Jekjōn 39
Revelesōn letok kōn Josep Smith Rikanaan eo n̄an Jemes Covel, ilo Fayette, New York, Jānwōde 5, 1831. Jemes Covel, eo ekar juon minister an Methodist enan̄in en̄oul iiō ko, eaar kallim̧ur ippān Irooj bwe enaaj kar pokake jabdewōt kien Irooj enaaj kar leļo̧k n̄an e kōn Josep Rikanaan eo.
1–4, Ro Rekwōjarjar ewōr aer kajoor n̄an erom m̧aan ro nejin Anij; 5–6, N̄an bōk gospel eo ej n̄an bōk Kraist; 7–14, Jemes Covel kar jiron̄ e bwe en peptaij im jerbal ilo jikin kallib grep eo an Irooj; 15–21, Ro rikarejeran Irooj rej kwaļo̧k naan kōn gospel eo m̧okta jān Itok eo Kein Karuo; 22–24, Ro rej bōk gospel eo renaaj kuktok ippān doon ilo iien in im ilo indeeo.
1 Eo̧ron̄ im ron̄jake ainikien Eo ej jān aolep aindeeo n̄an aolep indeeo, bN̄a E eo Eļap, em̧ool Jisōs Kraist—
2 aMeram eo im mour eo an laļ; meram eo me ej romaak ilo marok im marok ej jab jeļā e;
3 Ejja eo wōt me Eaar itok ilo aioļapļap in iien n̄an ro Aō make, im ro Aō make rekar jab bōk Eō;
4 Ak n̄an jon̄an wōt eo rekar bōk Eō, Iaar leļo̧k kajoor n̄an erom am̧aan ro Nejū; im em̧ool enaaj āindein Inaaj leļo̧k n̄an jon̄an wōt eo renaaj bōk Eō, kajoor n̄an erom m̧aan ro Nejū.
5 Im em̧ool, em̧ool, Ij ba n̄an eok, e eo ej bōk gospel eo Aō ej abōk Eō; im eo ej jab bōk gospel eo Aō ej jab bōk Eō.
6 Im en̄in ej agospel eo Aō—ukeļo̧k im peptaij jān dān, innām ej itok bpeptaij an kijeek im Jetōb Kwōjarjar, em̧ool Rikaenōm̧m̧an eo, eo ej kwaļo̧k men otemjeļo̧k, im ckatakin men ko reineem̧m̧an an aelōn̄ eo.
7 Im kiiō, lo, Ij ba n̄an eok, rikarejera aJemes, Ikar lali jerbal ko am im I jeļā wōn kwe.
8 Im em̧ool Ij ba n̄an eok, būruōm̧ ej kiiō jim̧we Im̧aō ilo iien in; im, lo, em̧ōj Aō likūt kōjeraam̧m̧an ko reļļap ioon bōram;
9 Mekarta, kwaar lo eļap būrom̧ōj, bwe kwaar joļo̧k Eō elōn̄ alen ko kōn juwa im awōj waan ko an laļ.
10 Ak, lo, raan ko in lo̧mo̧o̧ren eok remoottok, eļan̄n̄e kwo naaj eo̧ron̄ Ainikiō, eo ej ba n̄an eok: Kwōn jutak im apeptaij, im kwaļo̧k jero̧wiwi ko am, im kūr ioon Eta, im kwo naaj bōk Jetōb eo Aō, im juon kōjeraam̧m̧an eo ekanooj ļap im kwo jan̄in kar jeļā kake.
11 Im eļan̄n̄e kwo naaj kōm̧m̧ane men in, em̧ōj Aō kōpooj eok n̄an juon jerbal eļapļo̧k. Kwo naaj kwaļo̧k naan kōn tarlep in gospel eo Aō, eo Iaar jilkinļo̧k ilo raan kein āliktata, bujen eo me Iaar jilkinļo̧k n̄an akōro̧o̧ltok armej ro Aō, ro rej jān m̧weo im̧ōn Israel.
12 Im enaaj waļo̧k bwe kajoor enaaj apād ioom; kwo naaj wōr am tōmak eļap, im Inaaj pād ippam̧ im etal im̧aan mājām.
13 Kwe em̧ōj kūr eok n̄an ajerbal ilo jikin kallib grep eo Aō, im n̄an kalōk kabun̄ in Aō, im n̄an bkōjerkak tok Zaion, bwe en maron̄ lan̄lōn̄ ioon toļ ko im cuwa.
14 Lo, em̧ool, em̧ool, Ij ba n̄an eok, kwe ej jab kūr eok n̄an etal ilo laļ ko iturear, ak ej kūr eok n̄an etal n̄an Ohio.
15 Im toun wōt an armej ro Aō naaj ainļo̧k doon ijeņ ilo Ohio, Ikar door wōt ilo kōjparok juon akōjeraam̧m̧an eo jan̄in kar jeļā kake ilubwiljin ro nejin armej, im enaaj lutōkleplepļo̧k ioon bōraer. Im jān ijeņ armej naaj ilo̧k n̄an ilo baolep claļ otemjeļo̧k.
16 Lo, em̧ool, em̧ool, Ij ba n̄an kom̧, bwe armej ro ilo Ohio rej kūr Eō ilo eļap tōmak, im ļōmņak Inaaj dāpij Peiū ilo ekajet ioon laļ ko, ak Ij jab maron̄ kaarmejjete naan eo Aō.
17 Kōn menin kom̧in jino kōn ami maron̄ im kūr rijerbal ro retiljek ilo jikin kallib grep eo Aō, bwe en maron̄ ajepjep n̄an iien in āliktata.
18 Im toun in wōt aer ukeļo̧k im bōk tarlep in gospel eo Aō, im erom kwōjarjar, Inaaj dāpij Peiū ilo aekajet.
19 Kōn menin, kwōn ilo̧k, im kūr kōn juon ainikien eļap, im ba: Aelōn̄ in lan̄ epaak tok; im ba: Hosana! em̧ōņōņō etan Anij Eutiejtata.
20 Ilo̧k im peptaij kōn dān, im kōpooje iaļ eo im̧aan Meja n̄an iien aitok eo Aō;
21 Bwe iien eo emoottok; araan eo ak awa eo ejjeļo̧k armej bejeļā; ak em̧ool enaaj itok.
22 Im eo ej bōk men kein ej bōk Eō; im renaaj kuktok n̄an Eō ilo iien in im ilo indeeo.
23 Im bar juon alen, enaaj waļo̧k bwe ioon jon̄an wōt eo renaaj peptaij kōn dān, kom̧ naaj likūt apeimi, im renaaj bōk mennin bletok eo an Jetōb Kwōjarjar, im naaj creim̧aanļo̧k n̄an kakōļļe ko in Aō ditok, im naaj jeļā N̄a.
24 Lo, em̧ōkaj Aō itok. Em̧ool āindein. Amen.