an bkōmōjļo̧k ro renana im joļo̧k er ilo kijeek eban kun.

55 Im kiiō lo, em̧ool Ij ba n̄an kom̧, N̄a, Irooj, Ij jab m̧ōņōņō ippān rikarejera aSidney Rigdon; eaar bkautiej e make ilo būruōn, im kar jab bōk naan in kapilōk, ak eaar kainepataik Jetōb;

56 Kōn menin ajeje eo an ej jab em̧m̧an n̄an Irooj, im e enaaj kōm̧m̧ane bar juon; im eļan̄n̄e Irooj ej jab bōk e, lo eban jutakļo̧k wōt ilo opij eo me Iaar jitōn̄e n̄an e.

57 Im bar juon alen, em̧ool Ij ba n̄an kom̧, aro rekōņaan ilo burueer, ilo ettā, n̄an bkakkōl rijero̧wiwi ro n̄an ukeļo̧k, kōtļo̧k bwe ren ekkapit n̄an kajoor in.

58 Bwe en̄in ej juon raan in kakkōl, im ej jab juon raan in elōn̄ naan ko. Bwe N̄a, Irooj, en ejjeļo̧k kajjirere kake Eō ilo raan ko āliktata.

59 Lo, Ij jān ijo ilan̄, im Aō kajoor epād ilaļ. Ij pād ioon aolep, im ilo aolep, im etōļon̄ aolep, im aetale men otemjeļo̧k, im raan eo ej itok n̄e men otemjeļo̧k renaaj pād ium̧win Peiū.

60 Lo, N̄aij aAlpa im Omega, em̧ool Jisōs Kraist.

61 Kōn menin, aolep armej ren ekkōl kōn wāween aer bōk aEta ilo tie ko tieer—

62 Bwe lo, em̧ool Ij ba, bwe elōn̄ ro rej pād ium̧win liaakeļo̧k in, ro rej kōjerbale etan Irooj, im kōjerbal e ilo waan, kōnke ejjeļo̧k aer maron̄.

63 Kōn menin, kabun̄ eo en ukeļo̧k jān jero̧wiwi ko aer, im N̄a, Irooj, Inaaj bōk er Aō; n̄e jaab naaj bukweļo̧k er.

64 Keememej bwe men eo ej itok jān lan̄ aekwōjarjar, im aikuj in bekkōnono kake ilo kōjparok, im jān kipel an Jetōb; im ilo men in ejjeļo̧k liaakeļo̧k, im kom̧ij bōk Jetōb eo ckōn jar; kōn menin, n̄e ejjeļo̧k men in ej pād wōt liaakeļo̧k.

65 Kōtļo̧k ro karejera, Josep Smith, Jun., im Sidney Rigdon, bwe ren pukot juon im̧weer, āinwōt katakin er kōn ajar jān Jetōb.

66 Men kein rej pād wōt n̄an anjo̧ ioon kōn kōmmaanwa, bwe rein ren maron̄ bōk e juon aaiboojoj beļapļo̧k im ejjeļo̧k jem̧ļo̧kin, n̄e jaab, juon liaakeļo̧k eļapļo̧k. Amen.