Jeje Ko Rekwojarjar
Katak im Bujen Ko 57


Jekjōn 57

Revelesōn letok kōn Josep Smith Rikanaan eo, ilo Zaion, Jackson Kounty, Missouri, Juļae 20, 1831. Ilo pokake wōt naan in jiron̄ eo an Irooj n̄an ito-itak n̄an Missouri, ijo E naaj kar kwaļo̧k “āneen jolet eo ami” (jekjōn 52), elder ro rekar ito-itak jān Ohio n̄an turilikin Missouri. Josep Smith ekar kolmenļo̧kijen kōn ļam̧ļam̧ eo riLeman ro rekar pād ie im eaar ļōm̧ņak: “N̄āāt naaj āne jem̧aden enaaj ebbōl āinwōt juon rose? N̄āāt kalōk Zaion ilo aiboojoj eo an, im ia eo tampeļ eo Am̧ enaaj jutak ie, eo n̄an e aolep laļ renaaj itok ilo raan kein āliktata?” Tokālik eaar bōk revelesōn in.

1–3, Independence, Missouri, ej jikin eo n̄an Jikin Kwelo̧k in Zaion im tampeļ eo; 4–7, Ro Rekwōjarjar rej itōn wiaik bwidej ko im bōk jolōt ko ilo ijin; 8–16, Sidney Gilbert ej itōn kajutak juon im̧ōn wia, William W. Phelps ej itōn juon printer, im Oliver Cowdery ej itōn kōpooj bok ko jei n̄an likūti ilo jekjek in bok.

1 Eo̧ron̄, O kom̧ elder ro an kabun̄ eo Aō, Irooj ami Anij ej ba, ro rekar aintok kom̧ ippān doon, ekkar n̄an kien ko Aō, ilo āniin, eo ej āneen aMissouri, eo ej bāneo Iaar jitōn̄e im ckōjenolo̧k n̄an daintok ro rekwōjarjar.

2 Kōn menin, en̄in ej āneen kallim̧ur eo, im ajikin eo n̄an jikin kwelo̧k in bZaion.

3 Im āindein Irooj ami Anij ej ba, eļan̄n̄e kom̧ naaj bōk mālōtlōt en̄in ej mālōtlōt. Lo, jikin eo me kiiō kūri Independence ej jikin eo ioļapļap; im ijo jikin atampeļ eo ej babu iturilikļo̧k, ioon juon wāto eo me ej jab ettoļo̧k jān im̧ōn ekajet eo.

4 Kōn menin, e mālōtlōt bwe bwidej eo ro rekwōjarjar ren awiaiki, im barāinwōt aolep wāto ko rej pād iturilikļo̧k, em̧ool n̄an lain eo ej ettōr ikōtaan briJu im riAelōn̄ ko;

5 Im barāinwōt wāto otemjej itōrereinļo̧k meļaaj ko in wūjooj, toun wōt an ro rikaļoora maron̄ awiaik bwidej ko. Lo, men in ej mālōtlōt, bwe ren maron̄ bbōk e n̄an jolōt ejjeļo̧k jem̧ļo̧kin.

6 Im kōtļo̧k rikarejera Sidney Gilbert bwe en jutak ilo opij eo me Iaar jitōn̄e n̄an e, n̄an bōk m̧ani ko, n̄an juon aripinej jenkwan kabun̄ in, n̄an wiaiki bwidej ko ilo aolepān ijoko ipeļaakin ijo, toun an maron̄ kōm̧m̧ane ilo jim̧we, im āinwōt mālōtlōt naaj tōl.

7 Im kōtļo̧k rikarejera aEdward Partridge bwe en jutak ilo opij eo me Iaar jitōn̄e n̄an e, im bajej n̄an ro rekwōjarjar jolōt ko aer, em̧ool āinwōt Iaar jiron̄; im barāinwōt ro im eaar jitōn̄ n̄an jipan̄ e.

8 Im bar juon alen, em̧ool Ij ba eok, kōtļo̧k rikarejera Sidney Gilbert bwe en katōk e make ilo jikin in, im kajutak juon im̧ōn wia, bwe en maron̄ wiakake m̧weiuk ko ilo ejjeļo̧k ko̧o̧t, bwe en maron̄ bōk m̧ani n̄an wiaik bwidej ko n̄an em̧m̧anļo̧k eo an ro rekwōjarjar, im bwe en maron̄ bōk men ko otemjeļo̧k ro rikaļoora remaron̄ aikuji n̄an katōk er ilo jolōt eo aer.

9 Im barāinwōt kōtļo̧k rikarejera Sidney Gilbert bwe en bōk juon peba in mālim—lo en̄in ej mālōtlōt, im jabdewōt eo ej kōnono ie e en meļeļe—bwe e emaron̄ jilkinļo̧k m̧weiuk ko barāinwōt n̄an armej raņ, em̧ool ippān eo ekōņaan āinwōt rijeje ro ej kōjerbale ilo jerbal eo an;

10 Im āindein kakke aikuj ko n̄an ro rekwōjarjar, bwe gospel eo Aō en maron̄ kwaļo̧k e n̄an ro rej jijet ilo amarok jilōn̄lōn̄ im ilo ijekein im baelellor in mej.

11 Im bar juon alen, em̧ool Ij ba n̄an kom̧, kōtļo̧k rikarejera aWilliam W. Phelps bwe en tokļo̧k iāne ilo jikin in, im jutak āinwōt juon bprinter n̄an kabun̄ in.

12 Im lo, eļan̄n̄e laļ ej bōk jeje ko an—lo en̄in ej mālōtlōt—e en bōk jabdewōt emaron̄ bōk e ilo jim̧we, n̄an em̧m̧an eo an ro rekwōjarjar.

13 Im kōtļo̧k rikarejera aOliver Cowdery bwe en jipan̄ e, em̧ool āinwōt Iaar jiron̄ kom̧, ilo jabdewōt jikin Inaaj jitōn̄e n̄an e, n̄an copy, im n̄an kajim̧we, im kāālet, bwe men otemjeļo̧k ren maron̄ jim̧we Im̧aō, āinwōt naaj kam̧ool e jān Jetōb eo kōn e.

14 Im āindein kōtļo̧k bwe ro im Iaar kōnono kake er ren tokļo̧k iāne ilo āneen Zaion, ilo wōt iien eo em̧ōkajtata, ippān baam̧le ko aer, n̄an kōm̧m̧ani men ko em̧ool āinwōt Iaar kōnono.

15 Im kiiō kōn ae eo—Kōtļo̧k bwe Bisop eo im riņa ainikien eo ren kōm̧m̧ani m̧aanjāppopo ko n̄an baam̧le ko me em̧ōj kar jiron̄ er n̄an itok n̄an āniin, kiiō kiiō wōt, im katōt er ilo jolōt ko aer.

16 Im n̄an bwe in jim̧or elder ro im ro uwaan eļapļo̧k naan in tōl naaj letok tok ālik ijin. Em̧ool āindein. Amen.