1 Ronjake ainikien Jisōs Kraist, ami Irooj, ami Anij, im ami Ripinmuur, eo An innaan ^aem̧ōkaj im kajoor.

2 Bwe, lo, Ij ba n̄an kom̧, bwe ej jab aorōk ta kom̧ naaj m̧ōn̄ā ak ta kom̧ naaj idaak n̄e kom̧ij bōk ^akwōjkwōj eo, eļan̄n̄e āindein bwe kom̧ij kōm̧m̧ane kōn juon wōt errem̧aanļo̧k n̄an ^baiboojoj eo Aō—im keememeje n̄an Jema Ānbwinnū eo kar likūti kōn kom̧, im ^cbōtōktōkū eo eaar to̧o̧rļo̧k kōn ^djeorļo̧k eo an jero̧wiwi ko ami.

3 Kōn menin, juon kien Ij lewōj n̄an kom̧, bwe kom̧in jab naaj wia wain ak dān ko rekajoor jān rikōjdat ro ami;

4 Kōn menin, kom̧ naaj bōke ejjeļo̧k ijello̧kun wōt n̄e ekāāl kōm̧m̧ane ilubwiljimi; aaet, ilo men in ilo aelōn̄ eo an Jema me naaj kalōke ioon laļ in.

5 Lo, en̄in ej mālōtlōt ilo N̄a; kōn menin, jab ilbōk, bwe awa eo ej itok im Inaaj ^aidaak jān leen vine eo ippemi ioon laļ, im ippān ^bMoronai, eo Iaar jilkinwaj n̄an eok n̄an kwaļo̧k Bok in Mormon, eo ewōr ie tarlep in gospel eo Aō ejjeļo̧k jem̧ļo̧kin, eo n̄an e Iaar leļo̧k ki ko an ļo̧o̧k eo an ^caļaļ eo an Ipreim;

6 Im barāinwōt ippān ^aElias, eo n̄an e Iaar liļo̧k ki ko n̄an kakūrm̧oole jepļaaktok eo an aolep men ko kar kōnono kaki jān lo̧n̄iin aolep rikanaan ro rekwōjarjar jān jinoin laļ, kōn raan ko āliktata;

7 Im barāinwōt Jon ļeo nejin Zakeraias, Zakeraias eo me e ^a(Elias) ar loļo̧k im leļo̧k kallim̧ur bwe enaaj wōr nejin juon ļaddik, im etan enaaj kar ^bJon, im enaaj kar obrak kōn jitōbōn Elias;

8 Jon in Iaar jilkinwaj n̄an kom̧ro, ro rikarejera, Josep Smith, Jun., im Oliver Cowdery, n̄an kapit kom̧ro n̄an ^apriesthood eo m̧oktata me kom̧ro ar bōke, bwe kom̧ro en maron̄ bōk kūr im ^bekkapit em̧ool āinwōt kar ^cAron;

9 Im barāinwōt ^aIlaija, eo n̄an e Iaar liļo̧k ki ko in kajoor an ^bukōttok būruōn ro jemāer n̄an ro nejier, im bōro ko būruōn ro nejier n̄an ro jemāer, bwe aolepān laļ en jab naaj den̄ļo̧ke laļ kōn juon kalia;

10 Im barāinwōt ippān Josep im Jekab, im Aisak, im Ebream, ro jemāmi, jān er ^akallim̧ur ko rej pād wōt;

11 Im barāinwōt ippān Maikeel, ak ^aAdam, eo ej jemān aolep, eo ej bwidak an aolep, eo ej raan ko etto;

12 Im barāinwōt ippān Piter, im Jemes, im Jon, ro Iaar jilkinwaj n̄an kom̧ ro, jān er Iaar ^akapit kom̧ro im kapen kom̧ro n̄an jet ^brijjilōk, ^crikam̧ool jenolo̧k ro kōn Eta, im kabwijer ki ko an jerbal eo amiro im an ejja men ko wōt me Iaar kwaļo̧k n̄an er;

13 Ro n̄an er Iaar ^aliļo̧k ^bki ko an aelōn̄ eo Aō, im juon ^ctōrean bōk eddo an ^dgospel eo n̄an ^eiien ko āliktata; im n̄an ^flikiio in iien ko, eo ie Inaaj aintok ippān doon ilo ^gjuon men otemjeļo̧k, jim̧or men ko ilo lan̄, im men ko ioon laļ;

14 Im barāinwōt ippān aolep ro Jema eaar ^aletok n̄an Eō jān laļ.

15 Kōn menin, kotak būruōmi im lan̄lōn̄, im kom̧in kan̄ōrn̄ōr ipūmi, im bōk ioomi aolepān ^akein tariņae ko Aō, bwe kom̧in maron̄ jutak ņae raan eo enana, im ālikin kōm̧m̧an men otemjej, bwe kom̧in maron̄ ^bjutak.

16 Jutak, kōn menin, im kom̧in ^akan̄ōrn̄ōr kōn ^bm̧ool, im kōņak ^cdipil in ^dweeppān, im kalbubuuk neemi kōn m̧aanjāppopo an gospel in ^eaenōm̧m̧an, eo Iaar jilkintok ^fenjeļ ro Aō n̄an lewōj n̄an kom̧;

17 Kōņake kein tōrak in tōmak eo kake kom̧ naaj maron̄ kuni aolep ^am̧ade kijeek ko an rinana;

18 Im bōk helmet in lo̧mo̧o̧r, im jāje an Jetōb eo Aō, eo Inaaj lutōkleplep ioomi, im Aō naan eo Ij kwaļo̧k n̄an kom̧, im errā āinwōt kōn jabdewōt kom̧ij kajjitōk jān Eō, im kom̧in tiljek m̧ae Aō itok, im kom̧ naaj ^aweaaklōn̄ļo̧k, bwe ijo Ij pād ie kom̧ naaj pād ^bbarāinwōt. Amen.