Jekjōn 24
Revelesōn leļo̧k n̄an Josep Smith Rikanaan eo im Oliver Cowdery, ilo Harmony, Pennsylvania, Juļae 1830. Men̄e edikļo̧k jān emān allōn̄ raar mootļo̧k jān iien eo kar karōke Kabun̄ in, matōrtōr eaar kanooj bwiltōn̄tōn̄, im ritōl ro rekar pukot jokane ilo tilekek jet iien. Revelesōn kein jilu ijin ilaļ kar litoki ilo iien in n̄an kōkajoorļo̧k, rōjan̄, im katakin er.
1–9, Josep Smith kar kūr e n̄an ukōt, kwaļo̧k, im tipdiki jeje ko rekwōjarjar; 10–12, Oliver Cowdery kar kūr n̄an kwaļo̧k kōn gospel eo; 13–19, Kien eo kar kwaļo̧ke ikijjien mennin bwilōn̄ ko, lia ko, jojān būn̄aln̄al in ium̧win neen juon, im etal im jab bōk nien m̧ani ak bōjo̧.
1 Lo, kwe kar kūr im kāālet eok n̄an jeje Bok in Mormon eo, im n̄an jerbal in Aō; im Iaar kotakļo̧k eok jān en̄taan ko am, im kar kapilōk eok, bwe kwe kar kōjo̧o̧r eok jān aolep rikōjdat ko am, im em̧ōj kōjo̧o̧r eok jān kajoor ko an Setan im jān marok!
2 Mekarta, kwe ejjeļo̧k am jekpen ilo abōd ko am; mekarta, ilo̧k ilo iaļ eo am im jab bar jero̧wiwi.
3 aKōļapļo̧k opij eo am; im ālikin am kar kalbwin meļaaj ko am im kōjparoki, etal m̧ōkajļo̧k n̄an jarlepju in rijar ro ko rej pād ilo bColesville, Fayette, im Manchester, im renaaj crejetake eok; im Inaaj kōjeraam̧m̧an er jim̧or ilo jetōb im ilo kanniōk;
4 Ak eļan̄n̄e reban bōk eok, Inaaj jilkinļo̧k ioer juon lia ijello̧kun kōjeraam̧m̧an eo.
5 Im kwōn wōnm̧aanļo̧k ilo kūr n̄an Anij ilo Eta, im jei men ko me naaj liwōj n̄an eok jān aRikaenōm̧m̧an eo, im tipdiki aolep jeje ko rekwōjarjar n̄an kabun̄ in.
6 Im enaaj lewōj n̄an eok ilo tōre eo wōt ta kwōn akōnono im jeje, im renaaj ron̄jake, ak Inaaj jilkinļo̧k n̄an er juon lia ijello̧kun juon kōjeraam̧m̧an.
7 Bwe kwo naaj kōmaatļo̧k aolep am ajipan̄ ilo Zaion; im ilo men in enaaj wōr am kajoor.
8 Kwōn aineem̧m̧an ilo ben̄taan, bwe kwo naaj iioon elōn̄; ak cniknik ie, bwe, lo, N̄aij pād ippam̧, em̧ool n̄an djem̧ļo̧k in raan ko am.
9 Im ilo jerbal ko an kanniōk eban wōr am kajoor, bwe ejjab kūr eo am in. Kōmaatļo̧k eok n̄an akūr eo am im kwo naaj bōk ta eo kwo aikuji n̄an kōļapļo̧k opij eo am, im n̄an tipdiki aolep jeje ko rekwōjarjar, im wōnm̧aanļo̧k ilo likūt pā ko ioon im kapen jarlepju in rijar ro.
10 Im ļeo jeiūm̧ im jatūm Oliver enaaj wōnm̧aanļo̧k wōt ilo kwaļo̧k Eta im̧aan laļ in, im barāinwōt n̄an kabun̄ in. Im en jab kōtmāne bwe emaron̄ ba ebwe ilo jibadbad in Aō; im lo, N̄aij pād ippān n̄an jem̧ļo̧kin.
11 Ilo N̄a enaaj wōr an aiboojoj, im jab jān e make, men̄e ilo m̧ōjņo̧ ak ilo kajoor, men̄e ilo kōm̧akoko ak anemkwōj;
12 Im ilo iien otemjej, im ilo jikin otemjej, enaaj kōpeļļo̧k lo̧n̄iin im akwaļo̧k gospel eo Aō āinwōt kōn ainikien juon bjilel, jim̧or raan im bon̄. Im Inaaj leļo̧k n̄an e kajoor eo me jan̄in kar jeļā kake ilubwiljin armej raņ.
13 Jab kōtmāne n̄an bōki mennin abwilōn̄ ko, ijello̧kun wōt n̄e Inaaj bjiron̄ kom̧ro, ijello̧kun ckadiwōjļo̧k djetōb kan, ekōmour rinan̄inmej, im ņae fjedpānit baijin ko, im ņae baijin in m̧anm̧an;
14 Im amen kein kom̧ro en jab kōm̧m̧ani, ijello̧kun wōt n̄e eaikuji jān kom̧ro jān er ro im rekōņaan e, bwe jeje ko rekwōjarjar ren maron̄ kūrm̧ool; bwe kom̧ro naaj kōm̧m̧an ekkar n̄an men eo me em̧ōj je.
15 Im ilo jabdewōt jikin kom̧ro naaj adeļo̧n̄, im rej jab bōk kom̧ro ilo Eta, kom̧ro naaj likūt juon lia ijello̧kun juon kōjeraam̧m̧an, jān jojān bbūn̄al in neemi ņae er āinwōt juon naan in kam̧ool, im karreoik neeimiro ilo iaļ eo ļo̧k amiro.
16 Im enaaj waļo̧k bwe jabdewōt eo enaaj likūt peier ioomiro lāj, kom̧ro naaj jiron̄ bwe en den̄den̄ ilo Eta; im, lo, Inaaj den̄ļo̧ke er ekkar n̄an naan ko amiro, ilo iien eo Aō make.
17 Im jabdewōt eo enaaj etal n̄an kien ņae kom̧ro enaaj lia jān kien eo.
18 Im kwōn bōk ejjeļo̧k anien m̧ani ak bōjo̧, jaab jokoņ, jaab ruo kopā, bwe kabun̄ in enaaj lewōj n̄an eok ilo ejja awa eo wōt ta kwōj aikuji n̄an m̧ōn̄ā im balle, im kōn juuj im kōn m̧ani, im kōn bōjo̧.
19 Bwe ej kūr eok n̄an ajepi jikin kallib grep eo Aō kōn jepjep eo ekajoor, aaet, em̧ool n̄an iien in āliktata; aaet, im barāinwōt aolep ro kwaar bkapit er, im renaaj kōm̧m̧an ekkar n̄an jon̄ok in. Amen.