1 Kiiō, lo, kōnke men eo me kwe, rikarejera Oliver Cowdery, kwaar kōņaan jeļā jān Eō, Ij liwōj n̄an eok naan kein:

2 Lo, Iaar kwaļo̧k n̄an eok, jān Jetōb eo Aō ilo elōn̄ wāween ko, bwe men ko kwaar jei ^arem̧ool; kōn menin kwo jeļā bwe rem̧ool.

3 Im eļan̄n̄e kwo jeļā bwe rej m̧ool, lo, Ij lewōj n̄an eok juon naan in jiron̄, bwe kwōn pedped ioon men ko em̧ōj aer ^ajeje;

4 Bwe ilo er epād aolep men ko kar jei kōn pedped eo an kabun̄ eo Aō, ^agospel eo Aō, im ^bejm̧aan eo Aō.

5 Kōn menin, eļan̄n̄e kwo naaj kalōk kabun̄ eo Aō, ioon pedped eo an gospel eo Aō im ejm̧aan eo Aō, aor ko an hell rej jamin anjo̧ ņae eok.

6 Lo, ^alaļ ej kaloļo̧k ilo nana; im eaikuj bwe ro nejin armej raņ rej lim̧otak n̄an ukeļo̧k, jim̧or ro ^briAelōn̄ ko im barāinwōt m̧weo im̧ōn Israel.

7 Kōn menin, āinwōt am kar ^apeptaij jān pā ko pein rikarejera Josep Smith, Jun., ekkar n̄an men eo me Iaar jiron̄ e, eaar kajejjet men eo me Iaar jiron̄ e.

8 Im kiiō, jab bwilōn̄ bwe Iaar kūr e n̄an jibadbad eo Aō, jibadbad eo me N̄a wōt Ijeļā kake; kōn menin, eļan̄n̄e enaaj ^atiljek ilo ^bkōjparok kien ko Aō enaaj ^cjeraam̧m̧an n̄an mour indeeo; im etan ej ^dJosep.

9 Im kiiō, Oliver Cowdery, Ij ekkōnono n̄an eok, im barāinwōt n̄an Devid Whitmer, ilo iaļan juon naan in jiron̄; bwe, lo, Ij jiron̄ aolep armej ijoko jabdewōt n̄an ukeļo̧k, im Ij kōnono n̄an kom̧ro, em̧ool āinwōt n̄an Paul ^arijjilōk eo Aō, bwe em̧ōj kūr kom̧ro em̧ool n̄an ejja kūr eo wōt kar kūri n̄an e.

10 Keememej bwe ^aaorōk in ^bjetōb ko ekanooj ļap ilo mejān Anij;

11 Bwe, lo, Irooj ami ^aRipinmuur eaar en̄taan kōn ^bmej ilo kanniōk; kōn menin Eaar ^cen̄taan kōn ^dmetak an aolep armej, bwe aolep armej ren maron̄ ukeļo̧k im itok n̄an E.

12 Im Eaar bar ^ajerkak jān ro remej, bwe En maron̄ bōktok aolep armej n̄an E, ilo errā ko an ^bukeļo̧k.

13 Im ewi jon̄an ^am̧ōņōņō eo An ilo armej eo ej ukeļo̧k!

14 Kōn menin, em̧ōj kūr kom̧ro n̄an ^akwaļo̧k ukeļo̧k n̄an armej rein.

15 Im eļan̄n̄e āindein bwe kom̧ro en aikuj jerbal aolepān raan ko amiro ilo kwaļo̧k ukeļo̧k n̄an armej rein, im bōktok, juon wōt ^aarmej n̄an Eō, ewi jon̄an an ļap naaj amiro m̧ōņōņō ippān ilo aelōn̄ eo an Jema!

16 Im kiiō, eļan̄n̄e amiro m̧ōņōņō enaaj kanooj ļap ippān juon armej eo kom̧ro ar bōktok n̄an Eō ilo ^aaelōn̄ eo an Jema, ewi jon̄an an ļap naaj amiro ^bm̧ōņōņō eļan̄n̄e kom̧ro ej ^cbōktok elōn̄ armej n̄an Eō!

17 Lo, gospel eo Aō ej pād imamiro, im Aō ejm̧aan, im Aō ^alo̧mo̧o̧r.

18 ^aKajjitōk ippān Jema ilo ^bEta ilo tōmak, im lōke bwe kom̧ro naaj bōk, im kom̧ro naaj bōk Jetōb Kwōjarjar, eo ej kaalikkar men otemjeļo̧k ko rej mennin ^caikuj n̄an ro nejin armej raņ.

19 Im eļan̄n̄e ejjeļo̧k amiro ^atōmak, ^bkōjatdikdik, im ^ciakwe-em̧ool, kom̧ro jekdo̧o̧n.

20 ^aJum̧ae ejjeļo̧k kabun̄, ijello̧kun wōt ^bkabun̄ eo an devil.

21 Bōk ioomiro ^aetan Kraist, im ^bkōnono m̧ool eo ilo ^calikkar in ļōmņak.

22 Im jon̄an wōt eo ej ukeļo̧k im rej ^apeptaij ilo Eta, eo ej Jisōs Kraist, im ^bniknik n̄an jem̧ļo̧kin, ejja in wōt renaaj mour.

23 Lo, Jisōs Kraist ej ^aāt eo letok in Jema, im ejjeļo̧k bar juon āt letok im kōn e armej remaron̄ mour;

24 Kōn menin, aolep armej reaikuj bōk ioer āt eo letok in Jema, bwe ilo āt in naaj kūr er ilo raan eo āliktata;

25 Kōn menin, eļan̄n̄e rej jab jeļā ^aāt eo me kūri er kake, ejjab maron̄ lōn̄ jikier ilo ^baelōn̄ eo an Jema.

26 Im kiiō, lo, ewōr bar ro jet kūr er n̄an kwaļo̧k gospel eo Aō, jim̧or n̄an ro ^ariAelōn̄ ko im n̄an riJu;

27 Aaet, em̧ool jon̄oulruo; im Ro ^aJon̄oulruo renaaj Aō rijjilōk, im renaaj bōk ioer Eta; im Ro Jon̄oulruo rej ro renaaj kōņaan bōk ioer ^bEta kōn aolepān kōttōpar in bōro.

28 Im eļan̄n̄e rekōņaan bōk ioer Eta kōn aolepān kōttōpar in bōro ej kūr er n̄an etal ilo aolepān ^alaļ in n̄an kwaļo̧k ^bgospel eo Aō n̄an ^carmej otemjeļo̧k.

29 Im rej er ro kapit er jān Eō n̄an ^apeptaij ilo Eta, ekkar n̄an men eo em̧ōj kar jeje;

30 Im kom̧ro ewōr men eo em̧ōj kar jeje imamiro; kōn menin, kom̧ro aikuj kōm̧m̧ane ekkar n̄an naan ko kar jeje.

31 Im kiiō Ij kōnono n̄an kom̧, Ro ^aJon̄oulruo—Lo, Aō jouj ebwe n̄an kom̧; kom̧ aikuj in etetal jim̧we Im̧aō im jab jero̧wiwi.

32 Im, lo, kom̧ rej ro kapit er jān Eō n̄an ^akapit pris ro im rikaki ro; n̄an kwaļo̧k gospel eo Aō, ^bekkar n̄an kajoor eo an Jetōb Kwōjarjar eo ej ilo kom̧, im ekkar n̄an ^ckūr ko im mennin letok ko an Anij n̄an armej;

33 Im N̄a, Jisōs Kraist, ami Irooj im ami Anij, Iaar kōnono men in.

34 ^aNaan kein rej jab jān elōn̄ armej ak jān juon armej, ak jān N̄a; kōn menin, kom̧ naaj kam̧ool rej jān Eō im jab jān armej;

35 Bwe ej ^aAinikiō eo ej kōnono naan kein n̄an kom̧; bwe rej liwōj jān Jetōb eo Aō n̄an kom̧, im jān kajoor eo Aō kom̧ maron̄ kōnono jāni n̄an doon; im ijello̧kun wōt n̄e en kar jān kajoor eo Aō kom̧ij jab maron̄ kar bōki;

36 Kōn menin, kom̧ maron̄ ^akam̧ool bwe kom̧ ar ron̄ Ainikiō, im jeļā naan ko Aō.

37 Im kiiō, lo, Ij lewōj n̄an eok, Oliver Cowdery, im barāinwōt n̄an Devid Whitmer, bwe kom̧ro en naaj pukpukot Ro Jon̄oulruo, ro enaaj wōr aer ikdeelel kein ko Iaar ekkōnono kaki;

38 Im jān ikdeelel ko aer im ^ajerbal ko aer kom̧ro naaj jeļā er.

39 Im n̄e em̧ōj amiro lo er kom̧ro naaj kwaļo̧k men kein n̄an er.

40 Im kom̧ naaj wōtlo̧k im ^akabun̄-jar n̄an Jemān ilo Eta.

41 Im kom̧ aikuj kwaļo̧k naan n̄an laļ, im ba: Kom̧ aikuj ukeļo̧k im peptaij, ilo etan Jisōs Kraist;

42 Bwe aolep armej reaikuj ukeļo̧k im peptaij, im jab em̧m̧aan raņ wōt, ak kōrā raņ, im ajri raņ ro rekar tōpar ^aiiō in bōk eddo.

43 Im kiiō, ālikin amiro kar bōk men in, kom̧ro aikuj kōjparok ^akien ko Aō ilo men otemjeļo̧k;

44 Im jān peimiro Inaaj jerbale juon jerbal ^aekabwilōn̄lōn̄ ilubwiljin ro nejin armej raņ, n̄an ^bkalel būruōn elōn̄ iaer kōn jero̧wiwi ko aer, bwe ren maron̄ itok n̄an ukeļo̧k, im bwe ren maron̄ itok n̄an aelōn̄ eo an Jema.

45 Kōn menin, kōjeraam̧m̧an ko Ij liwōj n̄an kom̧ro rej ^ailōn̄in aolep men otemjeļo̧k.

46 Im ālikin amiro kar bōk men in, eļan̄n̄e kom̧ro ban ^akōjparok kien ko Aō kom̧ro jamin mour ilo aelōn̄ eo an Jema.

47 Lo, N̄a, Jisōs Kraist, ami Irooj im ami Anij, im ami Ripinmuur, jān kajoor eo an Jetōb eo Aō Iaar kōnono men in. Amen.