Jekjōn 50
Revelesōn letok kōn Josep Smith Rikanaan eo, ilo Kirtland, Ohio, Māe 9, 1831. Bwebwenato an Josep Smith ej kwaļo̧k bwe jet ian elder ro rekar jab meļeļe bōnjān ko an jetōb ko jān doon ilo laļ in im bwe revelesōn in kar letok ilo uwaak n̄an kajjitōk eo an kōn menin. Men ko jet rej ba m̧akūtkūt an jetōb rekar jab jet ko ejeja loi ilubwiljin ro uwaan kabun̄, jet iaer rekar ba ke rej ebbōk visōn ko im revelesōn ko.
1–5, Elōn̄ jetōb ko rej jab m̧ool rej ajeeded ilo laļ in; 6–9, Wo n̄an ro rietao im ro rej bukweļo̧k er jān Kabun̄ in; 10–14, Elder ro ren kwaļo̧k naan kōn gospel eo kōn Jetōb; 15–22, Jim̧or rikwaļo̧k ro im riron̄jake ro aikuj kōmeramļo̧k er jān Jetōb; 23–25, Men eo me ej jab kōketak ej jab jān Anij; 26–28, Ro retiljek rej ribōke men ko otemjeļo̧k; 29–36, Jar ko an ro rerreo rej uwaak; 37–46, Kraist ej Seperd eo Em̧m̧an im Ejm̧aan an Israel.
1 Eo̧ron̄, O kom̧ elder ro an kabun̄ eo Aō, im letok lo̧jiln̄ōmi n̄an ainikien Anij emour; im kanooj ron̄jake naan ko in mālōtlōt ko naaj liwōji n̄an kom̧, ekkar n̄an āinwōt kōnke kom̧ ar kajjitōk e jān Eō im kom̧ij errā kōn kabun̄ in, im jetōb ko me em̧ōj aer ajeeded ilo laļ in.
2 Lo, em̧ool Ij ba n̄an kom̧, bwe ekanooj lōn̄ jetōb ko me rej ajetōb ko rejjab m̧ool, ko em̧ōj aer ajeeded ilo laļ in, im m̧oņe laļ in.
3 Im barāinwōt aSetan eaar kappukot n̄an m̧oņe kom̧, bwe en maron̄ anjo̧ jān kom̧.
4 Lo, N̄a, Irooj, Iaar kalimjek kom̧, im kar lo mennin jōjō ko ilo kabun̄ in ej akōmmejājeiki Eta.
5 Ak em̧ōņōņō ro rej tiljek im aniknik, men̄e ilo mour ak ilo mej, bwe renaaj jolōte mour indeeo.
6 Ak wo n̄an er ro rej arim̧oņ im rietao, bwe, āindein Irooj ej ba, Inaaj bōktok er n̄an ekajet.
7 Lo, em̧ool Ij ba n̄an kom̧, ewōr arietao ilubwiljimi, ro em̧ōj aer m̧oņe jet, ro rekar leļo̧k bkajoor n̄an crijum̧ae eo; ak lo drein naaj bar kōro̧o̧ltok er;
8 Ak rietao ro naaj kōjedmatmat er im naaj abukweļo̧k er, men̄e ilo mour ak ilo mej, em̧ool āinwōt Ankilaō; im wo n̄an er ro rej bukweļo̧k er jān kabun̄ eo Aō, bwe ejja rein wōt laļ in ej anjo̧ jān er.
9 Kōn menin, armej otemjeļo̧k ren ekkōl n̄e eab kōm̧m̧ane men eo ej jab ilo m̧ool im ilo jim̧we Im̧aō.
10 Im kiiō itok, Irooj ej ba, jān Jetōb, n̄an elder ro an kabun̄ eo An, im kōtļo̧k jen apepe ippān doon, bwe kom̧in maron̄ meļeļe;
11 Kōtļo̧k jen pepe em̧ool āinwōt juon armej ej pepe ippān bar juon jelm̧ae doon.
12 Kiiō, n̄e juon armej ej pepe e ej meļeļe jān armej, kōnke ej pepe āinwōt juon armej; em̧ool āindein I naaj, Irooj, pepe ippemi bwe kom̧in maron̄ ameļeļe.
13 Kōn menin, N̄a Irooj ij kajjitōk ippemi kajjitōk in—n̄an ta kom̧ ar aekkapit?
14 N̄an kwaļo̧k naan kōn gospel eo Aō jān aJetōb, em̧ool bRikaenōm̧m̧an eo kar jilkinļo̧k n̄an katakin m̧ool eo.
15 Innām kom̧ ar bōk ajetōb ko me kom̧ ar jab meļeļe, im bōki bwe ren jān Anij; im ilo men kom̧ij ke wānōk?
16 Lo kom̧ naaj uwaake kajjitōk in ippemi make; mekarta, Inaaj tūriam̧o kake kom̧; e eo ej m̧ōjņo̧ ilubwiljimi tokālik naaj kōm̧m̧an bwe en akajoor.
17 Em̧ool Ij ba n̄an kom̧, e eo ekkapit jān Eō im kar jilkinļo̧k n̄an akwaļo̧k naan in m̧ool eo jān Rikaenōm̧m̧an, ilo Jetōb in m̧ool eo, e ej ke kwaļo̧k naan eo jān bJetōb in m̧ool eo ak bar jet iaļ?
18 Im eļan̄n̄e ej jān bar jet iaļ ej jab jān Anij.
19 Im bar juon alen, e eo ej bōk naan in m̧ool eo, e ej ke bōke e jān Jetōb in m̧ool ak bar jet iaļ?
20 Im eļan̄n̄e ej jān bar jet iaļ ej jab jān Anij.
21 Kōn menin, etke e pen bwe kom̧in jab meļeļe im jeļā, ke e eo ej bōk naan eo jān Jetōb in m̧ool ej bōke āinwōt ej kwaļo̧ke jān Jetōb in m̧ool?
22 Kōn menin, eo ej kwaļo̧k naan im eo ej bōke, remeļeļe doon, im jim̧or rej aketak im blan̄lōn̄ ippān doon.
23 Im men eo ej jab kōketak ej jab jān Anij, im ej amarok.
24 Men eo ej jān Anij ej ameram; im e eo ej bōk meram, im bwōnm̧aanļo̧k wōt ilo Anij, ej bōk ceļapļo̧k meram; im meram in ej meramļo̧k im meramļo̧k m̧ae raan eo eweeppān.
25 Im bar juon alen, em̧ool Ij ba n̄an kom̧, im Ij ba e bwe kom̧in maron̄ jeļā am̧ool eo, bwe kom̧in maron̄ kokakļo̧k marok jān ilubwiljimi;
26 E eo ekkapit in Anij im kar jilkinļo̧k, ejja in wōt jitōn̄e bwe en eo aeļaptata, mekarta ej diktata im brijerbal an aolep.
27 Kōn menin, e ej aan aolep men otemjeļo̧k; bwe aolep men otemjeļo̧k rej An pepe, jim̧or ilo lan̄ im ioon laļ, mour eo im meram eo, Jetōb eo im bkajoor eo, kar jilkinļo̧k jān ankilaan Jemān kōn Jisōs Kraist, eo Nejin.
28 Ak ejjeļo̧k armej ej an pepe aolep men ijello̧kun wōt n̄e ej akarreo im berreo jān aolep jero̧wiwi.
29 Im eļan̄n̄e kom̧ij karreo im erreo jān aolep jero̧wiwi, kom̧ naaj akajjitōk jabdewōt kom̧ kōņaan ilo etan Jisōs im e naaj kōm̧m̧an.
30 Ak jeļā men in, naaj lewōj e n̄an kom̧ ta kom̧ naaj kajjitōk; im āinwōt kar jitōn̄ kom̧ n̄an ajeban eo, jetōb ko renaaj ami pepe.
31 Kōn menin, enaaj waļo̧k, bwe eļan̄n̄e kom̧ij lo juon ajetōb ewaļo̧k im kom̧ij jab meļeļe, im kom̧ij jab bōk jetōb in, kom̧ naaj kajjitōk jān Jemān ilo etan Jisōs; im eļan̄n̄e Ej jab lewōj n̄an kom̧ jetōb in, innām kom̧ maron̄ jeļā bwe ej jab jān Anij.
32 Im naaj lewōj e n̄an kom̧, akajoor ioon jetōb in; im kom̧ naaj kwaļo̧k ņae jetōb in kōn juon ainikien eļļaaj bwe e ej jab jān Anij—
33 Jaab kōn aillu in aitwerōk, bwe ren jab anjo̧ ioomi, jaab kōn bkōmmejāje ak lan̄lōn̄, n̄e kom̧ ab po jān e.
34 E eo ej bōk jān Anij, e en watōke men in jān Anij; im e en lan̄lōn̄ bwe Anij eaar watōk e juon etōllo̧ke n̄an bōk.
35 Im jān ron̄jaki im kōm̧m̧ani men kein me kom̧ ar bōki, im ko me kom̧ naaj bōki tokālik—im aaelōn̄ eo em̧ōj lewōj n̄an kom̧ jān Jemān, im bkajoor n̄an anjo̧ ioon aolep men otemjeļo̧k ko rej jab kōmālim jān E—
36 Im lo, em̧ool Ij ba n̄an kom̧, ejeraam̧m̧an kom̧ ro rej kiiō ron̄jaki naan kein Aō jān lo̧n̄iin eo rikarejera, bwe jero̧wiwi kom̧ ami em̧ōj ajeoriļo̧k jān kom̧.
37 Kōtļo̧k rikarejera Josep Wakefield, eo ebun̄-buruō kake e, im rikarejera aParley P. Pratt bwe ren ilo̧k ilubwiljin jarlepju in rijar ko im kōkajoorļo̧k er jān naan in bkōketak;
38 Im barāinwōt rikarejera Jon Corrill, ak jon̄an wōt lōn̄in ro rikarejera im em̧ōj kapit er n̄an opij in, im kōtļo̧k bwe ren jerbal ilo ajikin kallib grep in; im en ejjeļo̧k armej ej kapan̄ er jān kōm̧m̧an men eo me em̧ōj Aō jitōn̄e n̄an er—
39 Kōn menin, ilo men in rikarejera aEdward Partridge ej jab jim̧we; mekarta e en ukeļo̧k im e naaj jeorļo̧k an bōd.
40 Lo, kom̧ij ajri ro reddik im kom̧ij jab maron̄ aineek aolep men otemjeļo̧k kiiō; kom̧ij aikuj beddek ilo cjouj im ilo jeļā kōn dm̧ool eo.
41 aJab mijak, ajri breddik, bwe kom̧ij Aō, im em̧ōj Aō canjo̧ ioon laļ, im kom̧ij jān er ro Jema eaar dletok n̄an Eō;
42 Im ejjeļo̧k iaer ro Jema eaar letok n̄an E enaaj ajako.
43 Im Jema im N̄a kōmij ajuon. N̄aij ilo Jema im Jema ilo N̄a; im toun wōt ami kar bōk Eō, kom̧ij ilo N̄a im N̄aij ilo kom̧.
44 Kōn menin, N̄a ij pād ilubwiljimi, im N̄a ij aseperd eo em̧m̧an, im bEjm̧aan an Israel. Eo ej ekkal ioon cejm̧aan in dejamin wōtlo̧k.
45 Im raan eo ej itok n̄e kom̧ naaj ron̄ Ainikiō im alo Eō, im jeļā bwe N̄aij mour.
46 aEkkōl, kōn menin, bwe kom̧in maron̄ bpojak. Em̧ool āindein. Amen.