Jekjōn 56
Revelesōn letok kōn Josep Smith Rikanaan eo, ilo Kirtland, Ohio, Juun 15, 1831. Revelesōn in ej kouweik Ezra Thayre kōn an kar jab pokake juon revelesōn m̧oktaļo̧k (“kien” eo ej ekōnono kake ilo eon 8), eo me Josep Smith ekar bōk kōn e, ej jiron̄ Thayre kōn eddo ko an ioon jikin kallip eo an Frederick G. Williams, ijo im ekar jokwe ie. Revelesōn in ilaļ ej barāinwōt kabōjrak kūr eo an Thayre n̄an etal ilo ito-itak eo n̄an Missouri ippān Tomas B. Marsh (lale jekjōn 52:22).
1–2, Ro Rekwōjarjar rej aikuj ineek debwāāl eo aer make im ļoore Irooj n̄an aer bōk lo̧mo̧o̧r; 3–13, Irooj ej jiron̄ im m̧anļo̧k, im ro rej jab pokake rej kadiwōjļo̧k er; 14–17, Wo n̄an ro rim̧weiie im reban jipan̄ ro rejeram̧ōl, im wo n̄an ro rejeram̧ōl im burueer rej jab rup; 18–20, Em̧ōņōņō ro rejeram̧ōl im erreo burueer, bwe renaaj jolōte laļ.
1 Eo̧ron̄, O kom̧ armej ro rej akwaļo̧k Eta, Irooj ami Anij ej ba; bwe lo, Aō illu ej urur ņae rijum̧ae, im renaaj jeļā Peiū im Aō libabne, ilo raan in bloļo̧k eo im in illu ioon aolep laļ ko.
2 Im e eo eban kotak adebwāāl eo an im bļoor Eō, im kōjparok kien ko Aō, ejja in wōt ej jamin bōk lo̧mo̧o̧r.
3 Lo, N̄a, Irooj, ij kakien; im e eo ej jamin apokake naaj bm̧wijitļo̧k ilo iien eo ekkar n̄an iien ko Aō make, ālikin Aō kar kakien im kien eo ej rup.
4 Kōn menin N̄a, Irooj, ij jiron̄ im akajejtokjān, āinwōt an em̧m̧an n̄an Eō; im aolep men in naaj uwaake ioon bōran ro brijum̧ae, Irooj ej ba.
5 Kōn menin, Ij m̧anļo̧k kien eo kar leļo̧k n̄an ro rikarejera aTomas B. Marsh im Ezra Thayre, im leļo̧k juon kien ekāāl n̄an rikarejera Tomas, bwe enaaj bōk ito-itak eo an m̧ōkaj n̄an āneen Missouri, im rikarejera Selah J. Griffin enaaj barāinwōt etal ippān ļo̧k.
6 Bwe lo, Ij m̧anļo̧k kien eo kar leļo̧k n̄an rikarejera Selah J. Griffin im Newel Knight, waļo̧k in wōt kijn̄en̄e kōnwaan eo an armej ro Aō ro rej pād ilo Thompson, im aer jum̧ae.
7 Kōn menin, kōtļo̧k rikarejera Newel Knight bwe en pād wōt ippāer; im jon̄an wōt enaaj etal emaron̄ etal, ro rej ettā Im̧aō, im en tōl er ļo̧k n̄an āneo I ar jitōn̄e.
8 Im bar juon alen, em̧ool Ij ba n̄an kom̧, bwe rikarejera Ezra Thayre eaikuj ukeļo̧k jān an ajuwa, im jān an kūbboņ, im pokake kien eo m̧okta eo Iaar leļo̧k n̄an e kōn jikin eo ej jokwe ioon.
9 Im eļan̄n̄e enaaj kōm̧m̧ane men in, āinwōt enaaj ejjeļo̧k ajej ko kōm̧m̧ani ioon āneo, naaj jitōn̄e wōt bwe en etal n̄an āneen Missouri;
10 Eļan̄n̄e jaab enaaj bōk m̧ani ko eaar kōļļā, im naaj etal jān jikin eo, im naaj abukweļo̧k e jān kabun̄ eo Aō, Irooj Anij in inelep eo ej ba;
11 Im men̄e lan̄ im laļ renaaj jako, naan kein rej jamin ajako, ak renaaj kūrm̧ool.
12 Im eļan̄n̄e rikarejera Josep Smith, Jun., eaikuj kōļļā m̧ani, lo, N̄a, Irooj, Inaaj bar kōļļāiki n̄an e ilo āneen Missouri, bwe ro im enaaj bōk jān er ren maron̄ bar kajinōkjej er ekkar n̄an men eo rej kōm̧m̧ane;
13 Bwe ekkar n̄an men eo rej kōm̧m̧ane renaaj bōk, em̧ool ilo bwidej ko n̄an aer jolōt.
14 Lo, āindein Irooj ej ba n̄an armej ro Aō—kom̧ elōn̄ men ko kom̧ij aikuj kōm̧m̧ani im ukeļo̧k jāni; bwe lo, jero̧wiwi ko ami em̧ōj aer wanlōn̄tak n̄an Ippa, im rej jan̄in jako, kōnke kom̧ij kappukot akapilōk ilo iaļ ko ami make.
15 Im būruōmi rej jab po. Im kom̧ij jab pokake m̧ool eo, ak am̧ōņōņō ilo jab wānōk.
16 Wo n̄an kom̧ ro arim̧weiie, im rej jamin bleļo̧k men ko m̧weiier n̄an ro crejeram̧ōl, bwe m̧weiuk ko dm̧weiiemi renaaj kakōt jetōb ko ami; im men in enaaj liaajlo̧ļ eo ami ilo raan in loļo̧k eo, im raan in ekajet, im raan in libabne: eM̧adm̧ōd eo emoot ļo̧k, rak ejem̧ļo̧k, im aō ej jab bōk lo̧mo̧o̧r!
17 Wo n̄an kom̧ ro arejeram̧ōl, ro burueer rej jab rup, ro jetōb ko aer rej jab ettā, im ro lo̧jeer rej jan̄in maat, im ro peier rej jab pād jān abijitok men ko m̧weiien ro jet, ro mājeer reobrak kōn barōk, im ro reban jerbal kōn peimi make!
18 Ak em̧ōņōņō ro arejeram̧ōl im rej erro ilo burueer, ro burueer rej brup, im ro jetōb ko aer rettā, bwe renaaj lo caelōn̄ in Anij ej itok ilo kajoor im aiboojoj eļap n̄an lo̧mo̧o̧r eo aer; bwe matōk in dlaļ enaaj aer.
19 Bwe lo, Irooj enaaj itok, im An ajinōkjej enaaj pād Ippān, im Enaaj ņa wōņāān armej otemjej, im rijeram̧ōl renaaj m̧ōņōņō;
20 Im epepen ko aer renaaj ajolōte laļ jān epepen n̄an epepen, indeeo im indeeo. Im kiiō Ij kōm̧m̧ane jem̧ļo̧k in ekkōnono n̄an kom̧. Em̧ool āindein. Amen.