Jeje Ko Rekwojarjar
Katak im Bujen Ko 59


Jekjōn 59

Revelesōn letok kōn Josep Smith Rikanaan eo, ilo Zaion, Jackson Kounty, Missouri, O̧kwōj 7, 1831. M̧oktaļo̧k jān revelesōn in, bwidej eo kar ajeļo̧k, āinwōt Irooj ekar jiron̄, im jikin eo n̄an tampeļ eo kar aje. Ilo raan eo kar bōk revelesōn in, Polly Knight, lio pāleen Josep Knight Sr., eaar mej, eo uwaan Kabun̄ in m̧oktata ekar mej ilo Zaion. Ro uwaan Kabun̄ in im̧aanļo̧k rekar watōke revelesōn in āinwōt juon eo ej “tōl Ro Rekwōjarjar ekōjkan kōjparok Jabōt im ekōjkan jitlo̧k im jar.”

1–4, Ro Rekwōjarjar retiljek ilo Zaion naaj kōjeraam̧m̧an er; 5–8, Rej aikuj iakwe im jerbal n̄an Irooj im kōjparok kien ko An; 9–19, Jān kōjparoke raņ eo ekwōjarjar an Irooj, ro Rekwōjarjar naaj kōjeraam̧m̧an er ilo kanniōk im jetōb; 20–24, Ro rejim̧we em̧ōj kallim̧uri er aenōm̧m̧an ilo laļ in im mour indeeo ilo laļ eo ej itok.

1 Lo, em̧ōņōņō, Irooj ej ba, ro rekar wanlōn̄tak n̄an āniin kōn amāj ej jab irļo̧k jān aiboojoj eo Aō, ekkar n̄an kien ko Aō.

2 Bwe ro remour renaaj ajolōt laļ, im ro bremej renaaj kakkije jān aolep jerbal ko aer, im jerbal ko aer renaaj ļoore er; im renaaj bōk aer ckūrawūn ilo dm̧ōko im̧ōn Jema, ko em̧ōj Aō kōpooj n̄aj er.

3 Aaet, em̧ōņōņō ro neer rej jutak ioon āneen Zaion, ro rekar pokake gospel eo Aō, ak renaaj bōk n̄an wōņāer men ko rem̧m̧an an laļ in, im e naaj le kōn akajoor eo an.

4 Im renaaj barāinwōt kōpālpel er kōn kōjeraam̧m̧an ko jān lan̄, aaet, im kōn kien ko rej jab jet wōt, im kōn arevelesōn ko ilo iien ko aer—er ro rej btiljek im cniknik Im̧aō.

5 Kōn menin, Ij leļo̧k n̄an er juon kien, im ba āindein: Kwōn aiakwe Irooj am Anij kōn aolepān bbūruōm̧, kōn aolepān am maron̄, ļōmņak, im kajoor; im ilo etan Jisōs Kraist kwōn cjerbal n̄an E.

6 Kwōn iakwe ariturum̧ āinwōt kwe. Kwōn jab bko̧o̧t; barāinwōt kwōn jab clōn̄, ak duror, ak kōm̧m̧an jabdewōt men āinwōt e.

7 Kwōn akam̧m̧oolol Irooj am Anij ilo men otemjeļo̧k.

8 Kwōn katok juon akatok n̄an Irooj am Anij ilo bjejjet, em̧ool eo ej bōro eo erub im jetōb eo cettā.

9 Im bwe kwōn maron̄ kanooj kōjparok eok ajān libbijinjin jān laļ, kwōn ilo̧k n̄an im̧ōn jar eo im ajiļo̧k aolep kwojkwoj ko am ilo braan eo ekwōjarjar Aō.

10 Bwe em̧ool raan eo in jitōn̄ n̄an kwe n̄an kakkije jān jerbal ko am, im aliļo̧k nebar ko am n̄an eo Eo Eutiejtata.

11 Mekarta kanejnej ko am naaj ajiļo̧k ilo jejjet ilo aolep raan im ilo iien otemjej;

12 Ak keememej bwe ilo men in, raan eo an Irooj, kwōn ajiļo̧k ajoortak ko am im kwojkwoj ko am n̄an Eo Eutiejtata, bkwaļo̧ki jero̧wiwi ko am n̄an ro jeiūm̧ im jatūm, im im̧aan Irooj.

13 Im ilo raan in kwōn jab kōm̧m̧ane bar juon men, ak kwōn wōt kōpooj kijōm m̧ōn̄ā kōn juon wōt bōro bwe am ajitlo̧k en maron̄ weeppān, ak, ilo bar juon wāween ba, bwe am blan̄lōn̄ en kanooj iio.

14 Em̧ool, en̄in ej jitlo̧k im jar, ak ilo bar juon wāween ba, lan̄lōn̄ im jar.

15 Im toun wōt am kōm̧m̧ani men kein kōn akam̧m̧oolol, kōn bbōro ko im paotok ko crem̧ōņōņō, jab ilo eļap dleea, bwe men in ej jero̧wiwi, ak kōn bōro eo elem̧ōņōņō im paotok ko rem̧ōņōņō—

16 Em̧ool Ij ba, bwe toun wōt am kōm̧m̧an āinwōt in, dipiio in jeban an laļ ej am, kidu ko reawiia in meļaaj im bao ko imejatoto, im men eo ej tallōn̄ ioon wōjke ko im etetal ioon laļ;

17 Aaet, im mar ko, im men ko rem̧m̧an rej itok jān laļ, jekdo̧o̧n n̄e n̄an m̧ōn̄ā ak n̄an balle, ak n̄an m̧ōko, ak n̄an im̧ōn kijen kidu ko, ak n̄an jikin kallib leen wōjke ko, ak n̄an atake ko, ak n̄an jikin kallib grep ko;

18 Aaet, men otemjeļo̧k rej itok jān alaļ, ilo tōre ko aer, rekar kōm̧m̧an n̄an em̧m̧an im kōjerbal an armej, jim̧or n̄an kam̧ōņōņō māj im kalan̄lōn̄ bōro.

19 Aaet, n̄an m̧ōn̄ā im n̄an balle, n̄an nemake im n̄an āton̄e, n̄an kōkajoorļo̧k ānbwin im n̄an kōmour jetōb.

20 Im ej kam̧ōņōņō Anij bwe E ar litok aolep men kein n̄an armej; n̄an jem̧ļo̧k in kar kōm̧anm̧ani n̄an kōjerbali, kōn ekajet, jaab n̄an kanooj tōr, ak ilo kwoadon̄.

21 Im ilo ejjeļo̧k men armej ej akainepataik Anij, ak ņae ejjeļo̧k An illu ej urur, ijello̧kun wōt ro rej jab bkile Pein ilo men ko otemjeļo̧k, im jab pokake kein ko An.

22 Lo, men in ej ekkar n̄an kien eo im rikanaan ro; kōn menin, jab bar kainepataik Eō kōn menin.

23 Ak kom̧in jeļā bwe eo ej kōm̧m̧ani jerbal ko in ajim̧we enaaj bōk bwōņāān, em̧ool caenōm̧m̧an ilo laļ in, im dmour indeeo ilo laļ eo ej itok.

24 N̄a, Irooj, I ar ba men in, im Jetōb ej kam̧ool e. Amen.