1 ^aLan ko rekar peļļo̧k ioom, im Iaar lo aelōn̄ ^bselestial an Anij, im aiboojoj eo ijo, eļan̄n̄e ak jaab ilo ^cānbwin ak ilikin ijjab maron̄ ba.

2 Iaar lo tar-jān-jon̄an wōj eo an ^akōjām eo me ro rijolōte aelōn̄ in kiin̄ jab eo renaaj deļo̧n̄, eo me ekar āinwōt ^burur ko in kijeek rej jepooļe;

3 Barāinwōt ^atūroon eo ejjatōltōl an Anij, eo ioon ekar jijet ^bJemān im ^cNejin.

4 Iaar lo iaļ ko rewōj an aelōn̄ in kiin̄ in, ko jāllier kar āinwōt rekar kōm̧m̧ani kōn ^agold.

5 Iaar lo ro Jemād ^aAdam im ^bEbream; im ^cjema im ^djinō; ļeo jeiū ^eAlvin, eo ekar kanooj aetok an kar kiki;

6 Im kar ilbōk kōn wāween an kar bōke juon ^ajolōt ilo aelōn̄ in kiin̄ en, ilo jekjek in ke bwe eaar likūt mour in m̧okta jān an Irooj kar likūt Pein n̄an aintok Israel iien eo ^bkein karuo, im kar jab ^cpeptaij n̄an jeorļo̧k in jero̧wiwi ko.

7 Āindein eaar itok ^aainikien Irooj n̄an eō, im ba: Aolep ro rekar mej kōn ^bejjeļo̧k jeļāļo̧kjeņ kōn gospel in, ro renaaj kar bōk e eļan̄n̄e naaj kar kōtļo̧k er n̄an pād wōt, renaaj ^crijolōte aelōn̄ ^dselestial eo an Anij;

8 Barāinwōt aolep ro renaaj mej jān iien in m̧aanļo̧k kōn ejjeļo̧k jeļā kake e, ro ^arenaaj kar bōk e kōn aolepān burueer, renaaj rijolōte aelōn̄ in kiin̄ en;

9 Bwe N̄a, Irooj, I naaj ^aekajet aolep armej raņ ekkar n̄an ^bjerbal ko aer, ekkar n̄an ^cikdeelel ko an burueer.

10 Im iaar barāinwōt lo bwe aolep ajri ro rej mej m̧okta jān aer tōpar ^aiiō ko in bōk eddo ^bremour ilo aelōn̄ selestial in lan̄.