Jekjōn 54
Revelesōn letok kōn Josep Smith Rikanaan eo n̄an Newel Knight, ilo Kirtland, Ohio, Juun 10, 1831. Ro uwaan Kabun̄ in im rekar jokwe ilo Thompson, Ohio, rekar ajej kōn kajjitōk ko kōn wūjlepļo̧k in men ko m̧weieer. Kūbboņ im arōk rekar jarjar. Ālikin an mijen n̄an riShaker ro (lale kōmmeļeļe ko ijōbbōran jekjōn 49), Leman Copley ekar m̧ōj an rupe bujen eo an n̄an wūjlepļo̧k jikin kallib eo an eļap āinwōt juon jikin jolōt n̄an Ro Rekwōjarjar rej tōpraktok jān Colesville, New York. Jān wōt men in, Newel Knight (ritōl eo an ro uwaan rekar jokwe ilo Thompson) im bar jet elder ro rekar itok n̄an Rikanaan eo im kajjitōk wāween wōnm̧aanļo̧k. Rikanaan eo eaar kajjitōk ippān Irooj im kar bōk e revelesōn in, eo ej jiron̄ ro uwaan ilo Thompson n̄an likūt jikin kallib eo an Leman Copley im ito-itak n̄an Missouri.
1–6, Ro Rekwōjarjar reaikuj kōjparok bujen an gospel eo n̄an bōk tūriam̧okake; 7–10, Reaikuj kijenmej ilo en̄taan.
1 Lo, āindein Irooj ej ba, em̧ool aAlpa im Omega, eo jinoin im jem̧ļo̧kin, em̧ool E eo kar bdebwāāle kōn jero̧wiwi ko an laļ—
2 Lo, em̧ool, em̧ool, Ij ba n̄an eok, rikarejera Newel Knight, kwōnaaj jutak pen ilo opij eo ijo em̧ōj kar Aō jitōn̄ n̄an eok.
3 Im eļan̄n̄e ro jeiūm̧ im jatūm rekōņaan jo̧o̧r jān rikōjdat ro aer, ren ukeļo̧k jān aolep jero̧wiwi ko aer, im kanooj m̧ool in aettā Im̧aō im rup burueer.
4 Im āinwōt ke abujen eo me rekar kōm̧m̧ane n̄an Eo em̧ōj an rup, em̧ool āindein em̧ōj an bjej tokjān im ejjeļo̧k an̄in.
5 Im wo n̄an eo im jān e arup in ej itok, bwe en kar em̧m̧anļo̧k n̄an e n̄e e en kar maļon̄ ilo m̧wilaļ ko in lo̧meto.
6 Ak em̧ōņōņō ro rekar kōjparok bujen eo im ļoore kien eo, bwe renaaj bōk atūriam̧okake.
7 Kōn menin, kom̧in etal kiiō im ko jān āniin, n̄e rikōjdat ro ami raab itok ioomi; im bōk ito-itak eo ami, im jitōn̄ eo kom̧ kōņaan bwe en ami ritōl, im n̄an kōļļā m̧ani ko kōn kom̧.
8 Im āindein kom̧ naaj bōk ito-itak eo ami ļo̧k ilo ijoko irilik, n̄an āneen aMissouri, n̄an tōrerein ko an riLeman ro.
9 Im ālikin ami kadedeļo̧k ito-itak eo ami, lo, Ij ba n̄an kom̧, kom̧in kappukot ajerbal ko āinwōt armej raņ, m̧ae Aō kōpooje juon jikin n̄an kom̧.
10 Im bar juon alen, kom̧in akijenmej ilo en̄taan m̧ae iien Aō bitok; im, lo, em̧ōkaj Aō itok, im wōņāān eo jān N̄a ej pād Ippa, im ro rekar ckappukot Eō im̧aan renaaj lo dkakkije n̄an jetōb ko aer. Em̧ool āindein. Amen.