1 Ron̄jake ainikien ^aIrooj am Anij, em̧ool ^bAlpa im Omega, jinoin im jem̧ļo̧kin, eo ^ciaļ eo An ejjeļo̧k jem̧ļo̧kin, eo ejja ^djuon wōt rainin āinwōt inne, im indeeo.

2 N̄a Jisōs Kraist, eo Nejin Anij, eo eaar ^adebwāāl kōn jero̧wiwi ko an laļ, em̧ool jon̄an wōt eo enaaj ^btōmak ioon Eta, bwe ren maron̄ erom ^cm̧aan ro nejin Anij, em̧ool ^djuon ilo N̄a āinwōt N̄aij ^ejuon ilo Jemān, āinwōt Jemān ej juon ilo N̄a, bwe jen maron̄ juon.

3 Lo, em̧ool, em̧ool, Ij ba n̄an rikarejera Sidney, Iaar kalimjek eok im jerbal ko am. Iaar ron̄ jar ko am, im kar kōpooj eok n̄an juon jerbal eļapļo̧k.

4 Kwo jeraam̧m̧an, bwe kwo naaj kōm̧m̧ani men ko reļļap. Lo kwe em̧ōj kar jilkinļo̧k eok, em̧ool āinwōt ^aJon, n̄an kōpooj iaļ eo Im̧aō, im im̧aan ^bIlaija eo eaikuj itok, im kwaar jab jeļā men in.

5 Kwaar peptaij kōn dān n̄an ukeļo̧k, ak rekar jab ^abōk Jetōb Kwōjarjar;

6 Ak kiiō Ij lewōj n̄an eok juon kien, bwe kwōn ^apeptaij kōn dān, im renaaj bōk ^bJetōb Kwōjarjar jān likūt ^cpā ko ioon, em̧ool āinwōt rijjilōk ro etto.

7 Im enaaj waļo̧k bwe enaaj wōr juon jerbal eļap ilo āniin, em̧ool ilubwiljin ro ^ariAelōn̄ ko, bwe aer bwebwe im mennin jōjō ko aer renaaj jedmatmat im̧aan mejān aolep armej.

8 Bwe N̄aij Anij, im Peiū ej jab ^akaduļo̧k; im Inaaj kwaļo̧k mennin ^bbwilōn̄ ko, ^ckakōļļe ko, im kabwilōn̄lōn̄ ko, n̄an aolep ro rej ^dtōmak ioon Eta.

9 Im jabdewōt eo enaaj kajjitōke ilo Eta ilo ^atōmak, renaaj ^bkadiwōjļo̧k ^cdevil raņ; renaaj ^dkōmour rinan̄inmej; renaaj kōm̧m̧an bwe ripilo ren maron̄ loļo̧kjeņ, im rijarron̄ron̄ n̄an ron̄, im rijaje kōnono n̄an kōnono, im riakā n̄an etetal.

10 Im iien em̧ōkaj an itok bwe men ko reļļap ren waļo̧ktok n̄an ro nejin armej;

11 Ak n̄e ^aejjeļo̧k tōmak ejjeļo̧k jabdewōt naaj kwaļo̧ktok ijello̧kun wōt ^bkōlo̧urō ko ioon ^cBabilon, ejja eo wōt eaar kōm̧m̧an bwe aolep laļ ko ren idaak jān wain in illu in an ^dlejān.

12 Im ^aejjeļo̧k rej kōm̧m̧an em̧m̧an ijello̧kun wōt ro rej pojak n̄an bōk tarlep in gospel eo Aō, eo me Iaar jilkinļo̧k n̄an epepen in.

13 Kōn menin, Ij kūr ioon men ko ^arem̧ōjņo̧ an laļ, ro rej ^bjab rijeļāļo̧kjeņ im ro dike er, n̄an kōjenolo̧k laļ ko jān kajoor in Jetōb eo Aō;

14 Im peier renaaj Peiū, im Inaaj aer kein ^atōrak im aer kein tōrak jidik ko; im Inaaj kan̄ōrn̄ōre ipier, im renaaj ire āinwōt lukkuun em̧m̧an n̄an Eō; im ^brikōjdat ro aer renaaj pād ium̧win neer; im Inaaj ^ckawōtlo̧k jāje eo kōn wōt er, im jān ^dkijeek in Aō libabne Inaaj kōjo̧o̧r er.

15 Im ro ^arijeram̧ōl im ^brittā naaj kwaļo̧k gospel eo n̄an er, im renaaj ^creim̧aanļo̧k n̄an iien itok eo Aō, bwe e ^dkanooj epaaktok—

16 Im renaaj jeļā būrabōļ in ^awōjke fig eo, bwe em̧ool kiiō ej epaaktok kadede rak eo.

17 Im em̧ōj Aō jilkinļo̧k ^atarlep in gospel eo Aō kōn pein rikarejera ^bJosep; im ilo m̧ōjņo̧ Iaar kōjeraam̧m̧an e;

18 Im Iaar leļo̧k n̄an e ^aki ko an mennin ittino ko me em̧ōj kar ^bliāpe, em̧ool men ko me rekar jān ^cpedped eo an laļ, im men ko me renaaj itok jān iien in m̧ae iien itok eo Aō, eļan̄n̄e e ej pād ilo N̄a, im eļan̄n̄e jaab, bar juon Inaaj likūti ilo ijo ikijjien.

19 Kōn menin, lale e bwe an tōmak en jab likjab, bwe naaj leļo̧k e jān ^aRikaenōm̧m̧an eo, ^bJetōb Kwōjarjar, eo ejeļā men otemjeļo̧k.

20 Im juon kien Ij lewōj n̄an eok—bwe kwōn ^ajeje n̄an e; im jeje ko rekwōjarjar naaj liļo̧k, em̧ool āinwōt rej pād ilo Ubō make, n̄an lo̧mo̧o̧r eo an ro Aō make ^brikāālet;

21 Bwe renaaj ron̄ ^aAinikiō, im naaj lo Eō, im naaj jab kiki, im naaj ^bmour ilo raan in ^citok eo Aō; bwe naaj karreoik er, em̧ool āinwōt N̄aij ^derreo.

22 Im kiiō Ij ba n̄an ^aeok, kwōn pād wōt ippān, im enaaj ito-itak ippam̧; jab eļļo̧k jān e, im ekanooj m̧ool men kein renaaj kūrm̧ool.

23 Im ^atoun wōt am jab jeje, lo, naaj leļo̧k n̄an e bwe en kanaan; im kwo naaj kwaļo̧k naan kōn gospel eo Aō im kūr ioon ^brikanaan ro rekwōjarjar n̄an kam̧ool naan ko an, āinwōt naaj liļo̧k n̄an e.

24 ^aKōjparok aolep kien ko im bujen ko kwōj aikuj in pokaki; im Inaaj kōm̧m̧an bwe lan̄ ko ren ^bm̧akūtkūt kōn em̧m̧an eo am, im ^cSetan enaaj wūdiddid im Zaion enaaj ^dlan̄lōn̄ ioon toļ ko im uwa;

25 Im ^aIsrael naaj ^blo̧mo̧o̧ren ilo iien eo Aō make; im jān ^cki ko me em̧ōj Aō kar liļo̧k naaj tōl er, im jamin bar pok n̄an jidik.

26 Kotak būruōmi im m̧ōņōņō, ami ^apinmuur ej epaaktok.

27 Jab mijak, bwij edik, ^aaelōn̄ eo ej ami m̧ae Ij itok. Lo, em̧ōkaj Aō ^bitok. Em̧ool āindein. Amen.