iVolanikalou
Vunau kei na Veiyalayalati 43


Wase 43

Na veika sa vakatakilai yani mai vei Josefa Simici na Parofita mai Katiladi, Oaio, ena Feperueri ni 1831. Ena gauna oqo era sa veilecayaki voli kina eso na lewe ni Lotu ena vuku ni veika era kaya na dauvakatakila vakailasu. A vakatataro vua na Turaga ko koya na Parofita, ka mani veitaratara mai kina vua na Turaga ena itukutuku vei ira na italatala qase ni Lotu. Na imatai ni iwasewase sa baleta na lawa tu ni Lotu; ia na ikarua ni iwasewase sa ivakasala me ra tukuna na italatala qase ni lotu ki na veimatanitu e vuravura.

1–7, Sa soli taudua ga na ivakatakila kei na ivakaro vei koya sa lesi vua; 8–14, Era sa vakatabui na Yalododonu ni ra sa caka dodonu vua na Turaga; 15–22, Era sa talai yani na italatala qase me ra vunautaka na veivutuni ka vakasalataki ira na tamata me ra vakavakarau ki na siga sa levu ni Turaga; 23–28, Sa dau veitaratara na Turaga vei ira na tamata ena rorogo ni Domona kei na cakacaka ni veika bula; 29–35, Ena yaco mai na Mileniumi vinaka ka na vesu tu kina ko Setani.

1 Dou vakatudaliga koi kemudou na italatala qase ni noqu lotu, ka vakarorogo ki na vosa au na tukuna vei kemudou.

2 Ia raica, e dina, e dina, au sa kaya vakaidina vei kemudou, sa soli vei kemudou na ivakaro me avakalawataki kina na noqu lotu, mai vei koya au sa lesia vei kemudou me ciqoma na bivakaro kei na ivakatakila mai na ligaqu.

3 Ia mo dou kila deivaki sara—ni sega tale ni dua vei kemudou sa lesi me ciqoma na ivakaro kei na ivakatakila, me yacova na gauna sa takali kina ko koya, kevaka sa ayalodina tiko vei au.

4 Ia e dina, e dina au sa kaya vei kemudou, ni na asega tale ni dua e lesi me taura na itavi oqo ko koya ga sa lesia ko koya; ia kevaka sa kau tani vua na ilesilesi oqo, sa na sega vua na kaukauwa ia me lesia ga e dua me kena isosomi.

5 Ia oqo me na nomudou lawa, mo dou kakua ni ciqoma na nona ivakavuvuli e dua ka na lako mai vei kemudou me vaka na ivakatakila se ivakaro;

6 Kau sa solia vei kemudou na veika oqo mo dou kakua kina ni avakaisini, mo dou kila ni sa sega ni vu mai vei au.

7 Niu sa kaya vakaidina vei kemudou, ko koya ka’u sa alesia ena curu mai ena bmatamata ka mai tabaki me vaka ka’u sa tukuna oti vei kemudou, me vakavuvulitaka na ivakatakila dou sa ciqoma kei na kena dou na qai ciqoma mai vei koya au sa lesia.

8 Ia oqo, raica, au sa solia vei kemudou e dua na ivakaro, oya ni dou sa soqoni vata mo dou aveidusimaki ka veivakatataki cake vakataki kemudou, mo dou kila kina na ivakarau mo dou vakayacora ka liutaka kina na noqu lotu, na ivakarau mo dou cakacakataka kina na veitikina eso ni noqu lawa kei na ivakaro, au sa solia.

9 Ka sa vakaoqori na sala dou na dusimaki kina ena lawa ni noqu lotu, ka avakatabui ena veika dou sa ciqoma, mo dou vauci kemudou sara mo dou na caka dodonu tiko ga e mataqu—

10 Ni kevaka dou sa kitaka vakakina, ena avakaikuritaki ena lagilagi na matanitu sa soli vei kemudou. Ia kevaka e sega, ena bkau tani, io na veika sara mada ga dou sa ciqoma.

11 Dou biuta tani sara na aivalavala ca ena kemudou maliwa; io dou vakatabui kemudou e mataqu;

12 Ia kevaka dou sa gadreva mo dou rawata na lagilagi ni matanitu, dou vakaliuci Josefa Simici Lailai, na noqu tamata ka atokoni koya ena nomudou masu ni vakabauta.

13 Kau sa kaya tale vei kemudou, kevaka dou sa via kila na veika avuni ni matanitu, dou vakani koya ka vakasulumi koya, io mo dou vukei koya ena veika kecega sa gadreva me vakayacora vakavinaka kina na ilesilesi au sa vakaroti koya kina;

14 Ia kevaka e sega, sa na tiko vata voli ga kei ira sa vakabauti koya, io me’u maroroya kina kivei au e dua na matatamata yalo asavasava.

15 Au sa kaya tale, dou vakarorogo na italatala qase ni noqu lotu, ka’u sa lesia: Dou a sega ni talai yani mo dou la’ki vuli, ia mo dou avakavulici ira na luve ni tamata ena veika au sa biuta ki ligamudou ena kaukauwa ni noqu bYalotabu;

16 Raica dou na avakavulici mai cake. Dou bvakatabui kemudou, io ena csoli vei kemudou na kaukauwa mo dou vakavuvulitaka na noqu vosa me vaka au sa tukuna.

17 Dou vakarorogo, raica, sa voleka na siga ni Turaga, io na asiga sa blevu ko ya.

18 Ni sa yaco mai na siga ena avosa kina mai lomalagi na Turaga; ena byavavala ko lomalagi ka csakure ko vuravura, ena tagi vakadomoilevu ka vakabalavu sara na ddavui ni Kalou, io ena kaya vei ira na veimatanitu sa moce no: Oi kemuni na yalododonu, mo ni etucake ki na bula; ia koi kemuni sa ivalavala ca, mo ni fmoce tiko ga me yacova ni’u sa kacivi kemuni.

19 Ia dou vakadreta na ivau ni tolomudou, mo dou kakua ni kunei ena kedra maliwa na ivalavala ca.

20 Dou tabalaka cake na domomudou ka kakua ni kinoca. Dou vunauci ira na veimatanitu me ra veivutuni, io ko ira na qase kei na gone, na bobula kei na itaukei, ka mo dou kaya: Dou vakarautaki kemudou ki na siga sa levu ni Turaga;

21 Raica au sa tamata ga, ia kevaka ka’u sa tabalaka cake na domoqu ka vunauci kemudou mo dou veivutuni, ka dou sa cudruvi au kina, a cava dou na kaya ni sa yaco mai na siga sa vakarogoya kina mai na iyalayala kei vuravura na domona na akurukuru kivei ira kecega sa bula ka kaya—Dou veivutuni ka vakarautaki kemudou ki na siga sa levu ni Turaga?

22 Io, kei na dua tale, ni sa tibi na liva mai na tokalau ki na ra, ka na rogo na domodra vei ira sa bula, ka na watatagi kina na daligadra o ira kecega era sa rogoca, ka kaya na vosa oqo—Dou veivutuni, ni sa voleka na siga sa levu ni Turaga?

23 Ka vakatalega kina, ni na rogo mai lomalagi na domo ni Turaga ka kaya: Dou vakarorogo oi kemudou na veimatanitu e vuravura, ka rogoca na nona vosa o koya na Kalou ka a buli kemudou.

24 Isa, koi kemudou na veimatanitu e vuravura, au sa nanuma vakavuqa me’u vakasoqoni kemudou vata me vaka na atoa yalewa sa vakasoqoni ira na luvena e ruku ni tabana, ia dou sa sega ni bvinakata!

25 Sa vakavuqa na noqu dau akacivi kemudou mai na gusudra na noqu bitalai, kei na nodra cveiqaravi na agilosi, ka vakakina ena domoqu, ena domo ni kurukuru, kei na domo ni livaliva, ena domo ni cava, kei na domo ni uneune, kei na uca cevata, kei na domo ni ddausiga kei na mate dauveitauvi kecega, kei na domo ni davui sa rogo levu, kei na domo ni veilewai, kei na domo ni eloloma cecere ena nodra veisiga kecega, kei na domo ni lagilagi kei na vakarokoroko kei na iyau ni bula tawamudu, meu vakabulai kemudou kina ena veivakabulai ftawavakaiyalayala, ia dou sa sega ni vinakata!

26 Raica, sa yaco mai na siga, me sa vuabale kina na bilo ni noqu cudru.

27 Raica, au sa kaya vakaidina vei kemudou, oqo na nona vosa na Turaga na nomudou Kalou.

28 O koya, mo dou cakacaka, dou acakacaka ena noqu were ni vaini ena iotioti ni gauna—dou vunauci ira na lewei vuravura ena iotioti ni gauna.

29 Ni’u na alako mai ki vuravura ena kena gauna au sa lewa me ia na veilewai, ia era na vueti na noqu tamata ka vakatulewa vata kei au e vuravura.

30 Io ena yaco mai na aMileniumi levu ka’u a tukuna e gusudra na noqu tamata.

31 Raica ena avesu tu mada ko bSetani, ia ni sa sereki tale, ena clekaleka wale ga na nona gauna ni lewa, sa yaco na divakataotioti kei vuravura.

32 Ia ko ira sa ivalavala adodonu tiko era na bvakamataliataki vakasauri me vaka na sauriva ni mata, ka na takali yani ko vuravura ni sa vakamai ena bukawaqa.

33 Ia ko ira sa ivalavala ca, era na biu ki na abukawaqa tawaboko rawa, a sa sega na tamata e vuravura sa kila na kedra itinitini; ka na sega sara ni dua e kila, me yacova ni ra sa mai tu e mataqu me ra blewai.

34 Dou vakarorogo ki na vosa oqo. Raica, koi Au ko Jisu Karisito, na aiVakabula kei vuravura. Mo dou btugana sara ki lomamudou na veika oqo, ia mo dou cnanuma tiko ga e dlomamudou na eveika lagilagi ni gauna tawamudu.

35 Dou ayalomatua. Dou muria na noqu ivakaro kecega. Io ena yaco vakakina. Emeni.